تقريري عن سوزوزكي سياز صاحبه الضجه السعريه

**truss** · 13-08-2016 01:23 AM

من مميزات السياز:
1- اتساع الصالون ممتاز خصوصا للركاب في الخلف و ينافس أي عربية في هذه الفئة او حتى الاعلى منها + اتساع الشنطة بالرغم من ابعاد السيارة الخارجية الصغيرة مما يجعل قيادتها سهلة.
2- محرك أداؤه جيد جدا بالنسبة لسعته مع استهلاك بنزين ممتاز.
** بالنسبة للتقفيل، أكيد ليس الافضل إلا إن معظم العربيات في فئتها هتلاقي فيها نفس التقفيل السيئ، حاليا معايا رينو فلوانس و رغم إنها أغلى و فئة أعلى من السياز الا انها فيها حاجات كتير تقفيلها سيئ.

**محمد حسين** · 16-08-2016 10:56 AM

حد يقول ان العربية دي بـ 180.000 ( فلياكلك الصدأ أيتها الملعونه !!!)
تقرير أكتر من رائع مشكور علي المجهود

**mero5005** · 17-08-2016 12:40 AM

المشاركة الأصلية كتبت بواسطة محمد حسين

حد يقول ان العربية دي بـ 180.000 ( فلياكلك الصدأ أيتها الملعونه !!!)
تقرير أكتر من رائع مشكور علي المجهود

طيب هنا بقا السؤال :
يعني اللي معاه ١٨٠ يجيب ايه مثلا ؟؟؟؟

**محمد حسين** · 17-08-2016 01:59 PM

المشاركة الأصلية كتبت بواسطة mero5005

طيب هنا بقا السؤال :
يعني اللي معاه ١٨٠ يجيب ايه مثلا ؟؟؟؟

ممكن يركب لانسر شارك فئة تانية واهي عربية كويسه وممكن يركب تويوتا ياريس وزي ما انت عاوز 1.3 أو 1.5 ولو غاوي بقا ومزجانجي وده راي الشخصي ممكن يلقط bmw 320 i موديل 2007 أو أعلي ... هو حقيقي ان قطع غيارها نار بس المسمار اللي بيركب مكانه بتنساه وعموما هي برضو حرية وقرار الشخص اللي هايشتري

**truss** · 18-08-2016 03:15 AM

السياز متفوقة على اللانسر في الكماليات و اتساع الصالون،
ياريس 2016 حاليا مانيوال ب 200000 و الاوتو هاي لاين بتوصل 234000،
bmw خارج المنافسة طبعا.

**mero5005** · 18-08-2016 03:58 PM

لانسر شارك ايه حضرتك ؟؟!!

اولا سياره تقريبا بلا امكانيات .. مجرد بور وتكييف وبس .. واحنا في ٢٠١٦
ده من جوا التوكيل بتاعها الناس بتقول متشتروهاش .. ملهاش علاقه بالبومه .. ده كفايه حضرتك ان تكيبفها لسه بكر
الياريس واضح ان حضرتك مش متابع اسعرها
ال bmw لو لقيتها ممكن تقولي وانا ابيع السياز واشتريها