مشكله ف تانك الاكسنت 99

**Mu Reda** · 10-08-2016 07:35 PM

عندى مشكله ف عربيتى الاكسنت ظهرت اليومين دول لما بجى افولها بنزين للاخر الاقى تحت التانك البنزين بيقع بكتره لما سئلت قوللى المفروض تفول مع اول تاكه للمسدس جربت مع اول تاكه مره تقع ومره لا سئلت تانى قالولى فايز التانك عالى والمفروض يتظبط مع العلم انى لما رفعت العربيه قبل كدا كان فيها جزء صغير بارومه ف التانك من تحت كنت عايز اعرف انا ممكن ابدء منين ؟؟ علشان احل دا ومشكورين جدا

**م/أحمد عبد الفتاح** · 10-08-2016 11:33 PM

ممكن يكون التانك بينشع نتيجة البارومة اللى انت شفتها - يستحسن تروح والتانك قرب يفضى خلاص تنزل التانك وتكشف عليه ويتم اختباره لومن البارومة يبقى يتعالج أو يتغير وبالمرة تكشف على الخراطيم كلها وتغير البايظ

**a7medsh3rawi** · 11-08-2016 11:26 AM

البارومه بسبب ان خرطوم التانك اللى رايح لفتحه التعبئه بييجى عليه طينه من الكاوتش
ولما تعبى للاخر او تاخد ملف بسرعه هتلاقى البنزين تروح لبتاع شكمانات يلحمه او تجيب تانك استيراد فيبر

**م أحمد** · 11-08-2016 03:12 PM

شوف فاصل اللحام بين جزء التانك العلوى و السفلى ممكن يكون بيسرب علشان اخدت مطب جامد فتح لحام التانك ...بعد ما تفول اركن العربية على جنب و انزل شوف خط البنزين بدايته جاية منين و هو دا اساس التسريب

**Mu Reda** · 11-08-2016 06:23 PM

متهيالى الموضوع بعيدا عن البارومه وانا كدا كدا هعملها ... لان التانك مابيجبش بنزين من تحت الا عند التفويل لحد الذور او بعد اول تكه مسدس لكن ف العادى التانك مبيسربش ف اى وقت ... ها يابشمهندسين ممكن يكون فايظ عايز يتظبط مكانه !؟ انا لسه هنزل الجمعه للميكانيكى نشوف مين بيودى ع فين وشكرا للمتابعه

**Mu Reda** · 11-08-2016 06:27 PM

م أحمد : شوف فاصل اللحام بين جزء التانك العلوى و السفلى ممكن يكون بيسرب
ممكن يكون فعلان بيسرب اكيد هكشف عليه وهنتابع ... البنزين بيسرب بكميه كبيره من تحت التانك صعب احدد المكان لازم يتحل