-
انا من رأيي خليك دايما في الموديل الجديد 2009
لان خلاص 2008 عدت يااستاذ اياد
وكفايه انك راكب موديل السنه ولا ايه
وربنا يديلك خيرها ويكفيك شرها
-
ربنا يباركلك فيها ويحرسهالك ويكفيك شرها ..
متشكرين جداً ع الشرح الوافي
-
تويتي باشا
أولا الحمد لله أنك مبسوط من العربية
و ربنا يسهلك و مشاكلك تتحل إن شاء الله مهما كانت بسيطة
بس أنا لي توضيح صغر و بعض الملاحظات بعد اذنك أحب أوضحها
موضوع الخشانة ده مش عيب صناعة و لا حاجة
الخشانة دي بتظهر علشان عيب العزم اللي بيثبت عند النقطة دي
لأنه موجود في كل العربيات 2006 و 2007 و 2008
و أول ما حطوا الفلتر الجديد IAFM
تم حل المشكلة تماما و أختفت و العزم كمان أتظبت و بقى زي الفل و بقى بيزيد بدل ما يثبت عند النقطة دي
و على فكرة الناس القديمة ( 2006 و 2007 و 2008 )
كل لما العربية تمشي أكتر .... الموتور بينعم أكتر و نقطة الخشانة دي بتقل و لكن لا تختفي لأن أصلا المشكلة في نظام دخول الهوا إلى غرفة الحريق على السرعات القليلة اللي بتخلي العزم يثبت عند 130 نيوتن - متر ما بين 2900 إلى 3200 لفة - دقيقة
يعني المشكلة بتكون كالتالي
الموتور سرعته بتزيد ...... والعزم ثابت ما بين النقطتين دول فتحس بالخشانة
في 2009 ....... مع نظام IAFM مفيش الكلام ده و العربية أنعم
نصيحة للي عايز يشتري ......... 2009 و متجيبش 2008
النقطة الثانية المهمة و هي إستهلاك البنزين
مينفعش نحكم على استهلام البنزين بالسرعات العالية دي
عايزين نحكم على الإستهلاك ......نمشي على 90 كم - س و نقيس الإستهلاك
إنما 150 و 140 و 170 ....... طيب ما هي لازم تستهلك
طيب ليه
علشان الموتور بيلف لفات أكتر + مقاومة الهوا + مقاومة الكاوتش للأرض
أوفر نقطة إستهلاك بنزين عند سرعة 75 كم - الغيار الرابع
أو 90 على الغيار الخامس
أكتر من كدا العربية هاتستهلك بنزين كتير
و ألف مبروك عليك العربية يا تويتي باشا و ربنا يباركلك فيها و يحفظ طريقك و يقيك شر السرعة .....صدقني يا أخي السرعة ملهاش كبير
كفاية قوي 110 عليك لما يكون الطريق يسمح بذلك
يارب يحفظ طريقك ...... و تحياتي لك مرة أخرى على هذا الوصف الحيادي ووصف كل مشكلة ظهرت معاك بدقة و ربنا يباركلك فيها
-
الف شكر تويتي باشا على التقرير المفصل ده, بجد تقرير كامل من كله, وعقبال كده ما نباركلك على الجين تو 2010 زي مانت حابب, وربنا دايما يحفظ طريقك.
استاذ توت اشكرك جزيل الشكر على المعلومات القيمة اللي كل يوم بتفيدنا بيها, مواضيعكم بجد التوكيل نفسه ميعرفش يشرحها.
-
تقرير ممتاز بجد الواحد إتعلم حاجات كتير أوي من المعلومات دي ... تسلم ريديك يا tweety
وربنا يحفظلك العربية
-
مشكووووووووور للمجهود والكتابة والحيادية وربنا يباركلك :victory:
ربنا يوفق
-
الف شكر يا تويتى على التقرير
فعلا حيادى ومفيد خصوصا موضوع الغربله ده
ربنا يباركلك فيها
-
-
عمومــاً يا توتي قريباً هيبقي فى حل لموديلات 2008 بخصوص الفجوة
لان الشركة الماليزية هاتنزل وحـــدة جديد تتركب اعتقد اسمها auc
وجارى بحثها فى التوكيل لارســالها لمصـــــــر .... عدي شهرين و ركبها ، و علي ما اعتقد تكلفتها مش هتبقي كـــــــــبيرة :victory:
-
تسلم يداك اخي تويتي على هذا التقييم...
لكن بصراحة كلامك يخوف من تلك العيوب وخصوصا اللي ساكن بعيد عن التوكيل
هيضطر كل شوية يخطف مشوار لعند التوكيل في أخر الدنيا مشان مشكله بسيطة
وخصوصا كمان ان الواحد بيشتري زيرو علشان يريح دماغه ومايروحش التوكيل الا علشان الصيانة الدورية كل ألف أو 5000
شكرا على هذا التقييم الصادق ومع احترامي له...
الا ان ثقتي بالسيارة الجميلة بتقل يوم عن يوم..
خصوصا اني من السكان البعيدين تقريبا عن التوكيل سواء بالإسكندرية أو القاهرة
جزاك الله كل الخير..
تقبل تحياتي http://www.nilemotors.net/Nile/images/icons/icon7.gifhttp://www.nilemotors.net/Nile/images/icons/icon7.gifhttp://www.nilemotors.net/Nile/images/icons/icon7.gifhttp://www.nilemotors.net/Nile/images/icons/icon7.gif
Content Relevant URLs by
vBSEO 3.6.0 PL2