مشكلة فى فتيس اوكتافيا a4 2006 عايز مساعدة

انا معايا اوكتافيا a4 2006 اوتوماتيك الفتيس بقاله فترة بدأ يأخر التعشيق من الN للD يعنى لما انقل من N لD العربية تفضل واقفة كأنها عالN شوية وبعدها تمشى ساعات تطول وساعات لا وساعات متمشيش غير لو ضغطت ضغط خفيفة عالبنزين بس ده بيخليها تهبد هبدة خفيفة ...لو نقلت من الD ل1 تنقل اسرع ...ومن N ل R بتنقل طبيعى جدا برضوه.... المشكلة ده بتحصل سواء العربية سخنة او باردة ....حد يقدر يفيدنى؟؟
للعلم انا مغير زيت الجيربوكس فى التوكيل مكملش 10000 كيلو ودخلت العربية عالكمبيوتر بس مطلعش حاجة والعربية مش بتأخر غيارات

أنا عندي نفس المشكله دي بس يزيد عليها اني احيانا بحس ان في نتشه خفيف جدا مع الغيارات
لو حضرتك كنت وصلت لحل المشكله ممكن تفيدني بعد اذنك.

اقتباس:

---

المشاركة الأصلية كتبت بواسطة amar fathy

انا معايا اوكتافيا a4 2006 اوتوماتيك الفتيس بقاله فترة بدأ يأخر التعشيق من الn للd يعنى لما انقل من n لd العربية تفضل واقفة كأنها عالn شوية وبعدها تمشى ساعات تطول وساعات لا وساعات متمشيش غير لو ضغطت ضغط خفيفة عالبنزين بس ده بيخليها تهبد هبدة خفيفة ...لو نقلت من الd ل1 تنقل اسرع ...ومن n ل r بتنقل طبيعى جدا برضوه.... المشكلة ده بتحصل سواء العربية سخنة او باردة ....حد يقدر يفيدنى؟؟
للعلم انا مغير زيت الجيربوكس فى التوكيل مكملش 10000 كيلو ودخلت العربية عالكمبيوتر بس مطلعش حاجة والعربية مش بتأخر غيارات

---

السلام عليكم و رحمة الله و بركاته

عاوز اسأل حضرتك سؤالين
1- الموضوع ده حصل بعد تغيير الزيت ؟؟؟
2- تم تغيير الفلتر ، ولا مجرد بس الزيت القديم نزل و رحت معبي زيت جديد ؟؟

لو الاجابة (نعم) بالنسبة لاول سؤال يبقى بنسبة 70 % الموضوع ده ملوش حل .. غير بعد تجربة معينة هتعملها حضرتك علشان نتاكد ان مافيش امل

عايز تفاصيل اكتر لحالة الجير قبل و بعد تغغير الزيت علشان افهم بالظبط مشكلتك فين

حضرتك عاوز تستفسر اكتر اسئال و انا اجاوب

تحياتي

maybe this would help

اقتباس:

---

المشاركة الأصلية كتبت بواسطة tasaka

بصفه عامه فى الاوتوماتيك .. لو رجلاش كبل نقلات الفتيس موش مظبوط ممكن تعمل كده

( انا عندى فى اسبرانزا كابل من العصايه رايح للسويتش .. الكابل ده هو اللى بيترجلش علشان النقلات تبقى مظبوطه مع العصايه ) .. و لو فيه حتى فرق بسيط جدا بتحصل حركه تأخير التعشيق 5 ثوانى و الموتور يعلى قبل تعشيق الغيار .. بس فى نفس الوقت هتلاقى جميع النقلات بتعشق طبيعى ( علشان فرق الرجلاش بسيط )

حصل معى ان الكهربائى لعب فى رجلاش الكابل .. كل النقلات بتعشق طبيعي و بتدى الرقم المظبوط للغيار فى لوحه العدادات .. بعددها اصبحت بتغيب لغايه متعشق ال d فقط و الموتور يعلى شويه .. و جميع الغيارات الاخرى طبيعيه بدون تاخير او علو موتور .. ده كان بحصل فى اول دواره بارده صباحا فقط

و ده ما كانش بيحصل قبل ما يلعب فى الرجلاش

السبب اتضح ان كان عندى بوش فى الورده البلاستك فى اسفل عصايه الفتيس .. بعد تظبيط البوش ده و رجلاش الكابل على الصح بتاعه .. كل شيئ اتظبط

