لمبة الموتور في النيسان صني 2008 اوتوماتيك

**misho2381** · 14-08-2016 10:35 AM

اللي حصل ان الريداتير اتسد و بالتالي العربية سخنت, نضفت الريداتير و غيرت العمة بتاعته علشان كانت بتسرب. العربية لما سخنت لمبة الموتور نورت و بعد ما غيرت كل ما سبق اللمبة فضلت منورة, مع العلم اني كمان غيرت الجوان و العربية ماشية بدون مشاكل. روحت كشفت على العربية بالكومبيوتر طلعت ان في مشكلة في حساس الكارنك و فعلا اشتريت واحد جديد اصلي و غيرته و برضه فضلت اللمبة منورة و مش عاوزة تطفي و بتقرأ على الجهاز ان في مشكلة في حساس الكارنك اللي لسه مغيره. العربية بتمشي و تدور عادي بس موضوع اللمبة ده مقلق و لازم يبقى له حل. نيسان صني اوتوماتيك 2008
يا ريت لو حد يقدر يساعدني لأني خلاص حتجنن

**ahmed.zahra** · 14-08-2016 04:25 PM

على ما اعتقد ان الحساس لازم بيتعمل له ريسيت من على جهاز الكشف عشان اللمبة تطفي و الخطأ اللي متسجل يتمسح

**volociximab** · 14-08-2016 07:26 PM

كان عندى حساس كرنك لمبة تشيك انجن اختفت بمجرد تغييره
مش فاكر فصلت البطارية فترة قبل اختفاء اللمبه و لا لا
لو مكانك هافصل البطارية كام ساعة و اوصلها-لو منفعش هاحاول اغير حساس الكامة بدل حساس الكرنك و اشوف النتيجة
مجرد خيال علمى من عندى
كمان اتاكد ان فيشة الحساس راكبه كويس
علما بان الحساس ده له اعراض مش مجرد تشيك انجن-صعوبة فى التشغيل-اضطراب فى الاربي ام
و حساس الكامه هو نفسه حساس الكرنك بس مكانين مختلفين