هل طبيعي ان الخرطوم اللي جاي من المكنه ورايح علي الرادياتير يكون منتفخ جدا - فكترا

**ahmedmaklad** · 01-12-2008 10:21 PM

هو انا برده عندي نفس الحكاية لما بفتح بلاقي الهوا مضغوط بس مختار بيقول ده عادي بس انا عندي الحراره بتوصل جو البلد ممكن ل 97 و في السفر حوالي 85 بس الميه بتنقص عندي حوالي بتاع 4 او 5 سم كل يومين او تلاته هو ده عادي
علي فكرة انا حاطط ميه خضرا و برده نفس الموضوع نفس درجة الحرارة مفيش فرق

**M.Mokhtar** · 01-12-2008 10:23 PM

المشاركة الأصلية كتبت بواسطة ahmedmaklad

هو انا برده عندي نفس الحكاية لما بفتح بلاقي الهوا مضغوط بس مختار بيقول ده عادي بس انا عندي الحراره بتوصل جو البلد ممكن ل 97 و في السفر حوالي 85 بس الميه بتنقص عندي حوالي بتاع 4 او 5 سم كل يومين او تلاته هو ده عادي
علي فكرة انا حاطط ميه خضرا و برده نفس الموضوع نفس درجة الحرارة مفيش فرق

لا كده عندك تسريب من مكان ما
روح لحد يشوفلك دوره التبريد بتسرب منين

**mr_corsa** · 27-12-2008 05:59 PM

انتوا تعرفوا ياجماعة ان موتورات الاوبل عموما باختلاف انواعها ادائها مش بيتظبط او مبتجريش غير لما تكون سخنة!!! دى طبيعة الموتور الاوبل ناس كتير اوى بقى معدلة فى المراوح والترمستات والرايديتير وحاجات تانية كتير قال ايه عشان يخلوا العربية متسخنش وبيبقى فرحان اوى انها مبتسخنش !!
مع انه كدة مش عارف انها اه باردة بس كفائتها مش هيه حتى لاحظ سحب عربيتك الاوبل فى الصيف وفى الشتاء تحس انها طول الصيف ادائها ممتاز فى الشتا سحبهاعلى الطريق مش اوى نصيحتى متعدلش فى اى حاجة بالنسبة للحرارة الا لو كانت بايظة ومحتاجة صيانة. وطول ماعداد الحرارة مش بيوصل لل 100 انتا كدا فى الامان يعنى لو لقيتة جة مثلا على 97 أو 98 أو 96 متتخضش هيه العربية عايزة كدة بس بتلاقيه نزل تانى اول ما المراوح بتشتغل وهكذا.
أرجوا اكون افدتكم بمعلومة اوبلاوية انا متاكد جدااا منها

**ENG\AHMED** · 27-12-2008 06:17 PM

المشاركة الأصلية كتبت بواسطة mr_corsa

انتوا تعرفوا ياجماعة ان موتورات الاوبل عموما باختلاف انواعها ادائها مش بيتظبط او مبتجريش غير لما تكون سخنة!!! دى طبيعة الموتور الاوبل ناس كتير اوى بقى معدلة فى المراوح والترمستات والرايديتير وحاجات تانية كتير قال ايه عشان يخلوا العربية متسخنش وبيبقى فرحان اوى انها مبتسخنش !!
مع انه كدة مش عارف انها اه باردة بس كفائتها مش هيه حتى لاحظ سحب عربيتك الاوبل فى الصيف وفى الشتاء تحس انها طول الصيف ادائها ممتاز فى الشتا سحبهاعلى الطريق مش اوى نصيحتى متعدلش فى اى حاجة بالنسبة للحرارة الا لو كانت بايظة ومحتاجة صيانة. وطول ماعداد الحرارة مش بيوصل لل 100 انتا كدا فى الامان يعنى لو لقيتة جة مثلا على 97 أو 98 أو 96 متتخضش هيه العربية عايزة كدة بس بتلاقيه نزل تانى اول ما المراوح بتشتغل وهكذا.
أرجوا اكون افدتكم بمعلومة اوبلاوية انا متاكد جدااا منها

