هل فى حد متخيل ان فى 15000 شيخ فى دار الافتاء قررو يبيعو دينهم فجاءه كده :) طب قول 2 10 100 لكن كل الناس دى و بالنسبه لانهم موظفين و صغار فى السن العلم الى عندهم اكبر من علمى و علمك بمراحل و لو اخدت السن حكم يبقى معظم مشايخ الاسلام و الى كتبهم اساس الافتاء الان ملهومش قيمه

الحقيقه ان الراين جايبين حجج قويه لكل راى سواء بانه ربا لان البنك بسلف الناس

قسم الناس دول قسمين قسم مستثمرين الى بيبنى عماره و يكسب مليون جنيه ناس قالت ده مش ربا لانه ببساطه مش محتاج و حكم تحريم الربا هو ان الغنى بيستغل الفقير و يزود فقره

و القسم التانى ناس محتاجه جدا و غصب عنها بتاخد قرض او ناس بتاخد قرض ترفيهى ملوش لازمه زى السياره و المصايف الى بتتجاب بقروض

الناس الى محتاجه اوى علاج و اكل و شرب دول حراااااااام عند اى حد انه ياخد قرض بفوايد و حرام ان حد يديله قرض بفوايد لانها ربا صريح استغلال حاجه الفقير و زياده فقره و خلق حقد على المجتمع و الناس و الاغنياء

زى منتا شايف الاقراض كده دينا بقى متقسم 3 ناس بتكسب فلوس و ناس مش لازم انها تاخد قرض و بتدلع نفسها و ناس محتاجه 2 منهم حسب راى حكم تحريم الربا من الاساس ليس ربا لا هما مطرين و لا هيكرهو الناس و لا فقراء من الاساس

و جزء من ال3 دول حرام شرعا الى هو المحتاج جدا و غصب عنه هيدفع ال 17 و ال 20 فى الميه قرض حرام على البنك و على الى بيقترض

قالو هنا 2 اجزاء من 3 ما غلب حلاله على حرامه استنادا لحكمه تحريم الربا الى موجوده فى كل كتب التفسير

الفصيل الثانى انت عارفه كويس كله ربا مش مهم ربنا حرمه ليه المهم انه حرام يبقى حرام و بس و احنا فى ديننا مذاهب كتيييييييييييييير جدا و محدش محدش محدش تالت مره يقدر يقولك ان مذهب فيهم غلط او على دين غير الدين كله ليه حجه من صحيييييييييييح القران و السنه

و لك انت وحددددددددك ان تستفتى قلبك و لو افتاك النااااس جميعا و لو عندك شك و مقتنعتش متعملش شىء لانك هتتحاسب عليه مش الشيخ على السالوس و لا مشيخه الازهر انت فقط

الاستمثار فى الذهب كويس جدا اشترى سبايك عشان ميبيقاش عليها مصنعيه و ممكن تودعها خزينه فى البنك و تفك لما تحتاج او لو قدامك دولارات شيل شويه عادى برضه و اول متقدر هات حته ارض