لو سمحتوا حد يفدنى
اولا عايز اعرف لو الصبح بصيت على الميه ولقتها ناقصه ازودها ازاى
لو مفيش تسريب
زودها ميه مقطرة (من فلتر خمس مراحل عالأقل أو من تكييف)
و طبعا في القربة و العربية لازم تكون باردة أو تكون دايرة و تسيبها دايرة
لو لقيت تسريب
يبقى لازم تحل المشكلة و بعدين تزود مياه خضرا نفس النوع
أو تغير المياه كلها
ثانيا حاجه غير غطا ميه الردياتير فى غطا اربه نازله و لازقه فى المروحه مكتوب عليه coolant وجواه ميه خضرا زى اللى فى الردياتير دا ايه و ايه فيدته و لما يكون ناقص ازوده ازاى
مهو ده اللي انت المفروض تزود الميه فيه اسمها القربه و دي اللي الرادياتير بياخد و يدي فيها
ثالثا ازاى انضف فلتر الهوا هل بميه ولا ببلاور ولا ازاى
بيتفك و يتنفخ ببلاور
رابعا ازاى اعرف ان البوجيهات بايظه او سليمه
من السحب و صوت العربية و بتبطل و لا لأ بتدور بسهولة و لا صعوبة
خامسا ازاى اشوف فلتر البنزين عايز يتغير ولا لا
برضه السحب لو تمام يبقى خلاص
سادسا ازاى انضف فلتر التكييف و ازاى اعرف ان التكييف عايز يتشحن او لا
موضوع الفلتر ده صعب ممكن تروح لفني يعمله
لكن لو التكييف مبيسقعش العربية يبقى عايز يتشحن؟
سابعا هل للتكييف لو عايز يتشحن مثلا او في مشكله يخلى العربيه مع الضغط و كدا يخليها تسخن اكتر و تسقف و تبقى مخنوقه ولا لا
ممكن و ممكن حاجات تانية
ثامنا المروحه بتاعت التبريد بتشتغل و تفصل عادى و مبتاخدش وقت كبير وانا ماشى لكن هل من الطبيعى انى لما اقف و العربيه سخنه المروحه ممكن تفضل شغاله فوق الربع ساعه و النص ساعه ولا ايه
انت شايفها؟ و لا عرفت منين؟
أهم حاجه تتأكد إن مفيش تسريب ميه و مستوى زيت الموتور مظبوط
لو تمام يبقى تشوف المروحة و الكلاتش و الحساسات
لو تمام يبقى تتأكد من كبس الموتور و نوع البنزين اللي بتحطه
و هكذا خطوة خطوة
شكرا ليكم
المفضلات