طيب تمام .. طمنتني..
بالنسبة لاستخدام لزوجة 5w-30...
ﻻ مش هيؤذي الموتور خالص... إلا في حالة واحدة...
لو حضرتك كنت بتحمل على الموتور بشدة..
يعني لو كنت من هواة القرص على الموتور والسباق وكده..
أو لو بتحمل أوزان تقيلة بشكل متكرر (أكتر من 300 كيلو شامل كل أوزان الناس والحمولة التانية).
أو لو كنت ساكن في منطقة مرتفعة (على جبل مثلا زي المقطم) وبتطلع وتنزل كتير كل يوم.
أو لو كنت بتقطر عربيات أو بتجر مقطورة صغيرة...
كل الحالات دي اسمها حالات تحميل شديد على الموتور... اللزوجة الخفيفة ما تنفعش معاك لو الحكاية دي بتتكرر معاك باستمرار.
ارجع لموضوع "إزاي تختار اللزوجة" اللي حطيتهولك في اللينك.. شارح فيه كل التفاصيل دي. كل الشكر أخي الكريم للرد علي سؤالي بارك الله فيك
معلش سامحني... ليا ملحوظة صغيرة...
شركة موبيل ليها ماركتين...
موبيل... ودي بتعمل زيوت معدنية وزيوت صناعية..
و
موبيل1... دي ماركة متخصصة في الزيوت التخليقية فقط.
فحضرتك لما حطيت زيت ال20W-50.. دي كانت "موبيل"
والزيت اسمه التجاري MobilSuper 1000 XHP 20W-50
أما Mobil 1... فدي سكة تانية خالص. مشكور جدًا علي المعلومة القيمة والتوضيح
واحب اضيف اني غامرت من يومين وغيرت زيت موبل 20w50 لزيت موبل 1 التخليقي بالكامل 5w-30 وكانت النتيجة كالتالي
1- انخفاض ملحوظ في صوت الموتور
2- سحب العربية اصبح احسن بكتير
3- الموتور حرارته قلت كتير عن الاول
وده للأمانة نتيجة للمعلومات الهامة اللي عرفتها من حضراتكم ومشاركاتكم اللي تعتبر بمثابة ابحاث في علم الزيوت ( كل الشكر والتقدير والاحترام )
استمروا اخواني لافادة اخوانكم لأن للأسف بلدنا مليانة ناس متخصصة في الفتوي بلا مرجعية ولا ادني ثقافة
المفضلات