مشكلة في بطارية chloride

**A.M.G** · 20-08-2016 01:46 AM

بسم الله الرحمن الرحيم
السلام عليكم ورحمة الله وبركاته
عندي مشكلة ياريت الي يعرف حل يقولي
من حوالي 6 شهور كده بطارية العربية عندي باظت خالص وبقت مش بتقبل شحن خالص
المهم رحت اشتري بطارية جديدة وسالت البائع ايه احسن نوع ؟ قالي بلاش جافة لان عربيتي قديمة وقالي خد سائلة قلتله خلاص قولي نوع كويس قالي بطارية chloride الي هي حمرا من فوق قالي بطارية كويسة جدا والدليل على تحملها ان كل التاكسيات بتستخدمها حتى البطارية كمان مكتوب عليها tax وانها هي سائلة بمكونات جافة حاولت استفسر منه ازاي قالي حوار كده مفهمتوش ومش فاكره
المهم اتكلت على الله واشتريتها هي بصراحة بطارية كويسة جدا المهم طول ماهي في الضمان كنت بروح افحصها عنده وكله تمام
جيت من كام يوم رايح بعمل شغل عند الكهربائي قلتله قيسلي البطارية وشوف المية
بيفتح لقيت اول ربع ناشف خالص فزودها ودور لقيت البطارية بتسرب السائل وبتفضي الربع الاول جنب القطب الموجب سالته الحل ايه قالي على واحد يصلحها
رحت على الوصف فك البطارية ولقيته سخن حديدة وبيكوي البطارية مكان التسريب الي هو الجزء العلوي من البطارية ( تحت السقف الاحمر ده)
وجاب عود الشمع الي بيسيح ويلصق وقعد يلصق بيه
وبعد دا كله برضه بتسرب فجبت لحام حديد انبوبتين وبيتخلطوا على بعض وحاولت اغطي مكان التسريب لقيت الجزء الي فيه تسريب حصل تفاعل وباش جبت صباع شمع حاولت الصق بيه وفعلا قللت التسريب بس لسه موجود وطبعا الضمان خلص
انا ممكن ازودها اول باول بس هتبقى حاجة رخمة وغير عمليه لان لو مشوار طويل او سفر الربع بيفضى جامد
هل كده البطارية باظت ولا فيه امل تتصلح؟

**sherif_mahalla** · 20-08-2016 04:52 AM

مشكلة البطاريات السائلة الدائمة
بس خلي بالك من نقطة
التسريب ده سائل عبارة عن حمض مخفف
يعني مش بس بيأثر عالبطارية
ده ممكن ياكلك صاج العربية
شوف حد تاني يصلحها و تابعها لازم متسربش خالص
أو غيرها بجافة و اشتري دماغك لو مش غاوي وجع دماغ

**A.M.G** · 20-08-2016 03:31 PM

هحاول تاني بالشمع بس مش هوديها علشان للاسف شوهلي شكلها وشكله بوظها بزيادة المشكلة انها جديدة بقالها 6 شهور بس يلا عليه العوض ومنه العوض

**Mohamed Desoky** · 20-08-2016 04:08 PM

المشاركة الأصلية كتبت بواسطة a.m.g

هحاول تاني بالشمع بس مش هوديها علشان للاسف شوهلي شكلها وشكله بوظها بزيادة المشكلة انها جديدة بقالها 6 شهور بس يلا عليه العوض ومنه العوض

اولا البطاريه الكلورايد دى فاشله ويدوب لو عاشت اخرها سنه لو كملت ؟والولد بتاع المحل ده كداب لان اغلب التاكسى فى مصر ابيض كله جديد وبطاريته جافه حتى العجل القديم بيشتغل بلجافه عادى جدا انتى ريح نفسك من المصاريف وهات بطاريه جافه اى نوع غير الكلورايد فى انواع كتير جافه فى السوق حتى لو كانت صينى والله عندى وشغاله فى العربيه اكتر من 3 سنين والحمد لله ؟انتى مهما صرفت على البطاريه دى فى الاخر هتغيرها هتغيرها ريح نفسك وفلوسك ؟

**م/مصطفى محمود** · 20-08-2016 11:07 PM

هو عموما المشكلة مش فى البطارية ، المشكلة شرخ فى جسم البطارية وهو سبب تسريب الحامض

انا شايف انك تغير البطارية أفضل حاجه ( لأن السائل اللى فى البطارية ده حامض وهيتفاعل مع اغلب اللزق)

اما بخصوص البطاريات الجافة ، فهي برضوا جواها سائل ( اسمها العلمي محكمة الغلق ) الفكرة ان مكوناتها بتخليها متعملش بخر للمياة المقطرة ( السبيكة رصاص كالسوم بدلا من رصاص انتيمون )

فسواء كانت البطارية محكمة الغلق ( اللى بيسموها جافة ) او مفتوحة وحصل فيها شرخ كنت هتوصل لنفس النتيجة