الموضوع: ماية الريدياتير والقربه (سؤال للخبرا)

المشاركة الأصلية كتبت بواسطة ahmad--ezzat

ياراجل ياطيب فى حد يحط ميه حنفيه
انزل فوار نزلها وحط ميه خضرا

ميه الحنفيه هتصديلك كل الردياتير ده اذا مكنش فيه صدي دلوقتي

اللحق نفسك دي خراب وليا تجربه مريره معاها

تمام شكرا ليك المايه الخضرا ولا حمرا افضل؟

انت لو نزلت المياه دلوقتي هتندهش من كم الصدا اللى اتكون
نزل المياه كاملة واغسل دورة التبريد
وغير ترموستات الكوعة لان الاملاح زمانها اثرت عليه لانه سريع التاثر بالاملاح
المياه الحمراء عمرها اطول من المياه الخضرا
الاتنين اثاثهم اثيلين جليكول
بس المياه الخضرا كان بيضاف عليها سليكات ونترات وفوسفات بنسب ضئيلة كموانع صدا
نتيجة ان المواد ديه سامة وعشان اعتبارات المعايير البيئيه فشالوا الاضافات ديه وبقت مركبات عضوية غير سامة وعمرها اطول بكتير

المياه الخضرا عمرها في حدود سنتين او 50 الف كم
المياه الحمرا عمرها 5سنين او 125000 كم

كخواص تبريد الاتنين واحد مفيش فرق

السيارات الاوربيه بدايه من عام 2000 تنصح بالمياه الحمرا
السيارات الاسيويه مش فارق معاها حمرا او خضرا

المياه الحمرا والخضرا مبيعملوش صدا وهما مصممين للراديتيرات الجديدة سواء المونيوم او نحاس
مياه الحنفيه عدو للراديتيرات

المشاركة الأصلية كتبت بواسطة tameem2010

انت لو نزلت المياه دلوقتي هتندهش من كم الصدا اللى اتكون
نزل المياه كاملة واغسل دورة التبريد
وغير ترموستات الكوعة لان الاملاح زمانها اثرت عليه لانه سريع التاثر بالاملاح
المياه الحمراء عمرها اطول من المياه الخضرا
الاتنين اثاثهم اثيلين جليكول
بس المياه الخضرا كان بيضاف عليها سليكات ونترات وفوسفات بنسب ضئيلة كموانع صدا
نتيجة ان المواد ديه سامة وعشان اعتبارات المعايير البيئيه فشالوا الاضافات ديه وبقت مركبات عضوية غير سامة وعمرها اطول بكتير

المياه الخضرا عمرها في حدود سنتين او 50 الف كم
المياه الحمرا عمرها 5سنين او 125000 كم

كخواص تبريد الاتنين واحد مفيش فرق

السيارات الاوربيه بدايه من عام 2000 تنصح بالمياه الحمرا
السيارات الاسيويه مش فارق معاها حمرا او خضرا

المياه الحمرا والخضرا مبيعملوش صدا وهما مصممين للراديتيرات الجديدة سواء المونيوم او نحاس
مياه الحنفيه عدو للراديتيرات

طيب لما احط مايه ملونه احط قد ايه وهل بيتضاف ليها مايه عاديه ولا هو المايه الملونه بس؟

المشاركة الأصلية كتبت بواسطة borio1704

المية بتشتريها حسب نوع الرادياتير اللي حضرتك مركبه...

في أغلب الأحوال... لو نحاس يبقى مية خضرا..
لو ألومنيوم يبقى حمرا أو زرقا..

ولازم تتأكد كويس قبل ما تشتري إن المية مناسبة لنوع الرادياتير.. ﻹن اللون مش دليل على نوع المية... إنما أغلب المصنعين بيستخدموا الألوان دي كده.

لو حصل وحطيت مية غير مناسبة للألومنيوم.. بيحصل غالبا تآكل في الألومنيوم.. وهتبقى مشكلة كبيرة لو كان البلوك كمان ألومنيوم..

الأسوأ إنك تخلط نوعين مختلفين مع بعض.. يعني المية بتاعت النحاس مع المية بتاعت الألومنيوم.... ساعتها بتتكون الترسبات اللي بتعمل سدد في الدايرة.

بس خلي بالك... مش معنى الكلام ده إن تكبر دماغك وتحط مية من الحنفية...

مية الحنفية ليها أضرارها اللي بتأثر في حاجات تانية وتبقى سبب رئيسي في سخونية الموتور على المدى الطويل.


...

يعني لو نحاس تبقي خضرا لوالمونيوم تبقي زرقا او حمرا .. تماام شكرا ليك جدا :)