حضرتك الأول هتروح على مرور الأميرية وهتقف على الشباك اللى مكتوب عليه المرور اللى مطلع منه الرخصة القديمة (مرور الزيتون) وهتطلع شهادة مخالفات وشهادة بيانات ولو عليك حاجة تدفعها
وبعدين تجيب دوسيه ورق وتشوف الكشف الطبى (لو النظام ده متبع فى الأميرية دلوقتى أنهم هما اللى بيكشفوا عليك) لو على النظام القديم يبقى حضرتك هتروح تطلع شهادة باطنة وشهادة نظر من أى مركز طبى وتمنهم بيكون حوالى 60 ج للشهادتين ، ومتنساش يكون معاك صور شخصية علشان بيدبسوها على الشهادات ، وبعدين ترجع للشباك تانى فى مرور الأميرية هيفحص ورقك ويسجلوا بالعنوان الجديد على الكمبيوتر ، وبعدين بتروح الخزينة تدفع الرسوم تقريباً 57 ج وتآخد الإيصال وتسلم الملف وتنتظر دورك فى التصوير وبعدين تنتظر إستلام الرخصة الجديدة
المفضلات