الموضوع: هل ماء الريدياتير تسبب تآكل الصدأ ؟

على حسب كلام الداتا شيت بتاعة الايثلين جليكول ..... مبيعملش تاكل فى الردياتير .... انما بيتحط علشان يزود درجة غليان المياه .. و بالتالى بيساعد على التبريد ...
و زى ما قال الباشمهندس احمد برعى ... المشكلة بتكون فى الاضافات التانية الى بتتحط مع مياه سائل التبريد .. الى بتمنع تكون الصدأ
كنا بنعمل حاجات بلدى فى الردياتيرات القديمة ... زى انك تحط شوية جاز ابيض على مياه التبريد ... او ديزل ( صديقنا كولن باول ) و تسيبه شوية فى الردياتير و بعدين تغسل الردياتير تانى

بس الكلام ده مش مضمون خالص فى السيارات الحديثة ... و منصحش حضرتك تعمله

المشاركة الأصلية كتبت بواسطة borio1704

المشكلة مش في الإيثيلين جلايكول...

المشكلة في الإضافات التانية المحطوطة على المية.. وهي دي اللي بتعمل تآكل في الدايرة..

ونصيحة.. لو عايز تحط مية في عربية أوروبي.. يبقى تجيب مية من اللي بتتحط في العربيات الأوروبي... المية الياباني ما تنفعش لإختلاف المواد ..

الموضوع كبير ومتشعب ومش هقدر أشرحه بسرعة للأسف.


...

شكراً لحضرتك يا بشمهندس أحمد
ممكن حضرتك ترشحلي نوع ميه احطه ؟

المشاركة الأصلية كتبت بواسطة ahmed_eng2001

على حسب كلام الداتا شيت بتاعة الايثلين جليكول ..... مبيعملش تاكل فى الردياتير .... انما بيتحط علشان يزود درجة غليان المياه .. و بالتالى بيساعد على التبريد ...
و زى ما قال الباشمهندس احمد برعى ... المشكلة بتكون فى الاضافات التانية الى بتتحط مع مياه سائل التبريد .. الى بتمنع تكون الصدأ
كنا بنعمل حاجات بلدى فى الردياتيرات القديمة ... زى انك تحط شوية جاز ابيض على مياه التبريد ... او ديزل ( صديقنا كولن باول ) و تسيبه شوية فى الردياتير و بعدين تغسل الردياتير تانى

بس الكلام ده مش مضمون خالص فى السيارات الحديثة ... و منصحش حضرتك تعمله

كانت غلطه والواحد بيحاول يصلحها
ياريت لو الاقي ميه مقطره فيها الايثيل جلايكول بس :(

المشاركة الأصلية كتبت بواسطة silent storm

كانت غلطه والواحد بيحاول يصلحها :n_no[1]:
ياريت لو الاقي ميه مقطره فيها الايثيل جلايكول بس :(

حتتحل ان شاء الله ....

مش حتلاقى مياه مقطرة عليها ايثيلين جليكول فقط ....
المياه المقطرة .... و عليها ايثيلين جليكول ... و عليها بعض الاضافات و اللون ... دى الى بيسموها مياه التبريد الخضراء او الحمراء

و مش حقولك ان الايثيلين جليكول بيتباع عند بتوع الكيماويات الى فى ميدان الجيش .. و لا حقولك ان اللتر كان بيعمل 15 جنيه

فيه فى السوق انواع كتير .... من الانواع العامة الى محدش اشتكى منها .... الموبيل الاخضر و الاحمر .. و التوتال

زى ما زكر المهندس احمد البرعى ... ياريت تدور على النوع الى برشحهولك الكتالوج .. او التوكيل

السلام عليكم ورحمة الله وبركاته انا حصل معايه مشكله بسبب مياه التبريد اللى كانت فى العربيه الاصلى وكانت صينى ولما عملت ليها تنظيف بعد 5سنين استعمال المياه الاصليه مياه زيتيه ودى علشان تزييت طلمبة الميه من الداخل وكمان تنظيف تريموستات الكوعه الداخلى وبعد التنظيف حطيت مياه من توتال حاجه كده مضروبه ومكتوب على اللترصناعه امريكى اى كلام المهم كان الكلام ده قبل الصيف الحالى وبعد يومين بدئت اسمع صوت من نحية الكاتينه غيرة الكاتينه والبليه والصوت لسه وسيور ونشوف سير الباور وحجات كتير فى الاخر انا قلت اجرب اغسل دورة المياه تانى واحط مياه موبيل الخضره وبلفعل الصوت راح والحمد لله ودى تجربه لاى حد لازم مياه الريداتير تكون اصلى وفى الاخر الفرق بين توتال النصب وموبيل فرق جنيهات بسيطه ؟انا مش بوفر فلوس انا اتخميت فى بلد اغلب شعبها نصاب والباقى بيفكر ؟

المشاركة الأصلية كتبت بواسطة ahmed_eng2001

حتتحل ان شاء الله ....

