الموضوع: فكرة هل من الممكن تطبيقها في النوبيرا؟!

هل من الممكن عمل مفتاح شداد في التابلوة لمراوح تبريد نوبيرا مع لمبة بيان بحيث إن العربية لو سخنت زيادة أو ترمستات تشغيل المراوح مشتغلتش اوحصل تأخير في التشغيل أوكان عداد الحرارة عطلان أو مهييس مبيقرأش صح يكون عندي بديل لتشغيل المراوح سيما لو أنا على سفر؟؟؟
أنا شوفت الفكرة في عربية لادا 2107 موديل حديث ولما سألت عن السبب قال: إن مراوح التبريد لما بتشتغل أتوماتيك بعرف إنها شغالة عن طريق لمبة البيان فبقى مطمن لأن صوت المروحة في الغالب مش هتسمعه انت وفي الداخل لكن هتعرف إنها شغاله عن طريق اللمبة ولو لا قدر الله العربية سخنت والمرواح مشتغلتش وبالتالي لمبة البيان منورتش أشغل المراوح يدوي عن طريق المفتاح التركيب اللي عندي جوه...وأدواتها بسيطة جدا ومش مكلفة مترين تلاتة سلك محترم لمبة بيان خاصة بالسيارات ومفتاح تشغيل كويس ممكن يكون زي مثلا مفاتيح تابلوه الشاهين ودا مفتاح متوفر جدا وبالطبع كهربائي محترم يركب الحاجات دي وينفذ الفكرة
ايه رأيكم في الفكرة
والسؤال بق: هل ممكن تطبيق ذلك في النوبيرا وهل هيبقى حاجة كويسة وفيها أمان ولا ممكن يترتب عليها ضرر؟؟؟
أجيبوني يا زملاء؟! بس اللي يجاوب يجاوب بعلم وخبرة مش كلام وخلاص
أنا متابع معاكم

مظنش ان النوبيرا محتاجة الحوارات دى . شغالة معاية و مش محتاج لكدة لو الترموستات عطلانة غيرها و اظبط الدورة افضل