السلام عليكم
انا اشتريت لانسر 2007 اوتو خليجى 1600 كلاسيك الحمد لله العربيه كان بقالها فتره مركونه المهم اشتريتها من الجمرك مزاد بس البطاريه كانت نايمه اول ما استلمتها اخدت توصيله واشتغلت تمام وجبتها من السويس مسافه حوالى 160 كيلو والعربيه مفيش مشكله وغيرت زيت بعد كده بس علشان مرخصتش لس فكان المشاوير جوه البلد حوالى 3 اسابيع
من يومين العيال فتحو العربيه من ورايا وانا فى الشغل وسابو النور شغال قعدت يوم جيت اشغلها لقيت البطاريه نامت
جبت بطارية توكتوك 50 ودورت بيها العربيه وجيت ارجع بطارية العربيه تانى ربط ناحيه واحده من الافيز جامد والتانى مش قوى وكسلت وقولت اظبطا بكره
نيجى بقى بعد الوش ده كله للمفيد اضطريت اروح مشاور على الطوالى حوالى 40 كيلو ودايما بشغل التكييف والكاسيت وفى المشوار ده بقيت ضاغط على العربيه ودايما بجيب ds كل شويه فى الفتيس
على اخر المشوار لقيت العربيه بطلت وجابت نور بطاريه قلت البطاريه قديمه من 2008 لقيت فاتورتها كده فقلت خلاص ادور تانى لو دارت امشى بيها لغاية ما ابقى اغيرها طبعا ده كله بسبب انى لس مرخصتش فالمشاوير كلها قليله
جبت الفتيس على p ودورت دارت تمام مشيت شويه تانى راحت مبطله تانى بعد 3 دقايق قولت بطاريه ولا بنزين انزل اشوف فتحت يد الكبوت ونزلت من العربيه لقيت دخانه فى الجنب الشمال من قدام
فتحت الكبوت بسرعه ولقيت النار ماسكه فى سيخ الافيز الى كنت رابطه جامد والافيز من فوق نزل جوه شويه فى البطاريه مكنتش عارف اعمل ايه واتلخبط جبت الطفايه ومن اللخبطه شيلت الصمام ومعرفتش اشغلها رميتها وقعدت اعمل بكرتونه النار بتزيد لغاية ما وصلت للقربه بتاعة الميه وسيحتها من فوق
ومع المحاولات ربنا كرمنى وانطفت النار والناس بدات تتلم قلت مفيش حاجه يا اخوانا خير ان شاء الله
اتصلت بواحد معرفه وجه وكلمنا ناس فى فاقوس جابولنا قربة ميه تيوانى المهم ومليتها ميه حمرا ودورت العربيه دارت طبعا شيلت الافيز خالص
كان لازم نمشى شويه لغاية الكهربائى حوالى 20 كيلو
فدورت وبعد كده فصلت الارضى وحطيت عليه بلاستك ومشينا
روحنا لكهربائى سيارات قاس شحن الدينامو لقاه مظبوط روحنا لمحل بطاريات قيسنا الدينامو مظبوط والبطاريه مظبوطه وشحنها كويس بس لقيتها اتنفخت شويه
طيب ايه المشكله محدش عارف حتى لو فيه حاجه ملمسه البطاش السالب والموجب بعيد فى الناحيه التانيه والولعه كانت فى الجنب الاخر
المهم غيرت البطاريه علشان اكون فى الامان وربطنا الافيز وجيت بيها ومشغل التكيف بس من غير ما اشغل الكاسيت ولقيت حتى النور اشتد بتاع العربيه على البطاريه الجديده والافيز بعد ما كان سخن على البطاريه القديمه لقيته بارد
وجيت مسافة 50 كيلو ومحصلش حاجه والامور تمام طيب ايه الى حصل مش عارف وخايف ليكون العربيه فيها حاجه وتعملها تانى المره دى ربنا ستر واطفت وكانت الخسائر قربة الميه بس
العربيه بسم الله ما شاء الله بحالتها والعداد 74 الف بالرغم من انها 2007 واول مالك ليها فى مصر ان شاء الله فمعرفش السبب يا ريت حد يقولى السبب ايه