مش حتلاقى مياه مقطرة عليها ايثيلين جليكول فقط ....
المياه المقطرة .... و عليها ايثيلين جليكول ... و عليها بعض الاضافات و اللون ... دى الى بيسموها مياه التبريد الخضراء او الحمراء

و مش حقولك ان الايثيلين جليكول بيتباع عند بتوع الكيماويات الى فى ميدان الجيش .. و لا حقولك ان اللتر كان بيعمل 15 جنيه

فيه فى السوق انواع كتير .... من الانواع العامة الى محدش اشتكى منها .... الموبيل الاخضر و الاحمر .. و التوتال

زى ما زكر المهندس احمد البرعى ... ياريت تدور على النوع الى برشحهولك الكتالوج .. او التوكيل

ان شاء الله يا بشمهندس أحمد
بس انا خايف احط ميه رادياتير تاكلي الصدا جوا الدوره وتسرب , علشان كده بسأل
على فكره برضه نسيت أقول,
من بعد العمله دي حطيت ميه خضرا ب 50 جنيه سعودي زي اللي كانت فيها
مش عايز أقولك انها نازلة ريحتها بشعه ! ولونها طين .. بني غامق جدا
انضحك علي فيها, وكانت هي السبب الرئيسي في الصدا على كلام الميكانيكي اللي بروحله وبتاع الراديتيرات

المشاركة الأصلية كتبت بواسطة mohamed desoky

السلام عليكم ورحمة الله وبركاته انا حصل معايه مشكله بسبب مياه التبريد اللى كانت فى العربيه الاصلى وكانت صينى ولما عملت ليها تنظيف بعد 5سنين استعمال المياه الاصليه مياه زيتيه ودى علشان تزييت طلمبة الميه من الداخل وكمان تنظيف تريموستات الكوعه الداخلى وبعد التنظيف حطيت مياه من توتال حاجه كده مضروبه ومكتوب على اللترصناعه امريكى اى كلام المهم كان الكلام ده قبل الصيف الحالى وبعد يومين بدئت اسمع صوت من نحية الكاتينه غيرة الكاتينه والبليه والصوت لسه وسيور ونشوف سير الباور وحجات كتير فى الاخر انا قلت اجرب اغسل دورة المياه تانى واحط مياه موبيل الخضره وبلفعل الصوت راح والحمد لله ودى تجربه لاى حد لازم مياه الريداتير تكون اصلى وفى الاخر الفرق بين توتال النصب وموبيل فرق جنيهات بسيطه ؟انا مش بوفر فلوس انا اتخميت فى بلد اغلب شعبها نصاب والباقى بيفكر ؟

وعليكم السلام ورحمة الله وبركاته
الحمد لله انها اتحلت يا استاذ محمد وسعيد بكتابة تجربة حضرتك
تقريباً نفس اللي حصل عندي, عندي مشكلة الصوت دي وغيرت بلي الدينامو وبلية الكاتينه وطقم السيور
ولسه المشكلة قائمة .. يئست منها بصراحه
فقلت في الصيانه الجاية هغير طرمبة المياه ممكن تكون المشكلة فيها

برضو نفس حكاية الميه المضروبة .. مفيش ضمير وناس حياتها مبنية على الكذب والخداع والفلوس الحرام هنقول ايه بس الله لا يبارك فيهم

والله عمري ما عرفت حد ميكانيكي او كهربائي او اي حد ليه صله بالعربيات حسيت انه فاهم
كله بيفتي ويعك ويشتغل بمبدأ التجربة والخطأ
حتى في التوكيلات ومراكز الصاينه.. ناس مش فاهمه حاجه,
اي نعم ممكن تلاقيه بيعرف الصنعه لكنه مش دارس ولا فاهم حاجه