الفرق بين التيريوس الخليجى والتوكيل

**for_ever** · 24-12-2008 10:29 AM

المشاركة الأصلية كتبت بواسطة albasha37

الأخ for_ever
يسعدني طبعا ان اساعدك في حدود معرفتي وهناك موضوع عن التريوس يمكنك الاستفاده منه ولكن انصحك ان لا تأخذ بكلام اي احد من حيث المظهر ولا حتى كلامي ولكن طالما انك في السعوديى فيمكنك ان تذهب لتشاهد السيارة بنفسك وتطلب منهم عمل تست درايف وتقود السيارة بأي سرعة كما يحلو لك ويمكنك ايضا الدخول في الرمال انا فعلت ذلك هنا في دبي قبل أن أشتري وأقول لك بالنسبة للنقاط ارقام 1 و 2 و 3 و 4 التي ذكرتها ليس لهم اي اساس من الصحة مقارنة بالكرولا أو النيسان او المتسوبيشي لانسر ولكن طبعا لاتقيس باللاند أو بالانفنتي واي فئة عالية بالنسبة للنقطة رقم 5 وهي انها تفتح بقها بدري فلا استطيع ان اقول لك صح او خطأ لأني مشتريها جديد ولكن مصنع الدايهاتسو هو نفسه مصنع الكورولا والمرآه مثلا في التريوس مكتوب عليها من أسفل كلمة تويوتا وبعدين هي سعرها أغلى من التويوتا فلماذا تكون خاماتها من النوع الردئ على العموم ربنا يوفقك في حسن الاختيار

شكرا اخي العزيز علي ردك
لا يوجد test drive في الوكالة للاسف
سأحاول فحص السيارة جيدا في الوكالة و لو اني ذهبت لهم مرتين و لم اجد السيارة معروضة !!!
يقال هنا ان اسعار السيارات ستنخفض و لا زلت مترقبا. لكن يوجد تكاتف عجيب هنا بين الوكالات لتثبيت الاسعار !!!
و لكن دعوني اسألكم عن احوال السوق في مصر
سمعنا عن انخفاضات تصل الي 15000 جنيه
هل هذا صحيح ؟

**wawamoha** · 25-12-2008 06:21 PM

لا طبعا مش صحيح ....
غالبا ما فيش حاجه رخصت بل عل العكس الاسعار ها تغلى - زي ما بيقولم - لان الين غلي - دي حقيقه .
مش عارف احنا ها نفضل ملطشه كده لحد امتى الدولار يغلى الحاجه تغلى الين يعلى الحاجه تعلى مع ان الين لما بيعلى ده معناه الين بينزل ....
الله - لا - يسامحه اللي كان السبب....

**wawamoha** · 25-12-2008 06:22 PM

اسف اخر سطر تعديله:

مش عارف احنا ها نفضل ملطشه كده لحد امتى الدولار يغلى الحاجه تغلى الين يعلى الحاجه تعلى مع ان الين لما بيعلى ده معناه الدولار بينزل ....

**aboenjy** · 26-12-2008 03:52 PM

رأى واللى يزعل يزعل

علشان نخلص كلام فى موضوع المواصفات الخليجية وألا المصرية،،، أقولها بكل صراحة: المواصفات الخليجية أفضل مليون مرة من المواصفات المصرية فى السيارات؟؟؟؟ ومش عاوز كلام كتير والعيشة فى الأوهام؟؟؟ كل شركات الدنيا وفى جميع المجالات بتنزل مواصفات لمصر غير الخليج،،طبعا علشان معاهم فلوس!! والموضوع دة كل الناس اللى سافرت الخليج أو أوربا عارفاه،، عارفين ان الدنيا كلها بتتعامل معانا على أننا شعب فقير وتعبان ،، أما اللى عايش فى مصر فاكر انها أحسن دولة فى الدنيا؟؟؟؟ وكل اللى فيها أحسن حاجة فى الدنيا؟؟ اصحوا والله انتوا عايشين فى الوهم!!!!غير كدة طبيعة الجو فى الخليج من بيئة صحراوية وارتفاع شديد فى درجة الحرارة يختلف بشدة عن مصر إزاى تكون السيارات المصصمة لتحمل هذا الجو الصعب أقل من سيارات مصر؟؟؟؟؟؟؟
-واحد صاحبى لسة راجع من اجازة فى مصر وكان منزل معاة تويوتا كورولا موديل 2008،،(فل أوبشنز)، والكلام دة كان فى شهر أغسطس اللى فات،، بيحلفلى بالله أن موظفى الجمارك والضباط الموجودين بقوا ينادوا بعض علشان يتفرجو عليها وقال له أحد الموظفين يا باشا أنت جايب حتة سكرة شوف سيارة .....بية(أحد الضباط الواقفين) وهى نفس الموديل وتقفيل مصر بس فرق السماء عن الأرض.

-يا أخى والله الدواء نفسه فية فرق،، فيه دواء انتفاخ للأطفال أمريكى الصنع تجيبة من مصر وتقارنة باللى موجود فى الخليج،، فرق شاسع مع أن الشركة المنتجة واحدة.

ليس هذا تعصبا للخليج على حساب بلدى مصر التى هى أحب إلى قلبى من أى مكان فى الدنيا مهما كان،،، ولكن حبيت أرد على الناس اللى عايشة فى الوهم القديم ومعيشانا معاها ولسة بيكابروا ويضحكوا على نفسهم،،،،واقول لهم أنتوا زى الحاج حسنى فى فيلم الكت كات

- وبعدين مش أى سيارة يقول لكم الوكيل أنها خليجية تكون خليجية،،،، سلامات

**for_ever** · 27-12-2008 11:03 AM

شكرا لكل من ساهم باجابة
تتناقل اخبار شبه مؤكدة بين الناس علي المنتديات هذه الايام بان الاسعار ستنخفض لا محالة بنهاية الربع الاول من العام القادم.
و للاسف طلع علينا من كام يوم احد اعضاء مجلس معلومات السيارات و احد الوكلاء في برنامج العاشرة مساءا معلنين انه يتوقع زيادة في الاسعار !!!!!!!!
حسبنا الله و نعم الوكيل.
كيف بالله عليكم تنخفض في كل الدنيا و ترتفع في مصر.
اليكم المفاجأة التالية
احد المحاسبين في توكيل نيسان قال ان مكسب التوكيل في السيارة يتعدي 20 الف جنيه
و قال احد مراجعي الحسابات ان مكسب توكيل هوندا في السيارة هوندا سيفيك 2008 حوالي 28 الف جنيه صافي بعد الضرائب و الجمارك.

حسبنا الله و نعم الوكيل. اترك التعليق للاخوة المحترمين