عموما اى موتور لية درجة حرارة تشغيل مصمم عليها وايا كانت عالة او واطية فا دة معمول حسابة فى التصميم المسكلة بقى ان فى ناس بتفتى وتقولك العربية سخنة ومولعة ولازم تشيل الثرموستات وتعمل مش عارف اية فى المروحة وحاجات غريبة كدة والناس تبىقى فرحااااانة ان العربية متلجة مش عايزة تسخن وبتدعى للميكانيكى كمان !!!
هنرجع ونقول تانى من الاول اللى عمل العربية (ايا كانت) مش غبى او مبيفهمش وبلية الميكانيكى بيفهم اكتر منة احسن وضع للعربية اللى خرجت بية من المصنع اى تعديل فى حاجة او فهلوة هيبقى حاجة على حساب حاجة , لو دورة المية سليمة ومظبوطة وانت محافظ عليها متحطش فى دماغك العربية على درجة حرارة كام ماادام فى الرينج الطبيعى بتاعها واكيد كل واحد عندة عربية عارفها وعارف الطبيعى بتاعها اية فا متمشيش ورا كلام ناس بتفتى

ملحوظة
- الاوبل الطبيعى لحد 98 متقلقش منة ولا كأن فية حاجة ولو العربية مظبوطة ومتحافظ عليها عمرها متوصل لكدة اخرها 90 او 91 لو الجو مولللللععع وواقف فى اشارة
-اى عربية ادائها فى الشتاء احسن من الصيف لأن كفاءة الاحتراق بتبقى احسن ودة راجع لدرجة حرارة الهواء الخارجى

**فادى محمد** · 30-12-2008 01:41 AM

اسمحولي يا جماعه ... الرادياتير عندي كان مسدود فعلا زي ما ابو زهره قال . نظفته وشيكت علي الخراطيم . والمفاجاه ان العربيه بقت بارده جدا جدا ... لدرجه ان امبير الحراره في السفر علي الازرق وبتعب جدا علشان اسخنها الصبح وده لاني شايل الترموستات كمان المشكله الان ان استهلاك البنزين زاد جدا لان الحرق لا يتم في درجه الحراره المطلوبه .ان شاء الله بكره حشتري الترموستات واركبها .واقولكم علي النتائج.اشكر كل اللي رد علي وارجو الاستفاده للكل .

**فادى محمد** · 12-01-2009 04:52 PM

اسف للتاخير ... انا ركبت الثرموستات فعلا وغيرت كوتشه الكوع لقيت فيها جرح من تحت نتيجه ملامستها لمواسير التكييف(حته مربعه ومدببه) والنتيجه الحمد لله احسن من الاول الحراره حوالي70 في السفر والمروحه تشتغل عند 90 وتبرد لحد 80 د . انا سعيد لاني غيرتهم باديا واخدت هواها وكله تمام والحمد لله .يا ريت محدش يشيل الثرموستات لانها فعلا مهمه والا ما كانش الالمان حطوها .

**فادى محمد** · 13-01-2009 02:09 PM

وليد باشا ... انا اقصد الترموستات اللي داخل الكوع الالمونيوم اللي جاي من جهاز الميه ورايح علي الرادياتير واللي وظيفتها الحفاظ علي الميه اسخنه داخل الموتور لما تكون مقفوله وتفتح لما درجه الحراره تزيد ..انما الترموستات اللي منها 2 هي ترموستات الرادياتير (الساعات) واحده تشغل مروحه التبريد عند 90 د والتانيه لو زادت الحراره لاي سبب ووصلت ل95د تشغل المروحه برده .اشكرك لاهتمامك ويسعدني التشاور معاك في اي حاجه .