الموضوع: هل هذا الكلام صحيح؟

المشاركة الأصلية كتبت بواسطة adel_edrees

ماهو بيستورد grand i10 من الهند

استاز عادل انا اتمنى من الله ان بلدى تبقى احسن تزرع الاول تزرع القمح وكل المحاصيل الزراعيه ويبقى فى اكتفاء زاتى للبلد دو اول بند مصر دوله زراعيه مش صناعيه الزراعه ممكن تصنع منها وتعمل اقتصاد قوى من الزراعه فقط مصر دوله زراعيه يابلدى انتى زراعيه وعمرك ما هتبقى صناعيه ؟ الزراعه مستقبل الجيل القادم حرام البناء على الارض الزراعيه دى هبه من عند الله الى يوم القيامه حرام البناء عليها انا مصرى وبحب البلد دى اللى فيها قبر امى وابويه واخوتى الى ان يجمعنى الله بهم ؟ دى بلدى فيها اولادى واتمنى يعيشه مستورين من بعدى ؟نفسى فى حجات كتير لكن اتمنى اشوف البلد دى خضره كلها زراعه ومصانع لتصدير المنتجات المصريه والشعب يرجع يزرع سدقنى مصر هتتغير لو زرعنا اكلنا ؟عيب كبير جدا ان مصر تستورد غزائها من الصين مليار ونص او القمح الروسى واحنا سلة غزاء العالم 90 مليون اغلبهم مهنتهم الزراعه سابه الزراعه وهاجره على القاهره و اشتغل بواب على فواعلى على اى حاجه تجيب فلوس لان الزراعه فى بلده مش هتعيشه حياه كريمه انا قريت كتير فى التاريخ من مصر الفرعونيه الى القبطيه الى الاسلاميه وكله بيقول معنى واحد رفعة هزا الشعب فى الزراعه الزراعه الزراعه انا مصرى وبحب بلدى ؟

المشاركة الأصلية كتبت بواسطة Yehya Badr

كل مكوناتها صنيي من مصنع هيونداي هناك اسمها هيونداي النترا Yuedong

Beijing-Hyundai Elantra Yuedong, 2011 | ChinaAutoWeb

الموقع دا جايب كل صور العربية من جوة و برة و مواصفاتها

بص يا باشا الموتور و الشاسيه غالبا كورى لان الصين بتستورد مواتير و فتيس حتى للماركات الصينى نفسها زى سبيرانزا (جيلى) و بى واى دى و برليانس و غيره
اما الشاسيه ممكن صينى او روسى فى مصنع هيونداى او هندى فى مصنع هيونداى اما بالنسبة لو كان الشايسه صينى ممكن يكون الشاسيه فى مصنع هيونداى او مصنع بى جينج اللى حضرتك ذكرته ممكن يكون اشترى افران الشاسيه و الاسطمبات من هيونداى بس انا بحثت و معرفتش اوصل لحاجة و ممكن يبقى الشاسيه من مصنع هيونداى فى روسيا لان العربية ديه محبوبة جدا فى روسيا و منتشرة جدا هناك و ممكن تكون اتقفلت هناك لان روسيا بتقفل حتى الانترا اايه دى الجديدة للسوق الروسى
المصدر:
https://en.wikipedia.org/wiki/Hyunda...Company#Russia
https://en.wikipedia.org/wiki/Hyundai_Elantra مع الاسف ذكر مصانع الالنترات كلها ما عدا التش دى
مصانع هيونداى :
Manufacturing | Networks | Corporate | Hyundai Worldwide
اما بى جينج جروب الصينية توجد شراكة بينها و بين هيونداى زى غبور كده
خلاصة رأيى:
موتور و فتيس كورى ثمنهم حوالى 40% من ثمن السيارة
تكيف و دينامو كورى
عافشة معظمها كورى
شاسيه صينى من هيونداى او بى جينج الصينية أو شاسيه روسى
كاوتش لاسا تركى
زجاج كراسى فرش شكمان بطارية مصرى
ممكن فرش الابواب و ضفيرة الكهرباء او اجزاء منها و خراطيم ادورة المياه او اجزاء منه و خراطيم الضغط او اجزاء منه ممكن يكونوا مصرى
محرك الالنترا اتش دى لازال يستخدم فى سيارات اخرى من هيونداى و كيا زى الكيا ريو و الاكسنت ار بى
و التجربة ستحكم على جودة التقفيل

والله لو هي صيني يبقي صيني بصيني و غبور يبقي الشيري تيجو انظف منها

المشاركة الأصلية كتبت بواسطة madmido

والله لو هي صيني يبقي صيني بصيني و غبور يبقي الشيري تيجو انظف منها

وهو فى حاجه فى مصر مش صينى ؟؟؟؟؟؟؟؟؟؟؟؟؟

المشاركة الأصلية كتبت بواسطة mohamed desoky

وهو فى حاجه فى مصر مش صينى ؟؟؟؟؟؟؟؟؟؟؟؟؟

في و كتير عندك البروتون ماليزي و تنكولوجيا انجليزي و فتيس متسوبيشي
اللوجان روماني و تكنولوجيا فرنساوي و تجميع مغربي
القصد ان في عربيات كتير مش صيني و الصين برده مش وحشه العيب فينا بنروح نجيب اعفن الحاجات من هناك لدرجه ان قريبي راح يستورد حاجات من الصين اول ما شفوه قالو اي جي و راح مديله الحاجه المعفنه و لما قالع عايز النضيف بص له باستغراب الصنيين بقوا بيشفوا المصري عل طول يدو له الزباله و كانه شحات

المشاركة الأصلية كتبت بواسطة borio1704

أتوقع إن العربية صينية 100% .. بما فيه الموتور والشاسيه..

ما تنساش حضرتك إن الصين أكبر مصنع للسيارات في العالم... والسنة اللي فاتت أنتجو لوحدهم حوالي ربع إنتاج العالم من السيارات...

فمش ممكن إن كمية الإنتاج الغزير ده لسه مش عارفين يصنعوا موتور (بمواصفات كورية)...

واللي يخلي الصين المركز الرئيسي لصناعة الإلكترونيات في العالم بكل ما في الصناعة دي من دقة يخليها تصنع موتور ألومنيوم بردو بكل ما فيه من دقة..

أنا شخصيا اشتغلت في أواخر التسعينات في أحد مصانع الصناعات المغذية (كنا بنورد لجنرال موتورز وسوزوكي).. وكان بيجيلنا أجزاء نقفلها من الصين !!!!


ما تستهونش بأمر بلد جبارة زي الصين... وقريب هتسمع عن ماركات صينية مستوى الجودة بتاعها يضاهي الياباني والألماني...


أما بالنسبة للتقفيل المصري .. فهو كالعادة لازم يكون فيه بعض المكونات المصرية كالتالي:

الفرش .. من تاكي
البطارية.. من النسر أو كلورايد
الزجاج.. من د. جريش
الضفيرة.. من مصنع (مش فاكر اسمه) في مدينة نصر
الكاوتش
الشكمان


بس كده.


...

الموتور و الفتيس مش صينى اكيد و اكيد انتاج هيونداى و اعتقد هيونداى بتصنع المواتير فى 3 دول و هى كوريا و امريكا و الهند و و مش منهم الصين و الصين فى مرحلة كوريا من 30 سنة لكن تطورها اسرع بكتير و زى ما قلت لحضرتك الصين بتجيب مواتير و فتايس يبانى لسيارتها حتى الآن فلو بتعمل مواتير و فتايس كان أولى تحطها فى سيارتها
المصدر:
Manufacturing | Networks | Corporate | Hyundai Worldwide