الموضوع: تصورو ال frv بقيت ب 77500 الف جنية

احنا ناس تستاهل اللى بيجرى فيها علشان قلة من الناس مبتفكرش غير في نفسها و بس

لو حصل مقاطعة من اللى قادر و اللى مش قادر , محدش هيقدر يزود مليم على السعر المعلن
و كلامى ده عام على كل حاجة بتحصل في البلد
و لكن ثقافة الانانية متفشية للاسف في الشعب المصري ... و الكل بيقول يلا نفسي

البافارية مشهورين بالنصب أنا فاكر ال x3 أول مانزلت كانت ب 400 ألف ودلوئتي ب 470 ألف وكل عربيات البي إم بنفس المنظر
إفترى والله !!!!!!!!!

طبعا ده مش منطقى
ولا تستاهل ..... خليهم يشربوا الزيادة
حتى و لو فى اقبال عليها مش معقول ان تكون الزيادة 5000 جم دفعة واحدة فى التوكيل .... مش حتى بالتدريج على فترة زمنية معقولة .... ساعتها حتى تكون اثبتت السيارة كفاءتها فى السوق و الناس تكون مقتنعة فعلا بالزيادة بناء على سمعتها فى السوق .... لكن كدا ... لا منطق لا معقولية ... كانه خطف و جرى

العيب فينا مش في التاجر هوه التاجر الود وده يبيع باضعاف التمن العيب فينا احنا نلاقيه مغلي بردو نجري نشتري ونتهافت وممكن كمان ندفع فلوس لناس عشان تجبلنا السلعه دي من تحت لتحت وبالسعر العالي
احنا يمكن مبنركزش اوي في السلعات التانيه عشان الغلو فيهه مش كتيير على المدى القريب بس كتير على المدى البعيد
انما العربيات دول سفاحين يعني العربيه تغلى 10% من تمنهه في شهر اوشهرين ده ايه ده احنا مش هنود زي ما بيقولو ده احنا لو جيين من شونكونجو مش هيعملو معانه كده
فعلا العيب فينا
اصلي احنا شعب مليان حدقيين وفهلويه وده اللي مكره الناس فينا في كل حته
معلش يا جماعه اصلي الموضوع حرق دمي اوي
وحسبي الله ونعم الوكيل في اي تاجر يغالي في سلعته

انا مش هقول حاجة كفاية ان العربية صيني صيني يجماعة انا نزلت معارض كتير الصيني شكلة تحفة جميل جدا وتفتح الكبوت تحس انو موتور طيارة
لكن خامات زبالة وتقفيل زبالة دة اال حاجة تتقال عليها
احنا بيهمنا الشكل وننسي المضمون
وشششششششششششششششكرا