الفرامل و التارة بتترعش جامد وانا بهدي

**Ahmed_Khaled97** · 11-09-2016 10:20 AM

السلام عليكم

انا معايا كورولا 93 و اما العربية بتعدي ال 80 و اجي اهدي التارة و الفرامل بتترعش جامد تحس كأن فايبريشن في ايدك عالتارة و رجلك عالفرامل برده و المشكلة مستمرة بقالها فاترة كبية و روحت للميكانيكي و غير تيل الفرامل و برده نفس المشكلة و مش عارف الحل بصراحة

**zastaffa** · 11-09-2016 02:15 PM

طنابير......أما تخرطها أو تغيرها

**Top.Gear** · 14-09-2016 12:39 PM

طنابير مريجة .. عايزة تتغير او تتخرط

**salam100100** · 14-09-2016 03:21 PM

فالغالب طنابير- والرعشه دى ممكن تحس بيها على السرعات القليله بردو لو مركز اوى فالرعشه هتلاقيها

غير الميكانيكى بردو- مش امانه منه يغير التيل من غير ميبص على الطنابير

**Mohamed Desoky** · 14-09-2016 04:17 PM

الرعشه دى ليها اكتر من سبب 1 الطنابير 2 الجنوط ممكن حد اخد مطب جامد عوج الجنوط 3 ممكن الكاوتش فيه بالونه او مكرش اكشف عليه 4 رمان بلى الصره مبوش ؟ لازم تكشف على كل شئ ولازم تروح لميكانيكى كويس مش شمام او مبرشم لان المخدرات ضيعت الصنايعيه فى كل مهنه وربنا يوفقك ؟

**yossry ezx** · 15-09-2016 09:52 AM

كانت عندي نفس المشكلة و الحمد الله راحت
الوصف عند السراعات فوق 80 مع استخدام الفرامل ينتج رعشة بكل العربية و بتبان اكتر في الطارة
دي باختصار الطنبور مموج و التيل لما بيقف على الطنبور بيعمل كان موجات متكررة بس سريعة و بتسمع في جسم العربية كله
الحل بسيط
1 - تيل فرامل جديد
2 - خرط للطانبير عشان تكون مستوية ( و الاحسن تغير بجديد عشان الخرط مش بيظبطها صح )