ضرورى ياجماعة محتاج رأى ونصيحة عاجلة لشراء سيارة زيرو اليوم

**Tom Hanks** · 13-08-2016 03:32 PM

[OVERLINE]
السلام عليكم ورحمة الله وبركاته

ان شاء الله نويت اشترى عربية جديدة وكنت فكرت فى السيراتو الفيس ليفت الجديد 2017 الفئة الثانية وسعرها 230 الف و النترا الشكل الجديد 2017 هاى لاين وتقريبا سعرها بردو 230 الف وانا فى زحمة الاختيار لقيت معرض بيبيع الصنى الشكل القديم ال ex الاوتوماتيك ب 165 الف .. والعربية الصنى دى انا بعزها جدا وعارف ان فى فرق كبير بين ( الصنى ) و( الالنترا والسيراتو )..

النصيحة اللى محتاجها أتوكل على الله واشترى انو واحدة فى ال3 دول وهل فعلا السيراتو والالنترا يستاهلو فرق ال 65 الف زيادة ولا أخلينى فى الصنى القديمة أضمن .. عشان الصنى هجيبها كاش ولو سيراتو او النترا هقسط الباقى .. نصيحة لوجه الله عاجلة
[/OVERLINE]

**ahmed.biso13** · 13-08-2016 07:14 PM

اهم حاجة قطع الغيار المتوفرة فى حدود امكانياتك
وماتنساش تشترط بموصفات الاتى توفارها فى سياراتك
1- زينون فى الكشاف الكبير واشبورة
2- فامية للاربع ابواب والزجاج الخلفى عشان تثبت فى الرخصة لانه بعد ذلك لاينفع ويبقى مخالفة
3- فرش جلد عشان تحافظ على الكراسى وفروتين للتابوه الامامى والخلفى
4- خليك فى الصنى و65 الف جنيه انت اولى بيهم وكمل عليهم 25 الف وهاتلك شقة مصيفية فى اسكندرية
لان العربيات كله بتوصل سواء كانت سيراتو او صنى اوفيات 128
والفرق مابينهم رفهيات بسيطة
والله الموفق

**mummy_47** · 13-08-2016 08:46 PM

المشاركة الأصلية كتبت بواسطة ahmed.biso13

اهم حاجة قطع الغيار المتوفرة فى حدود امكانياتك
وماتنساش تشترط بموصفات الاتى توفارها فى سياراتك
1- زينون فى الكشاف الكبير واشبورة
2- فامية للاربع ابواب والزجاج الخلفى عشان تثبت فى الرخصة لانه بعد ذلك لاينفع ويبقى مخالفة
3- فرش جلد عشان تحافظ على الكراسى وفروتين للتابوه الامامى والخلفى
4- خليك فى الصنى و65 الف جنيه انت اولى بيهم وكمل عليهم 25 الف وهاتلك شقة مصيفية فى اسكندرية
لان العربيات كله بتوصل سواء كانت سيراتو او صنى اوفيات 128
والفرق مابينهم رفهيات بسيطة
والله الموفق

انا مش صاحب الموضوع...لكن كلام حضرتك دخل دماغي على الاخر....العربيات كلها على اربع عجلات وكلها بتوصل وكلها بتستهلك وكلها بتتخبط وكلها بتتخربش....

**salam100100** · 14-08-2016 09:39 AM

الصنى الشكل القديم متستهلش السعر دا
انا انصح بالاختيارات التانيه
هو طبعا شراء عربيه كاش احسن من التقسيط- لكن العربيات الجديده (كتكنولوجيا ووسع وشكل) تكسب
الصنى القديمه هى فعلا قديمه (ليها طبعا مميزات) لكن قدمت

**سيكو** · 14-08-2016 11:41 AM

الصني كتكيف وكارتفاع عن الارض افضل الخيارات

**ahmed.zahra** · 14-08-2016 03:22 PM

انا امتلك نيسان صني لكن بصراحة الالينترا و السيراتو الجديدة فيهم كماليات كتير تخليهم يتفوقوا على الصني. لو حضرتك بتدور على كماليات و شكل يبقى الينترا او سيراتو. لو بتدور على عربية ثابتة و مفيهاش مشاكل و قطع غيارها متوفرة و بسعر كويس يبقى النيسان. و بصراحة انا لو مكان حضرتك حدور على سكودا فانتازيا تكون استعمال نضيف بالسعر ده و حتلاقي طبعا ما تقلقش و حيبقى فيها كل الكماليات و الرفاهيات و الثبات و القوة و الفخامة و عربية احسن بكتير من الاختيارات الثلاثة اللي اتكلمنا عليهم.

**Colin Chapman** · 14-08-2016 03:46 PM

نيسان صنى الشكل القديم ال ex موجودة على الزيرو فى معرض سيارات علاء الدين فى ميدان الظاهر بيبرس بالقرب من ميدان الجيش !القاهرة!

**mummy_47** · 14-08-2016 10:09 PM

المشاركة الأصلية كتبت بواسطة ahmed.zahra

انا امتلك نيسان صني لكن بصراحة الالينترا و السيراتو الجديدة فيهم كماليات كتير تخليهم يتفوقوا على الصني. لو حضرتك بتدور على كماليات و شكل يبقى الينترا او سيراتو. لو بتدور على عربية ثابتة و مفيهاش مشاكل و قطع غيارها متوفرة و بسعر كويس يبقى النيسان. و بصراحة انا لو مكان حضرتك حدور على سكودا فانتازيا تكون استعمال نضيف بالسعر ده و حتلاقي طبعا ما تقلقش و حيبقى فيها كل الكماليات و الرفاهيات و الثبات و القوة و الفخامة و عربية احسن بكتير من الاختيارات الثلاثة اللي اتكلمنا عليهم.

الاسكودا رائعة لوتقدرعلى قطع الغيار...يكفى ان تعرف ان صباع الحرارة ممكن يوصل ل 500 ج