الموضوع: محتاجة رأي سديد في موضوع الفلوس دي.

بعيدًا عن الناحية قانونية .. وعن الظروف اللي عانيتي منها في التجربة الأليمة دي
لأنك الحمدلله الآن تديري أمورك كلها بنفسك وتجاوزتي شوط كبير وصعب ولم يتبقى لكِ إلا القليل
وهو الإستقرار في بلد يوفر لكِ الحماية القانونية ويمنحك حق الإقامة الدائمة والجنسية بعد تحقيق شروطها
و رأيي الشخصي
ترجعله فلوسه كاملة دفعة واحدة طالما تقدري ترجعيها لما تبيعي ..
وأقصد بفلوسه كاملة اللي دفعها للشقة ( المبلغ المدون في العقد ) بعد خصم اللي دفعتيه من القسط
ومش هتكوني محتاجة الرقم دا في الهجرة .. لإن المبلغ دا يقارب ( المليون دولار )
بخصوص المبلغ اللي زاد بسبب العوامل اللي تغيرت ففيه سعة ... وإن كنت أتمنى إنك ماتخديش إلا اللي دفعتيه في التشطيب
عشان تصفي حساباتك كلها وتقلبي الصفحة دي وتبدأي صفحة جديدة
ومش هتبقى بداية من أول كليًا لإنك معاكِ مؤهلات مناسبة ولغة قوية و بعثة أو عقد وضامنة دخل قوي شهريًا بعيدًا عن المبلغ دا
وبخصوص الفائدة
سعر الشقة المدون في العقد عندك مش هوا نفس المبلغ المطلوب منه سداده للبنك
يعني حساباتك اللي عملتيها بناء على المبلغ المدون في العقد وعدد السنين بالشكل دا
( القسط الشهري = 144 / 1,300,000 )
مش صحيحة
المبلغ المطلوب سداده هيكون أكتر لأن فيه فائدة على القروض
وعمومًا
لو كان أخد قرض بالفعل وعليه فائدة فالفائدة أنتِ مش مسؤولة عن سدادها..
( يداه اوكتا وفاه نفخ )
ودا رأي شخصي

ولكن من الناحية القانونية والشرعية حتى
يحق لك طبعًا تاخدي كل المبلغ قانونًا وشرعًا وبدون سداد أي شيء محدش يحق له يقولك دا خطأ
الخطأ والظلم ماحدث لكِ من البداية ..
لو كنت قاضي لحكمت عليه بالسجن بعدد سنوات الزواج والجلد ودفع تعويض كمان

ولكن دا يتوقف على مرجعك للعدل .. أنا بتكلم و مرجعي شرع ربنا .. اللي أنصفك بعد ما ظُلمتي من أفعال البشر
فلا يختلط عليكِ الأمر بين أفعال البشر الظالمة و عدل ربنا اللي أنصفك
وإنتِ دائمًا حريصة على عدم ظلم أو إيذاء أحد وهذه ميزة نادرة في زماننا وخاصة مع من ظلموكِ ..
لا يبقى لك سوى إعادة النظر في شرع الله ..
أسأل الله العلي العظيم العدل الحق أن لا يأتي العيد القادم إلا وأنتِ من المسلمين المؤمنين بالله حق إيمانه

المشاركة الأصلية كتبت بواسطة إنسانة

شكرا جدا لكل الاراء وانا حاولت اكتب بعض التفاصيل لايضاح بعض النقاط

1- طلبت الشقة على اساس اني لو بقي عندي شقة ممكن احس بالامان , وكنت اعتقد وقتها ان الشعرو بالامان ممكن يخفف من مشاعري السلبية ناحية الزواج و يريحني ويخلي عندي دافع اتعايش مع بقيت المشاكل وبناء على كلامي اشتراها.

2- خلال سنة تقريبا من الشراء انا كنت في صراع بين اني احاول ارضى بوضعي واقناع نفسي اني الان افضل وبين انتظار قاتل عشان الشعور بالامان اللي كنت ارجوه يريحني ولكن لم اشعر بالراحة وشعرت برغبة اكبر في الطلاق , فهي كدا تعتبر هبة ؟

3- لم استطع الاستمرار في الزواج باي شكل وبعد انتهائي من التشطيب والانتهاء من الالتزامات اللي كانت ساحبة مرتبي كله مشيت في اجراءات الطلاق وانا عازمة على اني بعد الطلاق هأجرها وهدفع تمن الاقساط من ايجارها وهعيش من مرتبي

4- تم الطلاق وبعد الطلاق اجرتها ولما اودعت اول قسط لحسابه في البنك اتصل يسأل عن سبب ايداع الفلوس ومصدرها وقلتله دا ايجار الشقة وقسطها سالني عن المستاجر والمكتب اللي سلمته الشقة وبعدها ماتكلمناش تاني عن الشقة.

5- لو فيه فائده لازم تدفع اعرفها ازاي ؟

6-انا بسأل مش عشان انا مش عايزة ارجع تمنها انا هدفع تمنها بس اقساط لاني مش لوحدي معايا بنتي لو لوحدي كنت دفعتها كاش , وانا مش عايزة اقوله اني بعتها لانه وقتها ممكن يعملي مشاكل تعطلني او تمنعني من الهجرة.

8- خايفة لما احط الفلوس في البنك ولا احولها للخارج اتسال عن مصدرها ولما اقول ازاي بقي معايا المبلغ دا يسألوه و يعرف , هل ممكن يعرف بالشكل دا اني ناوية اهاجر ؟ ولا محدش هيسالني او يساله ؟

9- ياريت بلاش تقولولي خليكي واضحة معاه وقولي انك هتهاجري لانه وقتها هيمنعني اكيد وانا مينفعش اعيش في البلد دي لان قوانينها مصممة على ان ماينفعش الوحدة تعيش بدون راجل

حتى بعد توضيحك
من الناحية القانونية والشرعية معًا
نعم فلوسك طالما لم يحصل أنك وعدتي بسدادها في حالة لم تتمكني من الإستمرار في الزواج
وحتى لو اشترط سدادها بالحرف .. شرطه يسقط شرعًا .. وفيها أراء
وقانونًا كأن شيء لم يكن طالما لم يكتب نصًا وتم تمكينك من الشقة ما بالك لو لم يكن هناك أي شرط ؟

ورأيي لم يتغير .. وإن كنتِ حابة ترجعيها أقساط بسبب قلقك على بنتك فإنتِ أعلم وأدرى
و محدش هيسأله عن مصدر أموالك ... ولو تم سؤالك ( ودا وارد ) هيتحققوا من حساباته في التواريخ المقاربة لتاريخ عقد الشقة
بدون إدخال أي طرف حتى هوا نفسه مش هيعرف .. لأن الأمور دي بتتم مع الحفاظ الكامل على السرية التامة ..
الفائدة مش مطالبة بسدادها إقتراضه المال من البنك كان خطئه لا تتحمليه أنتِ وتدفعي قيمة إختياره الخاطئ

مش محتاجة تقلقي خالص من موضوع معرفته بالهجرة .. سافري وأكملي إجراءات الهجرة عادي
وبعد الحصول على الإقامة الدائمة يجب أن يعرف بمسألة الهجرة ويعرف البلد الذي ستعيش فيه إبنته
ويمكن من زيارتها دا حقه بالطبع ولكن تحت حماية القانون لكِ