الموضوع: مشكلة سير التقسيمة و توابعها

السلام عليكم
اخوكم لسا جديد في عالم السيارات و خبرتي على قدي
وليا الشرف اني اكون عضو في الموقع الي فادني انا وناس كتير
وحصلت معايا مشكلة و عاوز اخد ارائكم
اولا عربيتي دايو ( ماتيز 99 )
الصراحة جميلة و مافيش مشكلة محددة منها عكس الي سمعته عنها
حصل ان سير التقسيمة اتقطع مني قريب و بسبب المكانيكي الله يجازيه خير
لما جبتله السير الجديد قالي رجعه الي عندك كويس مع العلم اني غيرته من 11 الف كيلو بس لما اشتريت العربية
المهم قبل ميقطع كنت ماشي 140 و راحت العربية فصلت مرة واحدة من خضتي شيلت المفتاح من الكونتاك و مورت و حولت احضن على جمب
بعد معاناه و بعد تركيب السير الجديد العربية مادرتش قالي لازم تيجبها الورشة
بعد مودتها باظ فيها طقم صبابات التعوج و تحديدا 6 صبابات لانها 3 سلندر
المهم جاب جديد كوري و ركبهم عند خراط و جاب جوان وش سلندر و نضف الوش نفسه و فتح الكوستبينات
عشان العربية ميكونش فيها عزم زيادة عليهم لحد متلين
المهم بعد مقفل شغله و قفل غطاء التيكهات بسليكون مش جوان و دارت العربية
طلع معايا و هو سايقها و جاب 120 مع العلم انها المفروض تلين عشان الاجزاء الجديدة تطبع
المهم اخدت منه العربية و حاسيبته و طبعا خد فلوسه كاملة و مشالش غير 50 جنيه بس من مصنعيته
و دفعت انا كل حاجة مع انه هو سبب الموضوع اصلا
دلوقت بقا العربية مشيت بيها يوم و التاني و دورتها يوم تاني من غير متتحرك
و دلوقت بقت بطلع دخان كتيرررررر جدا زي عربية رش الناموس بنفس الريحة تقريبا
و مافيش طحينة زيت و لا قربة الماية فيها مشكلة ... دخان ابيض كتير و مش لاقيله سبب
اتمنى حد يفيدني و يقولي المشكلة ايه بالظبط ؟
اسف لو طولت عليكم

روح لميكانيكى تانى