سنترا 2017 هاى لاين

**blue_crystal** · 27-09-2016 06:36 PM

أنا معايا سنترا 2017 عاملة 1300 كم حتى الاّن
العربية ممتازة ... نعومة و وسع و ثبات
الصالون نضيف و المواد المستخدمة قيمة مش بلاستيك
اداءها حلو بس مش جراية قوى ... العادى يعنى مش بطة ولا جراية ... فيها سبورت جير بس مش بحب استعمله
المشكلة الوحيدة التيل بيهبب فعلا و كمان احيانا بيطلع صوت صفارة متقطعة فى بداية حركة العربية ... اتنضف فى صيانة ال1000 و الصوت اتحسن كتير و تحت التجربة
فى رأيى ينقصها حساسات ركن خلفى بس مودرن و اوتو ايجيبت بيركبوا

**أحمد ابراهيم م** · 01-10-2016 01:56 PM

السينترا عربية سيئة جدا معايا بقالها 5 شهور ومليانة عيوب صناعة وتوكيلها سئ جدا ﻷقصى درجة

**salam100100** · 09-10-2016 09:49 AM

المشاركة الأصلية كتبت بواسطة أحمد ابراهيم م

السينترا عربية سيئة جدا معايا بقالها 5 شهور ومليانة عيوب صناعة وتوكيلها سئ جدا ﻷقصى درجة

ممكن من فضلك توضيح اكتر للعيوب (لو بالتفصيل لو امكن)
وعشان نستوعب العيوب دى ممكن توضحلنا حضرتك بتقارنها بايه (يعنى مثلا بعربيتك السابقه)
وايه المشاكل اللى حضرتك واجهتها مع التوكيل

مشاركتك هتساعد ناس كتير تحدد وتحلل العربيه فى اخد قرار الشراء

**Colin Chapman** · 12-10-2016 05:37 PM

المشاركة الأصلية كتبت بواسطة أحمد ابراهيم م

السينترا عربية سيئة جدا معايا بقالها 5 شهور ومليانة عيوب صناعة وتوكيلها سئ جدا ﻷقصى درجة

miam0502788391

**tasaka** · 12-10-2016 06:19 PM

المشاركة الأصلية كتبت بواسطة Colin Chapman

miam0502788391

thank God , you are back

i was very worried about you , and i was about to post asking if you are OK

welcome back Colin

**mohamedkandel** · 14-10-2016 03:56 PM

السنترا عربيه رائعه احسن عربيه في رنج سعر ال 250 هي والفلوانس عيوبها انها بطيئة من صفر الي 60كم لكن بعد كده بتسحب حلو قوي وكراسيها ناشفة شويه لكن مميزات وسع وفخامه وشياكه ونعومة واداء وخامات جيدة وسعر مناسب للعربية في ظل هبل الاسعار الحاليه

**yassal** · 27-10-2016 11:23 AM

أنا شايف انها فعلا أجسن الموجودين حاليا فى فئة سعرها حتى بعد ما زادت لأن كل العربيات زادت بمعدل يمكن أكتر من السنترا كمان

**سيف سامح** · 14-11-2016 09:48 AM

السنترا 2017 مش فيها ولا سينسور للركنه ولا usp ولا GPS ولا شاشه dvd

**salam100100** · 10-10-2017 05:28 PM

المشاركة الأصلية كتبت بواسطة yassal

السلام عليكم
ناوى ان شاء الله أشترى سنترا 2017 هاى لاين اللى نازلة بشاشات dvd وباركنج سنسور وكاميرا خلفية من السبع
العربية ماشاء الله شايفها كويسة بس طبعا مجربتهاش فى السواقة والثبات
ايه عيوب العربية دى وايه مميزاتها من وجهة نظر اللى جربها وساقها قبل كده - السؤال المهم جدا : قطع غيارها موجودة فى التوكيل وبرة ولا لأ؟ انا قريت كام بوست قبل كه بيشتكوا من عدم توافر قطع الغيار حتى فى التوكيل - برجاء الافادة بسرعة للأهمية

فات اكثر من سنه على المشاركه
ايه اخبار قرار الشراء؟

**Shady Mahmoud** · 28-12-2017 11:02 AM

السلام عليكم . لو سمحتم أنا كنت ناوي أشتري سنترا 2018 الهاي لاين . بس قريت هنا كلام بصراحة سد نفسي عنها . هل العيوب اللي بتتكلموا عنها دي لسة موجودة في موديل 2018؟ ولا دي في الموديلات السابقة فقط؟ وهل قطع الغيار فعلاً فيها مشاكل حتى في التوكيل؟ وموضوع الفرامل دة مهم جداً لأن عندي أولاد والأمان في العربية مهم طبعاً

ولو مش حلوة إيه ممكن يتجاب في ظل الأسعار اللي في السوق دي بحدود 300000 جنيه؟

شكراً مقدمأ وبرجاء الإفادة