الموضوع: ما دلالة غمقان لون الزيت؟؟

رد عليك الباشمهندس بوريو مفيش اى كلام بعد كلام العلم والعقل وسيبك من اى كلام تانى ؟

المشاركة الأصلية كتبت بواسطة borio1704

ده دليل على حاجتين...

أولا... الزيت بيقوم بواجبه على أفضل ما يكون من ناحية تنظيف الموتور من الترسبات الكربونية الموجودة داخل الموتور.

ثانيا... حرق البنزين في العربية مش بيتم بصورة صحيحة... واحتمال كبير تكون مشاويرك قصيرة جدا للدرجة اللي تخلي الموتور مش بيلحق يسخن.. ده إذا ما كنتش شايل ثرموستات الكوعة.

مفيش قلق نهائي.. وكمل بالزيت لحد آخر مدته... بس ابقى شوف موضوع حرق البنزين ده لو عندك مشكلة..


بالنسبة لمستوى الزيت... فلو النص سنتي الزيادة ده يكافئ 10-20% من إجمالي المسافة بين العلامتين بتوع الmin والmax على مقاس الزيت يبقى إن شاء الله مفيش مشاكل... بس الأفضل تنزل الزيادة....

أما لو كانت أكتر.. فيبقى ﻻزم تنزل الزيادة فورا..

مثلا... لو المسافة بين العلامتين 2 سم.. يبقى النص سنتي تكافئ حوالي 25%.. يبقى كده ﻻزم تنزل الزيادة..

أما لو المسافة أكتر .. 4 سم مثلا.. يبقى معندكش مشكلة.


وعموما... المفروض المقاس الصح هو أقل من علامة max وأعلى من علامة min.

ادخل هنا لمعلومات أكتر عن مستوى الزيت
http://www.nilemotors.net/nile/34168...post3876088621

وهنا لمعلومات عن شروط تغيير الزيت
http://www.nilemotors.net/nile/490076-a.html


...

أولاً مليون شكر يا هندسة علي ردك الوافي
ثانياً انا ثرموستات الكوعة مش شايلها والعربية بتسخن عادي للنص وتثبت مشاويري مش كبيرة بس مش لدرجة ان العربية بتتطفي باردة لا بتكون وصلت للنص ومن فترة
بس ليا سؤال تاني
في دوارة الصبح اول دوارة بعد الركنة بسمع صوت تخبيط خفيف او تكتكه لمدة ثانيتين بتروح اول ما لمبة الزيت تطفي !! يعني في الثانيتين اللي بعد الدوارة قبل ما لمبة الزيت تطفي تكتكتك
الصوت ده بيقلقني هل ده طبيعي؟؟ بس بعد كده لو طفيت ودورت 100 مرة الصوت ميجيش
انا خايف يكون الصوت ده عشان الموتور بيكون الثانيتين دول ناشف تماما من الزيت وكله متصفي في الكارتيرة ! فهل ده خطر ولا لا ولا إيه السبب؟
واسف علي ازعاجكم