الموضوع: فورد اسكورت ولا فيات تمبرا

المشاركة الأصلية كتبت بواسطة mohamed desoky

السلام عليكم ورحمة الله وبركاته طبعا كل الاخوه الزملاء بيفضله التمبرا لاسباب سهولة الصيانه لانها نفس محرك 128 1100 cc والتمبرا موتورها 1600 cc وقطع الغيار متوفره مش اوى وطبعا الموجود تركى او محلى وكل حاجه غاليه مفيش حاجه فى مصر رخيصه غير الانسان ؟ وفى عيب فى التمبرا زى اى عربيه فيات البارومه واسوء حاجه فى بارومه التمبرا بتمسك فى عضم الشاسيه وبين مفارق لحمات حوض الموتور بلبلدى بتعجز بسرعه وياسلام لو مطب على سرعه الشاسيه بيفتح وبتحتاج زرجين ضم وحجات كتير شوفتها لانى شغلى ميكانيكا وورد عليا كتير من الفيات وزمان نجحت الفيات فى مصر لرخص قطع الغيار بس قطع غيار الفيات عمرها قصير جدا كنا زمان بنغير طقم كهرباء لل 128 ابلاتين وكندنسر 3ج كل شهر وطقم بوجيهات بوش ب3 ج ونص و5ج ميكانيكى وفى نفس الزمن الجميل كان ابلاتين وكندسر الفولكس 12 ج بس ممكن يعيش سنه كامله ؟؟؟؟ الفكره ان كلنا عندنا فكره ان الفيات ناجح فى كل الازمان عايز تتعلم 128 عايز عربيه شقى يبقى 131 عايز شياكه وتكييف وزجاج كهرباء يبقى 132 200 cc دى اسطوره عن الفيات ؟حتى بلدها باعتها للبرازيل حتى الجديد فاشل وغير اعتمادى فى بلدنا وسعر البيع لكل الفيات الحديث واقع جدا ؟ فورد الشركه الاولى فى امريكا ويمكن فى العالم واغلب سيارات امريكا فورد اما الاسكورت صنعت خصيصا لاوربا من عام 97 حتى 99 بمحرك زيتك 1600cc بقوة 95 حصان كربراتير ؟ وبودى قوى يتحمل البروده والبارومه فى اوربا والفورداسكورت زى اى عربيه ليها ميزه وعيوب بس عيوبها فينا احنا الصنايعى المصرى اللى بيتعلم فى الناس مش خبره تعليم فنى او دراسه كلهم بيتعلمه فى عربيات الناس لو اشتغلت حظ حلو ولو خربت يقولك على التوكيل او اى فلم يدارى فشله فيه ؟ الفورد اسكورت ممكن اى واحد يركب سير الكاتينه لوحده مش محتاجه ميكانيكى لان الموتور سهل جدا فى شغله العيب فى الفورد لعب البقر ؟فى دفيرة الكهرباء دى هيا المصيبه اللعب بدون علم فى الكهرباء وقطع الغيار مش غاليا يعنى سير الكاتينه 85 ج بلية الكاتينه التركى 110ج والالمانى 200 ج بس عمرها طويل جدا الاسكورت عربيه انجليزى محترمه مش امريكى ومازالت موجوده فى اوربا بنجاح حتى الان وليها فيدويوهات كتير جدا على اليوتيوب هتعرف الناس ان الاسكورت احسن الف مره من التمبرا ؟

كلام منطقى جدا بدون اى تحيز والأهم إنى اقتنعت بالفورد فعلا

المشاركة الأصلية كتبت بواسطة hadeda

كلام منطقى جدا بدون اى تحيز والأهم إنى اقتنعت بالفورد فعلا

انا عمرى ماركبت الاسكورت لكن اشتغلت فيها شويه ؟العربيات القديمه جدا زى المرسيدس مو 60 او قبل كده حتى الفورد القديم ؟؟؟؟؟؟؟؟؟؟؟اى عربيه المحرك بتاعها لو وقت وبيبوظ حتى بعد مايعمل عمره مره واحده او مرتين المهم فى الاخر الموتور له عمر معين ويترمى فى الزباله لكن اللى بيعيش البودى ؟ البودى هو اللى بيستمر بدليل ان فى عربيات كاديلاك وفورد من الاربعينات والعالم بيشتريها باعلى سعر لسبب واحد فيها رائحة الزمن القديم ؟علشان كده انتى بتشترى بودى جسم قوى خالى من البارومه ؟ لان فى اجزاء من العربيه لايمكن تتغير لانها من اساسات العربيه زى العمود الفقرى لو حصل اصابه او جراحه لا يمكن المريض يرجع سليم العربيه زى الانسان ممكن يغير كلى او كبد لكن مفيش انسان غير هيكل عظمى ؟ احنا المصريين بس بنغير نص عربيه او ربع او شنطه الكلام دى فى مصر بس احنا سباقين فى الفشل ؟ وانتى بتشترى اى عربيه اول كلمه واول بصه على الشكل العام للعربيه السقف وشكل استقامة البودى ؟ يعنى العربيه مفتوله او ملووحه او غيرت نص بيبان من الشكل وبعد كده الحوض يكون سليم مش واخده من الوش والشنط كزالك والقوايم والاهم الارضيه من الداخل ومن تحت العربيه ؟ ودى هيا العربيه السليمه كلها دواخل فابريكه من المصنع حتى تاريخه علشان كده فى اوربا بيحبه العربيات القديمه السليمه لكن الموتور شيل وغير لكن الاساسيات لا تتغير اتمنى من الله انى اكون نورة بصيرتك يمكن لحاجه انتى مش واخد بالك منها وانا اسف انا رغاى شويه استحملنى وربنا يوفقك ؟

