استفسار عن زيت مناسب

**HandsomePirate** · 20-09-2016 07:08 PM

السلام عليكم يا شباب
انا عندي عربية اتراج
الصيانة بتاعت ال1000 كليو التوكيل استخدم زيت توتال
انا مبفهمش الحقيقة في الكلام دا ومحتاج مساعدة من اهل الخبرة
العربية بتمشي قليل جدا يعني بقالها معايا سنة ونص وماشية 9800 كيلو بس
ودلوقتي عايز اروح اعمل صيانة 10 الاف بس عايز احط زيت يكون 5 الاف مش 10 على اساس انه ميفضلش في العربية مدة طويلة يمكن سنة او اكتر !!
ايه رايكم في الفكرة عموما؟
وايه اكتر زيت مناسب؟ وسعره في السوق كام؟
شكرا جزيلا

**tasaka** · 20-09-2016 10:53 PM

العربية بتمشي قليل جدا يعني بقالها معايا سنة ونص وماشية 9800 كيلو بس
ودلوقتي عايز اروح اعمل صيانة 10 الاف بس عايز احط زيت يكون 5 الاف مش 10 على اساس انه ميفضلش في العربية مدة طويلة يمكن سنة او اكتر !!
ايه رايكم في الفكرة عموما؟

انتظر رد من استشارى الزيوت فى المنتدى المهندس بوريو .. ضرورى علشان الجمله بالاحمر دى

مبدئيا تفكيرك ان الزيت بيقعد اكتر من سنه .. ده غلط

**tasaka** · 20-09-2016 11:12 PM

ضع سؤالك فى الموضوع ده

القواعد الذهبية لاختيار زيت العربية.... موسوعة مبسطة لأساسيات زيوت المحركات

و الافضل لك انك تقرأ هذا الموضوع .. بالكامل

**HandsomePirate** · 21-09-2016 12:13 AM

المشاركة الأصلية كتبت بواسطة tasaka

انتظر رد من استشارى الزيوت فى المنتدى المهندس بوريو .. ضرورى علشان الجمله بالاحمر دى

مبدئيا تفكيرك ان الزيت بيقعد اكتر من سنه .. ده غلط

شكرا
بس انا قصدي انا عشان مش بمشي بالعربية لو حطيت زيت 10 الاف همشي مثلا 8 الاف في سنة فعلا ويمكن اكتر
لو كدا يبقا تفكيري غلط ليه !

**borio1704** · 21-09-2016 01:25 AM

المشاركة الأصلية كتبت بواسطة HandsomePirate

شكرا
بس انا قصدي انا عشان مش بمشي بالعربية لو حطيت زيت 10 الاف همشي مثلا 8 الاف في سنة فعلا ويمكن اكتر
لو كدا يبقا تفكيري غلط ليه !

علشان الزيوت اللي بيسموها 5000 دي زيوت معدنية عمرها لا يتجاوز 6 شهور تشغيل.

وكمان مش كل الزيوت التخليقية (اللي بيسموها 10000) بتقعد مدة سنة... فيه منها زيوت كتير بتقعد 6 شهور بس.

ده غير إن فكرة وضع زيت للموتور من دماغك بدون الرجوع لدليل المالك بتاع العربية هي في حد ذاتها أكبر غلط حضرتك بتعمله في حق عربيتك..

لو عايز تحافظ على عربيتك وعلى فلوسك اللي حطيتها فيها... يبقى تشوف الكتالوج بيقوللك إيه وتعمله.. ﻹن مفيش حد يعرف اللي العربية عايزاه أكتر من اللي صنعها...

ولا بالتجربة... ولا بالآراء... ولا بالفتي... ولا بشغل الفهلوة بتاع المصريين ده.

ادخل على الموضوع اللي زميلنا العزيز tasaka جابلك اللينك بتاعه... فيه خلاصة المعلومات الصحيحة لزيوت المحركات.

ولو لسه الموضوع صعب... صور لنا صفحة مواصفات الزيت من كتالوج العربية... وإن شاء الله نساعدك في الاختيار الصح اللي يناسب العربية ويناسبك.

...