الموضوع: استفسار بخصوص بيجو 301

الكشف فى مركز الصيانة أفضل و أعتقد نصف ساعة مش قليل و خصوصا لو فى كشف كمبيوتر
و بالنسبة للسعر أنتى و شطارتك

خد بنصيحتي سيبك من البيجو خالص والفرنساوي بصفه عامة صيانتها صعبه ومحتاجه خبير انا كان عندي بيجو 406 فتيس زباله سمعة الاوروبي عامة في الفتيس وحشه لو عايز حاجه لك وللزمن خدلك تويتر ولانيسان ولا كوري والله ان الكوري اكثر اعتمايه ولا يوجد بها مشاكل غريبه

مع احترامى لحضرتك انت اخترت مثال سيء للبيجو
ال406 نجحت فى كل شىء و تفوقت فى فءتها و لكن اشهر عيب لها اللى مالوش اصلاح هو الفتيس(مش كل ال406 بس ناس كتير اشتكت نفس السكوى)
هذا لا يمنع ان فى سيارات كورى ويابانى كتير كانت بتنزل بعيوب فادحة سواء فتيس او مشاكل عفشة تعرض لحوادث او فرامل .....الخ و لكن بمجرد ما تتحل و يتم تداركها فى الموديلات التالية الناس ترجع تقول السيارة حلوة و العكس فى الاوروبى المشاكل البسيطة او الغير منتشرة فى السيارة يتم الترويج للمشكلة لافشال السيارة.
الخلاصة
هوى السوق المصرى متجه للكورى و اليابانى بغض النظر عن المبالغة الواضحة فى اسعارهم حاليا مقارنة بمنافسيهم الاوروبيين و بغض النظر عن عيوب بعضهم(اقرب مثال انى قبل شراء البيجو سالت فى توكيل كيا عن الريو اللى مغرقة الدنيا و سالت المهندسين اللى جوا مش الsales و كلهم اجمعوا انها سيارة سيءة جدا و بها مشاكل فنية كتير و واحد منهم قاللى عشان خاطرى متجبهاش رغم انه مايعرفنيش) و رغم هذا السيارة منتشرة و بتغلى كمان و الناس بتشتريها
هى دى عقلية السوق المصرى الغير مفهومة.
مش معنى ان يكون فى مشكلة فى موديل معين يبقى الماركة كلها وحشة و الدليل تويوتا كورولا نزل موديل 2008 ل 2010 تقريبا بمشكلة فى الفتيس ثم تم تغييره و على نفس شكل السيارة فنجحت.ولانسر شارك فشلت بموتور 1500 و من اول ما نزلوا موتور 1600 و السيارة مبيعاتها فى السما.

شكرا لحضرتك على التوضيح بس فعلا الكوري مبيعاته خياليه في العالم كله انا اتعقدت بصراحه انا معايا اكسنت ترونك 2014 وعن تجربتي لها سيارة عمليه جدا ماشاء الله وحاليا انا بدرس مشاكل السيارات كلها ومقرر بإذن الله اشتري مرسيدس cla 180 عجباني جدا وسعرها مناسب بس خايف من مشاكل الفتيس في الاوروبي ياريت لو عندك فكرة عن مرسيدس تقولي انا احب السيارات الاعتماديه

طبعا حاجة تانية خالص و مرسيدس او bmw عمرنا ما سمعنا عن مشاكل فتيس بهما و لو كان حصل بتبقى فعلا مشاكل فردية و مش منتشرة فى موديل السيارة و غالبا التوكيل بيغير الفتيس فى الضمان فى هذه الحالة و بالذات مرسيدس،كل اللى اعرفهم معاهم مرسيدس اجمعوا ان التوكيل كويس(لانه بيخاف من المراقبة الالمانية عليه)
الcla تحديدا جميلة جدا و معرفش غير واحد فقط من اصحابى معاه و بيشكر فيها جدا.

بس المرسيدس حاجة تانية خالص فى اسعار الصيانات وقطع الغيار.
انا بعتبر اسعار قطع الغيار جزء من تقييم السيارة اذا كانت عملية او لا.
موضوع ان الكورى مبيعاته خيالية ده فى مصر و دول الخليج فعلا ،فى مصر عشان كان اسعاره منخفضة نسبيا و صياناته سهلة و رخيصة بجانب ان فعلا السيارات الكورى اعتمادية بس ده لان التكنولوجيا المستخدمة قديمة،اما الخليج عشان الاعتمادية و جودة التكييف.
غير كده مبيعاتها فى اى دولة اخرى معتمد على السعر فقط لان زى ما قولت التكنولوجيا قديمة و الحاجة الوحيدة اللى ابتدوا من حوالى 6 سنين يشتغلوا عليها هى المواتير اللى فعلا حلوة فى الغالب،يعنى مثلا وجهة نظرى ان الاكسنت rb نقطة تفوقها الوحيدة على منافسيها هى الموتور لكن غير كده سواء مواصفات فتيس او نظام تعليق او اسعار تخرجها من المنافسة تماما