الرجاء الافاده لسخونة الموتور ونقص المياه بعربيتي

**sayedvet** · 16-09-2016 03:46 PM

يا جماعه الخير واصحاب الخبره الفنيه افيدوني من فضلكم
اول يوم في عيد الفطر العربيه سخنت خالص لدرجة انها طلعت بخار مياه شديد من القربه ولما روحت التوكيل طمنوني أن الجوان سليم وبردو قالولي أن العربيه سليمه ومفهاش اي مشكله تخليها تعمل كده وجايز تكون فيه حاجه علقت خلتها تسخن كده
ومن يومها العربيه متلخبطه خالص شويه تنقص للمياه في القربه وشويه تكون مظبوطه واحيانا كتير مؤشر الحراره بينزل تحت النص بعد ما العربيه تكون سخنت وبقي في النص
روحت الاربعاء الماضي التوكيل عشان اطمن عليها تاني وبردو قالولي مفيش مشكله وموضوع المؤشر ده جائز يكون فيه مشكله في الكهرباء
النهارده ببص علي مياة العربيه في القربه لقيتها قلت خالص ووصلت للحد الادني في القربه ولولا ستر ربنا واني بصيت عليها كانت حصلت كارثه في العربيه
بصراحه انا مش عارف اعمل ايه التوكيل بيقول العربيه تمام و الواقع بيقول أن العربيه فيها مشكله كبيره بتخليها تنقص المياه بالصوره الفظيعه دي والمؤشر كمان فيه مشكله والمشكله دي بقالها اكتر من شهرين
ياريت اللي عنده فكره او نصيحه عن سخونية العربيه يقولهالي لعلها توصلني للمشكله اللي فيها وعلي فكره انا معايا شانجان ايدو

**dvdaio15** · 26-09-2016 12:30 PM

اول حاجه تفحصها تعمل كبس لدوره التبريد يعرفوا تسريب فين
الحاجه تانيه طلام موشر بيزل ويطله يباه ترمستات الكوعه الداخليه بها مشكله احتمال كبير وده سبب سخونه اول مره علقه بعد كده فتحت مش للاخر مخليه العربيه يخصل كده مع ضعط الحراره اى تسريب صعيف مع مشوار ظويل هتلاقيه بنفس الحل زى ما قلتلك تعمل كبس لدوره التبريد

**salam100100** · 26-09-2016 02:18 PM

انا لو مكانك هبتدى بالسهل
1. والعربيه بارده هتاكد من مستوى المياه- هدور العربيه واذودها مياه لو محتاجه- هقفل الغطاء
2. والعربيه واقفه- هستنى لحد مالعربيه تسخن وهتابع:
- هل فى تسريب مياه- بخار مياه بيطلع من حته- مياه تحت العربيه. لازم احدد
- مؤشر الحراره مع المروحه
- المروحه بتشتغل امتى؟ فى معادها ولا متاخر ولا متشتغلش خالص
- لو كله تمام واتحركت بالعربيه ولاخظت انها بتسخن وانت بتجرى غالبا دا جوان

دا اختبار سريع ممكن تعمله وانت تحت البيت والعربيه واقفه
لو فى تسريب نحدد مكانه(خرطوم- رادياتير- غطاء الرادياتير)
لو المروحه بتشتغل وتطفى كدا المروحه تمام- لو بتشتغل متاخر لما العربيه بتسخن- كدا ثيرموستات المروحه محتاج يتغير
مؤشر الحراره: زى ما الزميل الفاضل قال

حاجه على جمب: لازم يتعمل اختبار كبس للمحرك عشان تعرف هل العربيه جابت جوان ولا لا
التخمين مش دليل
ممكن تلاقى فققيع فالميه وبتزيد كل لما تزود بنزين دا دليل ان الغازات بدل متخرج من الشكمان, جزء منها بيهرب ويدخل على المياه ويخليها تتبخر بسرعه وتنقص
لو كله تمام واتحركت بالعربيه ولاخظت انها بتسخن وانت بتجرى غالبا دا جوان او طرمبه مياه