معتقدش إن صانعي السيارات بيستخدموا زيوت خاصة لسياراتهم الخارجة من المصنع...
كل الموضوع إنه هيستخدم أخف درجة لزوجة مسموحة في الكتالوج (حسب جهة الشحن).. علشان غالبا العربية بتبقى واقفة فترة طويلة والزيت راقد.. وفي الحالة دي بنبقى محتاجين زيت يوصل بسرعة لكل أجزاء الموتور...
ده مبدأيا...
ممكن يستخدم زيت فيه خواص تنظيف عالية علشان إزالة الرايش بتاع التليين... بس معتقدش يكون ده شيء مهم ﻹن الزيت بطبيعته بيعمل الشيء ده... بس اللزوجة الخفيفة بتساعد على سرعة إزالة الرايش.
معتقدش إن الزيت بتاع الفابريكة محتاج خواص أكتر من كده... وفكرة تنزيله على مسافة قصيرة (1000 كيلومتر) هي لمجرد إزالة رايش التليين.. ﻹن استمرار وجوده بيعمل تآكل زايد.
على فكرة... موضوع تغيير الزيت على 1000 كيلومتر بعد التليين ماهواش قاعدة إطلاقا...
وأنا شخصيا لما اشتريت العربية من التوكيل في السعودية لقيت الموظف اللي بيسلمني بيقول: أول تغيير زيت بعد 5000 كيلومتر !!!
طبعا استغربت جدا... بس لما ركبت العربية أخدت بالي من استكر صغير من المصنع ملزوق على البربريز ومكتوب عليه "first service 5000 km"
طيب مين الفيصل هنا؟؟؟؟
طبعا الإجابة المعتادة اللي بجاوب بيها باستمرار... الكتالوج.
جدول صيانة العربية في أوقات كتير بيوضح إمتى تعمل أول صيانة. .. وممكن كمان يبقى في توصية بره الكتالوج زي ما حصل معايا مثلا.
علشان كده بأؤكد دايما إن لو اشتريت عربية عالزيرو.. ففرصتك في الحفاظ عليها أكبر بكتير من فرصو اللي بيشتري عربية مستعملة.. ﻹن معاك دليل يقوللك إزاي تعامل عربيتك وتحاقظ عليها ﻷطول فترة ممكنة.
أما لو العربية متخزنة (موديل السنة اللي فاتت أو اللي قبلها مثلا) ... فهنا مؤكد إن زيت الفبريكا لازم يتغير فورا حتى قبل ما تمشي 30 كيلو.. ﻹنه فقد صلاحيته خلاص.
كلام من ذهب ومنطقي جدًا وفيه خلاصة القول كل عام وحضرتك بكل خير
المفضلات