تربو علي ١٢٧ توب

**Islam.uno** · 05-08-2016 02:12 PM

مساء الخير عليكم ... انا جديد في المنتدي بس بجد انا قبل ما اتسجل قريت كتير و استفدت كتير و حبيت اشكر الادمن و الناس الخبراء علي الموقع الممتاز ..
انا يا جماعة احترت و تعبت جدآ و النهاردة بالجألكم و ارجو افادتي ..
انا من عشاق ال ٢٧ توب .... امنية حياتي اركب موتور زو قدره حصانيه جيده و تربو حتي لو التربو هايديني ٢ psi ... دورت كتير علي موتور فيات اونو تربو ١٣٠٠ مالقتش .... فكرت اني اجيب موتور فيات اونو فير ١٣٠٠ انجيكش ب شريحة كومبيوتر بس عرفت انو هيكون صعب يركب عليه تربو علشان هاحتاج كنترولات و افلام معزمكم عرفينها ...
هاتقولولي طيب شد موتورك و ركب عليه تربو ... صعب اوي اني اشد موتور عمر ه ٣٨ سنه و اتعمر ولا مليون مره ده غير ان الفتيس بيكح تراب و عمود الكام بعافيه شويه ...
انا عايز اركب موتور يكون مابين ال١٣٠٠ ل ١٦٠٠ مش هاتفرق كاربيراتير او انجيكشن المهم عندي يكون موتور كويس و يكون فيات و يكون تربو او يركب عليه تربو .. طيب هاتقولولي ما تركب يا عم بدل ما انتا جي تصدعنا ... انا دخت و تعبت و قربت اتجنن لان مش لاقي لا هاذا ولا ذاك ... كنت قريت عن البشمهندس MMamdouh هنا في الجروب و عن تركيبه ل مكنه ٢٠٠٠ و تركيب تربو عليها بس تقريبآ هوا متخصص في دايو ...
ارجو الافاده و المساعدة و جزاكم الله كل خير .

**bluemail** · 05-08-2016 04:07 PM

ممكن تشوف الموضوع ده
http://www.nilemotors.net/Nile/149252-1300.html

وممكن تدور في قسم التعديلات
تعـــديل الســـيارات و الإضافات - الصفحة 4 - نايل موتورز - NileMotors.net

**ahmed.biso13** · 05-08-2016 07:40 PM

صعب تلاقى ماتور تربوا لسيارة عدى عليها اكثر من 35 سنة
ثانيا التربو بيركب للعربيات ذات الحجم الكبير عشان يديها عزم

**rotanamasoud** · 05-08-2016 09:39 PM

ركب اونو 1300 وحيجيبلك الشاسيه نصين اساسى
لو ركبت اونو 1000 ممكن تعمل دعمات للشاسيه وميفتحش غير كل سنه مثلا
شخصيا من سنين كان معايا اللى بموتور 1050 والشاسيه فتح من عزمه 75 حصان فالله يكون فى عونك حتحتاج تقفل الشاسيه كل شهر عند السمكرى
فالنصيحه مشى حالك بيها لحد ما ربنا يكرمك بعربيه حلوه وقابله للتعديل(كل المصاريف دى فى الارض)

**Islam.uno** · 10-08-2016 01:03 AM

العربيه يتم تعديله من الداخل و تحويلها لسيارت سباق و يتم عمل قفص داخلي و دعامات اسفل السياره و الحوض و تتحمل موتور سعته ٢٠٠٠ سي سي بس انا مش عايز احمل العربيه موتور زو وزن كبير نظرآ للمسألة الرياضيه في الوزن و التجميع للسرعه المطلوبه ... يعني وزن كبير و قوة دفع كبيره اكيد يقسمو الشاسيه لكن وزن قليل و قوه دفع متوسطه تحل علي نفس سرعه التجميع ... مع العلم ان ١٥% من سرعه التجميع و الثبات علي الطريق يتحكم بيهم نظام الايرودينامك سيستم و ده تم تصميمه و تفصيله ... ارجو المساعده في ايجاد تيربو لمحك فيات اونو انجيكشن ١٣٠٠ و ليس اعطاء االنصيحه و الفتاوي و شكرآ .

**Mohamed Desoky** · 10-08-2016 02:01 AM

المشاركة الأصلية كتبت بواسطة islam.uno

العربيه يتم تعديله من الداخل و تحويلها لسيارت سباق و يتم عمل قفص داخلي و دعامات اسفل السياره و الحوض و تتحمل موتور سعته ٢٠٠٠ سي سي بس انا مش عايز احمل العربيه موتور زو وزن كبير نظرآ للمسألة الرياضيه في الوزن و التجميع للسرعه المطلوبه ... يعني وزن كبير و قوة دفع كبيره اكيد يقسمو الشاسيه لكن وزن قليل و قوه دفع متوسطه تحل علي نفس سرعه التجميع ... مع العلم ان ١٥% من سرعه التجميع و الثبات علي الطريق يتحكم بيهم نظام الايرودينامك سيستم و ده تم تصميمه و تفصيله ... ارجو المساعده في ايجاد تيربو لمحك فيات اونو انجيكشن ١٣٠٠ و ليس اعطاء االنصيحه و الفتاوي و شكرآ .

استاز اسلام انتى بتهزر اكيد عربيه عمرها 38 سنه وعايز تعدلها فى مصر احمد ربنا انك بتلاقى قطع غيار ليها وربنا يستر الحكومه ممكن تلغى عربيات تحت 20 سنه خدمه تتعدم لسه الموضوع بيفكره في ؟

**rotanamasoud** · 11-08-2016 11:15 PM

المشاركة الأصلية كتبت بواسطة mohamed desoky

استاز اسلام انتى بتهزر اكيد عربيه عمرها 38 سنه وعايز تعدلها فى مصر احمد ربنا انك بتلاقى قطع غيار ليها وربنا يستر الحكومه ممكن تلغى عربيات تحت 20 سنه خدمه تتعدم لسه الموضوع بيفكره في ؟

واضح انه محترف ربنا يبعد عنه اللى بينصحوه واللى بيفتو