-
حضرتك علشان تتطمنى ال ١٢٨ رقم الشاسية بتاعها المرور بيبقى دقه على القايم بتاع باب السواق لما تفتحى الباب حتلاقيه على القايم حاتشوفى الرقم ده والمكتوب عالرخصة مطابقين ولا لأ - او توديها لسمكرى يشوفلك الرقم مظبوط زى الرخصة وكمان يطمنك لو كانت ملحومة نصين - بس حضرتك لو العربية نصين ملحومين حتبان من وقفتها ومن مشيها حتلاقيها ملووحة والعجل بيعمل صوت وهى ماشية زى ماتكون مفرملة واللى بيعلمك لما يسوقها حيلاقيها بتحدف ولو حبيتى تظبطى زوايا عمرها ماتتظبط وبتتهرش من اى حد حتى لو مش بيفهم فى العربيات
-
حضرتك قلقانه اوى وده ماينفعش
العربيات عموما عايزه بال طويل ورايق وخصوصا السواقه
راشه دواخل ومتظبطه وتمام وبتنزل نقط عادى والزيت مش ناقص حاجه كويسه
امشى بيها كده واهم حاجه الحراره والاصوات زى طقطقه الكبالن وونه الفتيس وتخبيط العفشه
وبلاش توكيلات الاحسن تسجليها شهر عقارى
ولما ييجى موضوع تجديد رخصه العربيه والفحص بلاش نتوقع البلاء قبل وقوعه
-
حضرتك مدام قفلتى من العربية مش اتعرفى تتعلمى عليها وخوفك ايزيد من سواقتها
بصى عن تجربة انا بردة زيك لسة حديث فى موضوع العربيات ومش خبير بس عن تجربة شخصية لو قفلتى من عربية اتكرهك فى السواقة حتى لو العربية مفهاش حاجة
اقول لك مثال انا اشتريت عربية دايو لانوس الحمد لله كويسة بس من كتر ما سمعت ان فراملها وحشة انعكس عليا لدرجة ان دوستى كانت غلطت على الفرامل لانى كنت متوقع انها مش اتقف وبعد كدة العربية الحمد لله اكتشفت ان فراملها مش وحشة زى ما انا كنت فاهم وبقيت اوقفها مش اطول عليكى
الخلاصة انتى اشتريتى خلاص حولى تركبيها شهر او اتنين اتعلمى وكسرى برحتك وقبل ما ترخصى بيعيها حتى لو خسرتى فيها اسمك اتعلمتى وبقى عندك خبرة سواقة واعطال لان دى خبرة مش ببلاش انك تتعلمى يعنى اية تقيسى زيت وتكتشفى لو فيه صوت غريب فى العربية وهكذا
وربنا يكفيكى شرها
Content Relevant URLs by
vBSEO 3.6.0 PL2