السلام عليكم ورحمة الله

عربيتي رينو كليو 2005
ماشيه 92 ألف كيلو

حصل ان فجأة مية الريدياتير نزلت كلها في الشارع وأنا ماشي
وبسبب الظروف حطيت ميه حنفيه لأول مره ..
نسيت الموضوع ومشيت بيها فتره كبيرة .. والميه بقت عامله زين الطينه !

عملت غسيل للدورة أكتر من 10 مرات علشان الصدا يروح وبحط ميه مقطرة
وفعلاً الميه كل غسيل بتروق عن اللي قبلها
وعندي نقص في المية بمعدل خفيف .. كل اسبوع مثلاً بزود من المينيمم للماكس ,

عايز أغير الميه المقطره (بتاعت التكييف) لميه ردياتير عادية (تيوتا الحمراء) على نصيحه الاستاذ اللي بيغسلي الدورة ,
قالي هات علبه واحده (تقريبا لتر) وب 105 جنيه وهنزود ميه مقطره لغايه ما الدوره تكمل
علما ان الدوره عندي بتاخد تقريباً 6 لتر حسب كلام المانيوال

السؤال هنا ..
قريت معلومة ان مياه الردياتير اللي فيها ايثيل جلايكول (ودي الماده اللي بتمنع تكون الصدأ)
لو حطيتها في دورة كان فيها صدأ قبل كده
فهتعمل مشاكل لأنها هتاكل الصدأ ويبدأ يحصل تسريب ونقص ميه
عايز أتأكد من المعلومة دي ؟

وعايز نصيحتكم اغير لميه ردياتير ولا لا