الموضوع: بطارية جديدة سيراتو 2013

البطارية ليها عمر افتراضي... حوالي 3 سنين.. ساعات أكتر أو أقل..

أنا عربيتي سيراتو 2014 الشكل الجديد.. وغيرتلها بطارية من حوالي 3 شهور.

عموما.. أنصحك تجيب بطارية هانكوك 44 أمبير... أو شوف الأمبير اللي في البطارية الأصلية وهات زيه..

حاجة زي كده::




وما تسمعش كلام اللي بقوللك هات بطارية بأمبير أعلى...

الكلام ده بس لو حضرتك مركب أجهزة كهربا زيادة عن الفبريكة.. زي مثلا نظام ساوند سستم بأمبليفاير قوي.

غير كده بطارية الفبريكة كفاية جدا.


...

المشاركة الأصلية كتبت بواسطة sherif1988

طيب معلش اية المشكلة لو جبت امبير اعلى
و اية رئيك في بطاريات بوش

انا مركب زينون و سخانات
الصوت مجتش نحيتة مركب كاسيت تاتش

كهربا العربية متصممة على أحمال معينة وكمية كهربا معينة...

لما تجيب بطارية بأمبير أعلى أكيد ده بيأثر في بعض الأجزاء ..

أنا شخصيا شايف إن معظم مشاكل كهربا السيارات هي من فتي الكهربائية لما تيجي تغير البطارية... يقوللك هاتلك بطارية أقوى علشان ما تنامش منك..

فتي...

أنا شخصيا ما بدأتش أعاني من مشاكل الكهربا في العربية إلا من بعد تغيير البطارية بواحدة أكبر... والمشكلة إنك مش بتعرف ترجع للوضع الأصلي تاني.

ده غير إن البطارية الأكبر أغلى وبدون وجه استفادة فعلي.. بالعكس.. ضررها أكبر.


...