المشاركة الأصلية كتبت بواسطة mohamed desoky

انا عمرى ماركبت الاسكورت لكن اشتغلت فيها شويه ؟العربيات القديمه جدا زى المرسيدس مو 60 او قبل كده حتى الفورد القديم ؟؟؟؟؟؟؟؟؟؟؟اى عربيه المحرك بتاعها لو وقت وبيبوظ حتى بعد مايعمل عمره مره واحده او مرتين المهم فى الاخر الموتور له عمر معين ويترمى فى الزباله لكن اللى بيعيش البودى ؟ البودى هو اللى بيستمر بدليل ان فى عربيات كاديلاك وفورد من الاربعينات والعالم بيشتريها باعلى سعر لسبب واحد فيها رائحة الزمن القديم ؟علشان كده انتى بتشترى بودى جسم قوى خالى من البارومه ؟ لان فى اجزاء من العربيه لايمكن تتغير لانها من اساسات العربيه زى العمود الفقرى لو حصل اصابه او جراحه لا يمكن المريض يرجع سليم العربيه زى الانسان ممكن يغير كلى او كبد لكن مفيش انسان غير هيكل عظمى ؟ احنا المصريين بس بنغير نص عربيه او ربع او شنطه الكلام دى فى مصر بس احنا سباقين فى الفشل ؟ وانتى بتشترى اى عربيه اول كلمه واول بصه على الشكل العام للعربيه السقف وشكل استقامة البودى ؟ يعنى العربيه مفتوله او ملووحه او غيرت نص بيبان من الشكل وبعد كده الحوض يكون سليم مش واخده من الوش والشنط كزالك والقوايم والاهم الارضيه من الداخل ومن تحت العربيه ؟ ودى هيا العربيه السليمه كلها دواخل فابريكه من المصنع حتى تاريخه علشان كده فى اوربا بيحبه العربيات القديمه السليمه لكن الموتور شيل وغير لكن الاساسيات لا تتغير اتمنى من الله انى اكون نورة بصيرتك يمكن لحاجه انتى مش واخد بالك منها وانا اسف انا رغاى شويه استحملنى وربنا يوفقك ؟

لأ ماطولتش ولا حاجه كلام ممتاز وزي الفل

المشاركة الأصلية كتبت بواسطة abokoko

بعيد عن موضوع التمبرا و الفورد لكن باسلوب تقييم سيارة غير منتشرة - ايه راي حضرتك فى الفولفو 240 و740 وهما سيارتان كبيرتان فى الحجم و الموتور و العمر - هل سيارة ممكن تشترى حاليا فى ظل التخوف من زيادة البنزين او رفع الضرائب وكمان الصعوبة فى ايجاد حالة جيدة ومتحافظ عليها بسعر غير مبالغ فيه ؟؟ ( معذرة لصاحب الموضوع لكن ربما الرد يكون مفيد له ايضا )

السلام عليكم ورحمة الله وبركاته والله شئ محير جدا ما بين اقوى عربيه سيدان فى التاريخ فولفو ومابين استهلاك البنزين والضريبه خصوصا ان اقل موتور فولفو 4 سلندر 2500cc ودى اصبحت مشكله كبيره فى الضرايب اليوميه اللى بتعملها الدوله على الشعب يارب ارحمنا ؟ زى ماقولت لحضرتك الفولفو صخره متحركه مصفحه فى الشارع واللى عنده فولفو 240 او 740 وغيرهم من الفولفو السويدى قبل ماتروح الصين ؟ عربيه قويه لكن هتتصدم من سعر قطع الغيار و الضريبه لان اتجاه الدوله للسيارات تحت 1600cc ؟ تخيل فى دوله حالها مقلوب زى بلدنا تلاقى عربيات ليها شهره عالميه زى الفولفو والامريكانى وغيره من احسن وافخم السيارات ملهاش سعر فى مصر ؟ وعربيات ملهاش لازمه زى الفيرنا سعرها مستعمل اغلى 3 مرات من الفولفو والبويك والشفر كل ده علشان قطع الغيار متوفره ؟ انا اسف مش هقدر اقولك نصيحه اخاف انى اظلمك بيها الفولفو عربيه ليها كل احترام لكن موتورها كبير وشريحة الضرايب عاليا جدا انا اسف لحضرتك لان الواقع المصرى مر ؟؟؟؟؟؟؟؟؟؟؟؟؟؟؟؟؟؟؟

ابعد عن التمبرا ال 1600 خصوصا مقرفه جدا و كانت مع صحبي باعها بالعافيه و مش تستاهل و مش ركوبه زي الفورد العربيه قد علبه الكبريت

المشاركة الأصلية كتبت بواسطة MADMIDO

ابعد عن التمبرا ال 1600 خصوصا مقرفه جدا و كانت مع صحبي باعها بالعافيه و مش تستاهل و مش ركوبه زي الفورد العربيه قد علبه الكبريت

متابع

التمبرا في منها مكانتين 1600 و دي معفنه و الكل كفران منها و قطع غيارها مولعه و مش موجوده و 1400 مكنه قريبه لمكنه الشاهين و عندك العربيه تحس انها شاهين مطوره بس عيوبها نفس عيوب الشاهين الضيق من جوه الفرش عل قده جايبن حنه فبر مغطين تلت تربع الباب و سايبن حتت من الصاج جوه العربيه متفهمش ليه طبعا ضعف الشاسيه بتاعها و مشاكل الكبالن الايطالي موجوده فيها كالعاده