مشكلة فى كوعة المية اللى فوق سير التقسيمة

**amirock** · 09-03-2014 03:16 PM

السلام عليكم
يا جماعة الاسبوع اللى فات عملت دورة تبريد و غيرت مية الحنفية بمية خضرا و الصراحة العربية نزلت المية زى الزفت و كلها صدى اول امبارح لقيت الكوعة الالمونيوم اللى فوق سير التقسيمة فيها صدى برضة و المية بتنقص .
رحت للميكانيكى قاللى عايزة تتغير المهم و هو لسة بيغير فيها قاللى مش حينفع تتغير غير لما احل وش السلندر لان فيها مسمار اللى بيربط فى الوش مش بيحل فلازم يحل الوش و يودية عند الخراط.
كنت عايز اعرف الكلام دة مظبوط و لا اية و لو صح الموضوع ده يتكلف فى حدود كام
و شكرا

**amirock** · 09-03-2014 05:31 PM

اية يا جماعة الصحراء دية

**popahly** · 09-03-2014 06:17 PM

انت تقصد الكوعة اللى عليها دايرة حمرا دى؟؟؟

لو الإجابة اه يبقى الراجل دا بيعمل شغل من أولها... ايه اللى يخليه يحل وش السلندر علشان خاطر كوعة المياه، دى ملهاش دعوة بحل وش خالص، هى الناس جرالها ايه ؟؟؟ عاوزين فلوس بأى شكل وخلاص مش مهم حلال ولا حرام... لا حول ولا قوة الا بالله..

لو العيب فى الكوعة اللى فى الصورة دى الموضوع مش محتاج حل وش سلندر ولا حاجة... وبعدين اكبس دورة التبريد الاول ممكن يكون العيب من مكان تانى برضوا وتقعد تحل وتربط وتغير...

ربنا معاك

**gergeslotfy** · 09-03-2014 06:27 PM

على حد علمى وطبقا لكتالوج العربيه مش ممكن تقدر تحلها بدون ما تفك منطقة الكتينة

**محمد العقابي** · 09-03-2014 06:46 PM

يا باشا انا مغيرها بنفسي هي مسمارين وشكرا وتقريبا الراجل دوة بوظ مخ المسمار ولازم بقي تروح لخراط وتشوف حل او تحاول انت تفكه بنفسك ببيبه محترمه متكونشي فيها بوش ومحكومه علي راس المسمار كويس .

**مصطفى-حسن** · 09-03-2014 06:53 PM

المشاركة الأصلية كتبت بواسطة amirock

المهم و هو لسة بيغير فيها قاللى مش حينفع تتغير غير لما احل وش السلندر لان فيها مسمار اللى بيربط فى الوش مش بيحل فلازم يحل الوش و يودية عند الخراط.

لو انت شفت بعينك ان المسمار دة راسة متاكلة يبقى الحم فية مسمار تانى ويتفك عادى من غير ما تحل الوش

لكن لو انت مشفتش المسمار اللى متاكل دة يبقى روح لميكانيكى تانى وقولة عايز اغير كوعة الترموستات ولو قالك موضوع المسمار اللى متاكل يبقى الكلام صح

عشن منظلمش الراجل بس

**amirock** · 09-03-2014 07:27 PM

ايوة يا باشا هى دية فعلا اللى عليها الداير الحمرا .
و الميكانيكى قاللى انة حل مسمار منهم و التانى لما جه يحلة لقاه حقطم معاه فمرضاش يحل و قام مكلمنى و قاللى انه ممكن يقطم و يدخلنا فى فيلم خراط و ما خراط و حتعدى ال350 جنيه تكلفة قلتة وقف لغاية لما اشوف حعمل اية

**ramyraby** · 11-03-2014 09:36 AM

معلش يا بشوات اصل عندي نفس الموضوع ان الكوعة دي بتجيب مياة لان الزور الي راكب فية الخرطووم صدي وانكسر منة جزء هي الكوعة دي اسمها اية وبكام تقريبا وهل تحتاج تغير طلمبة المياة معاها ولا بعيدة عنها ؟؟