الموضوع: سؤال بخصوص دفع باقي أقساط العربية دفعة... واحدة ارجو المساعدة

العربية سعرها 234.000 دفعت مقدم 117.000 وباقى 117.000 و الفائدة 11.700 فى السنة وهقسط على 3 سنين يعنى مجموع المبلغ المتبقى بالفائدة 152.000 بقسط شهرى 4200 جنية

دلوقتى لو بعد سنة حبيت اسدد باقى مبلغ العربية مرة واحدة المفروض ادفع كام ؟ انا لما سألت المعرض مفهمتش اوى هو قالى هدفع غرامة 3 % بس مش عارف 3% من اية ... ياريت لو حد يحسبهالى ويقولى كام

الفكرة ان انا هاتجيلى فلوس كمان سنة تقريبا إن شاء الله هاقدر اسدد باقى المبلغ بس عامل القسط 3 سنين عشان اقدر ادفعة

اول سنة هاتدفع فيها نصف فائدة المبلغ كامل بالاضافة ل 3% من المبلغ الكلي مصاريف ادارية
وبالتالي الفائدة عندك كلها 35 الف
هتدفع منها 17.5 الف بالاضافة ل 3% من المبلغ اللي هو 117 يبقى تقريبا 3الاف وكسر
يبقى كده تقريبا 21 الف
انت في اول سنة هتدفع 12 قسط في 4200
يعني 50400
من 117الف
يتبقى 66600 بالاضافة ل 21 الف اللي اتحسبو فولئد ومصاريف
يبقى هتكيش تقريبا ب 87600
بس كل ده متوقف على البنك ونوع القرض
لان في واحد صاحبي كيش عربية قبل كده من بنك عودة بعد سنة
دفع تقريبا كل المبلغ اللي كان فاضل عليه بعد المقدم
فتقريبا كل اللي دفعه خسرو في الفائدة والمصاريف الادارية
بس كان تعاملات اسلامية
لكن الحسبه دي بتجربتي الشخصية مع بنك ناصر الاجتماعي