تجربتي مع لمبات tungsram megalight ultra 120%

**Mahmoudtouch** · 29-09-2016 10:34 PM

انا كنت بعاني من مشكله النور و خصوصا علي الطريق السريع علشان بسافر كتير سمعت عن لمبات الفيلبس بانواعها و الاوسرام النايت بريكر و نزلت اشتريهم بس لاقيت التونجسرام هي المتوفره ركبتها و في الاول لاقبت الفرق بسيط و قولت الفلوس راحت في الزباله لحد ما ركبت عليهم كتاوت و ما شاء الله دلوقتي اول مره احس ان عندي نور ادرجه ان الواطي بشوف بيه كويس الحمد لله و العالي بينور مسافه بعيده قوي هو مش في قوه الزينون بس حاسس انها قريبه منها لان نورها ابيض

**bluemail** · 30-09-2016 01:31 AM

مبروك اللمبات ، علي فكره هما المفروض من الاول كانوا ركبوا علي كتاوت علشان دراع النور بيسخن ويسيح لو ركبوا بدون كتاوت
بس مقلتش اسعارهم ايه

**mbx4e** · 30-09-2016 02:21 PM

ولا اسعار ولا المكان منين ولا صور للعلب ولا صور لشكل الاضاءه

**Mahmoudtouch** · 30-09-2016 04:38 PM

هى اللمبات دى المفروض انها تركب من غير كتاوت لأنها 65/55 يعنى الوات بتاعها 55 و ركبتها الاول فعلا من غير كتاوت فى الاول لكن الكهربائى نصحتى بالكتاوت بعد ما لقيت مفيش فرق و لما فكيت اللمبات القديمه كانت 260/200 و من غير كتاوت كانت ولا كأن مفيش نور بس الحمد لله هى اللمبات سعرها 150 و الكهربائى عمل الكتاوت و غير سلوك و فيش و خد 150 بس الفلوس مش مهم متجيش ثمن مطب ممكن تلبسه و انت مش شايف

**Mahmoudtouch** · 30-09-2016 04:51 PM

انا و الله ملحقتش اصور بس اللمبات سعرهم 150 من محل عرفته عن طريق المنتدى هنا من مشاركه الاعضاء اسمه المدينه فى شارع دمشق اللى هناك رجل كبير اسمه مصطفى و محترم قوى الفيلبس قالى مش موجوده و لما تنزل ممكن تبقي ب 300 و كان عنده الاوسرم نايت بريكر ب 220 و كانت 110% و نصحنى بالتونجسرام و قالى انها اقوى لأنها 120% بس مش مشهوره و ارخص لأنها مجرى و الالاوسرم المانى و اخدتها على ضمانته رفم انها ارخص فى السعر و الحمد لله طلعت تمام و صوره العلبه زى اللى فى الرابط ده