---

اقتباس:

---

المشاركة الأصلية كتبت بواسطة tasaka

maybe this would help

---

مع كامل احترامي للكلام المقتبس ....
1- هذا القسم هو مخصص فقط للاسكودا (و ليس للسيارت الصيني) اي صلة لا من قريب او بعيد بسيارات VAG حتى لو اشتركت المشكلة بين العربيتين و اللي هي ان الموضوع ده ما بيحصلش غير (الصبح فقط) و النقلات بعد كدا طبيعية جدا لكن اول ما تيجي تقف في اشارة مثلا او بتشتري حاجه من كشك تيجي تنقل d بتشبك الغيار بعد 3 ثواني و نفس الكلام في R .... المشكلة في الصيني لا تخص الاسكودا حتى و لو تشابهت المشكلة.

2- المشكلة دي شائعة اساسا في سيارات VAG و المشكلة بتتحل بالتجربة فقط و عن طريق شروحات لان ده اساسا مشكلة تخص جزئين بيشتغلوا مع بعض (VALVE body + ATF oil) .

3- تجربه شخصية ليا و اشتغلت فيه بايدي في عربيتي و فكيت الفتيس و محاولات و اجرب و فك و ركب و زيت و فلتر و مالهاش حل حتى التوكيل ما عرفش (توكيل خارج مصر) ،
(توضيح بسيط .... انا اعمل في صيانة سيارات VAG و اتعلمت في ورشة SEAT من عام 2012 على يد احترافيين انجليز و هنود في مجال ميكانيكا و برمجة سيارات فولكس فاجن و عائلتها) .. و هذا للتوضيح .

فيه مشكلة واجهتني في عربية بس بالعكس في الصبح فقط او لو العربية في اي وقت باردة عموما و مافيش تاخير يعني النقلات كلها حاضرة ، و ما هي المشكلة ؟؟؟ تعالى نشوف
بعد ما بتسخن صباحا او اي وقت العربية وقفت فيه اكتر من 3 ساعات و تيجي تغير الى R او الى D يحصل رزعة في الغيار و بعد كدا الرزعة تختفتي لو حاولت التجربة مره اخرى .
و الحمد لله بفضل الله حليت المشكلة تماما .

مشكلة صاحب المشكلة انا مريت بيها و مرت عليا في اودي A3 و مرت عليا في جولف MK4 و المشكلة دي بتحصل نتيجة لاسباب كتيرة متعلقة بكما ذكرت اعلاه

انا قولت كمان ان نسبة الاصلاح 30% و نسبة عدم الاصلاح هي 70% و يتوقف هذا على اجابة الاسئلة اللي طرحتها لصاحب الموضوع .

تحياتي

اقتباس:

---

المشاركة الأصلية كتبت بواسطة sala7

السلام عليكم و رحمة الله و بركاته

عاوز اسأل حضرتك سؤالين
1- الموضوع ده حصل بعد تغيير الزيت ؟؟؟
2- تم تغيير الفلتر ، ولا مجرد بس الزيت القديم نزل و رحت معبي زيت جديد ؟؟

لو الاجابة (نعم) بالنسبة لاول سؤال يبقى بنسبة 70 % الموضوع ده ملوش حل .. غير بعد تجربة معينة هتعملها حضرتك علشان نتاكد ان مافيش امل

عايز تفاصيل اكتر لحالة الجير قبل و بعد تغغير الزيت علشان افهم بالظبط مشكلتك فين

حضرتك عاوز تستفسر اكتر اسئال و انا اجاوب

تحياتي

---

حضرتك انا شاري العربيه من فتره قريبه و اول حاجه عملتها غيرت فلاتر وسيور وزيوت وكان من ضمنهم زيت
الفتيس طبعا وغيرت معاه المصفاه والميكانيكي قالي العربيه دي ملهاش فلتر زيت هي المصفاه بس
و بدأت احس ان العربيه بتنتش بين النقلات وطبعا مقدرش اجزم انها مكنتش موجوده قبل تغيير الزيت لان العربيه انا ملحقتش امشي بيها قبل ما اغيره
بس علي الاقل اصبحت محسوسه بشكل كبير
وبدا كمان يحصل ان النقلات ممكن بتتأخر يعني تحس انك بتحرق علي الغيار اجباري واضطر اشيل رجلي خالص من علي البنزين ساعتها بس تنقل للنقله اللي بعدها

