المشاركة الأصلية كتبت بواسطة م/أحمد عبد الفتاح
يافندم رشه دواخل رشه خوارج اتعلمى عليها واعرفى الدنيا ماشية ازاى فى العربيات وتاخدى خبرة فى التعامل مع الميكانيكية وقطع الغيار والاعطال علشان لما ربنا يكرمك وتجيبى عربية احسن تبقى بتسوقى كويس وعارفه شوية معلومات مبدئية عن العربيات ودى فى حد ذاتها ليها تمن ومحدش حايعرف يعلمك الخبرة اللى حاتكتسبيها - وبعدين عربية بقالها حوالى ٤٠ سنة لازم طبعا ترش من جوة ولازم تكون اتصلحت وعمرت موتور واتعمل لها سمكرة ودوكو - والسعر كويس - وامشى بالعربية واتعلمى عليها وكل اسبوع روحى قيسى الزيت بتاع الفتيس - وكمان قيسى زيت الموتور يكون ناقص ولا حاجه وتخلى اللى بيعلمك يقيسلك زيت الموتور ويوريكى بيتقاس ازاى علشان تبقى تقيسيه لوحدك - واركبى عربيتك واتعلمى ولما تتعلمى عليها الدنيا حاتسلك معاكى ان شاء الله ولما تحبى تبيعيها ان شاء الله مش حاتخسرى فيها لان العربيات سعرها بيزيد كل يوم جديد ومستعمل . وربنا يباركلك فيها ويكفيكى شرها ان شاء الله