فرجعت تاني للميكانيكي بعدها باسبوع وقولت له علي اللي حصل فسيبلت له العربيه وحل الفتيس ونضف لي البادي فالف ورحت استلمت منه تاني لقيت العربيه اختفي منها الحمد لله كل المشاكل دي تماما

وبعد استخدام شهر رجع تاني موضوع التنيش ده بس بشكل اقل من الاول بكتير بس موجود
ورجع برده موضوع التاخر في النقلات ده بس بتحصل في النقله التايته بس ومش كتير يعني مش كل مره
اركب العربيه يحصل الموضوع ده
ورجعت للميكانيكي قالي (سيب الفتيس لحد ما يجيب اخره ونغيرهلوك)
فياريت حضرتك تفيدني لو في حل لكدا

واسف علي الرغي الكتير :d

اقتباس:

---

المشاركة الأصلية كتبت بواسطة eng.muhamed

حضرتك انا شاري العربيه من فتره قريبه و اول حاجه عملتها غيرت فلاتر وسيور وزيوت وكان من ضمنهم زيت
الفتيس طبعا وغيرت معاه المصفاه والميكانيكي قالي العربيه دي ملهاش فلتر زيت هي المصفاه بس
و بدأت احس ان العربيه بتنتش بين النقلات وطبعا مقدرش اجزم انها مكنتش موجوده قبل تغيير الزيت لان العربيه انا ملحقتش امشي بيها قبل ما اغيره
بس علي الاقل اصبحت محسوسه بشكل كبير
وبدا كمان يحصل ان النقلات ممكن بتتأخر يعني تحس انك بتحرق علي الغيار اجباري واضطر اشيل رجلي خالص من علي البنزين ساعتها بس تنقل للنقله اللي بعدها

فرجعت تاني للميكانيكي بعدها باسبوع وقولت له علي اللي حصل فسيبلت له العربيه وحل الفتيس ونضف لي البادي فالف ورحت استلمت منه تاني لقيت العربيه اختفي منها الحمد لله كل المشاكل دي تماما

وبعد استخدام شهر رجع تاني موضوع التنيش ده بس بشكل اقل من الاول بكتير بس موجود
ورجع برده موضوع التاخر في النقلات ده بس بتحصل في النقله التايته بس ومش كتير يعني مش كل مره
اركب العربيه يحصل الموضوع ده
ورجعت للميكانيكي قالي (سيب الفتيس لحد ما يجيب اخره ونغيرهلوك)
فياريت حضرتك تفيدني لو في حل لكدا

واسف علي الرغي الكتير :d

---

ولا يهمك يا باشا على الرغي .. ارغي براحتك ههههههه
المهم بقا ..
أولا مش انا اللي مسميه فلتر والله .. ده الشركة مسمياه كدا .. شركة فولكس .. لو عندك برنامج etka هتلاقي مكتوب فلتر ..

الراجل بقا حابب يفتي .. فانا ما بحبش الفتي

كدا انا حصرت مشكلتك في جزئيتين
١- مستوى الزيت مش مظبوط .. و ده بيتظبط كمبيوتر .. طبعا بنسبة كبيرة الراجل بتاع المصفاه اللي اشتغالك في الفتيس حط زيت كدا بالمفهومية او بالمتر ، يعني بالمختصر هو حطلك حوالي ٥.٥ متر زيت
عايز تعرف بيتظبط ازاي ع الكمبيوتر هشرحلك بالتفصيل

٢- نوع الزيت اللي اضافه ايه ؟؟
زيت فتيس فولكس اللي لونه دهبي شبيه بلون زيت المحرك ؟
ولا حط لك زيت هيدرولك اللي لونه احمر ؟؟ اللي هو يستعمل في معظم السيارات الامريكية و اليابانية ؟؟
و ده نوع زيت كدا تحط منه في الباورستيرنج و يشتغل معاك زيت فتيس بردوا

على فكرة زيت الهيدرولك صح بنسبة ٣٠٪ بس فولكس ليها زيوت هيدرولك مخصوص

كدا انا خلصت
تحت أمرك في اي سؤال

تحياتي