أمبير الحرارة

**unixed** · 26-12-2008 04:12 PM

التيريوس الجديدة فيها أمبير حرارة للموتور ولا لأ أنا أعرف ان فيها مؤشر للحرارة الخارجية بس

**aboenjy** · 26-12-2008 05:20 PM

لا يوجد بها عداد للحرارة ولكن توجد لمبة تضىء أخضر عند تشغيل السيارة (السيارة باردة) وبعد قليل تطفى وإذا ارتفعت الحرارة تضىء باللون الأحمر.

-وعلى حسب معلوماتى أن بعض الشركات اتجهت حاليا لإلغاء عداد الحرارة واستبداله بنظام اللمبات الذى فى الأساس يعتمد على حساسات داخلية،،، وهذا النظام معمول به فى التريوس, التيدا, اليارس, الأكسنت،، وبعض موديلات لكزس وتويوتا ذات الدفع الرباعى

**unixed** · 26-12-2008 05:54 PM

أنا حاسيس أن دى حاجة مش كويسة انا بحب طول مانا ماشى أتابع حرارة العربية و امتى بتعلى وتنزل مش عارف لية بس أنا متعود على كدة :)

**madoo** · 27-12-2008 06:10 PM

هى فعلا مفيهاش عداد حرارة , انما يوجد بها لمبه تضئ اخضر فى حاله ان العربيه باردة واحمر لو العربيه سخنت (نفس الحال فى موديلات دايهاتسو زى الماتيريا وتقريبا السيريون كمان)

انا من راى انه سلاح ذو حدين

1_ ان ممكن الواحد يسرح شويه فى الطريق وميتبعش عداد الحراره دة (انا واحد من الناس اللى مش ببص عليه غير لما بكون فى زحمه او الطريق فاضى او بلعب بيها انما لو طريق سريع ولاقدر الله حصل حاجه فى العربيه ممكن الامبير يرفع ومتكونش مخونه ومتخدتش بالك ) انما لو لمبه اكيد هتشوفها على طول اول ما تنور هتاخد بالك اكيد

2_ الحاجه الوحشه انك متعرفش حاله الوسط امته وهلى انت قربت من الريد زوون ولا لا

**unixed** · 27-12-2008 11:10 PM

صح كلامك لان الحرارة ممكن تزيد عن المعدل الطبيعى العربية بسبب مشكلة أبتدت تظهر لكن الحرارة متوصلش لدرجة أن اللمبة تنور وانت ولا على بالك طبعا لكن لو فيها أمير هتاخد بالك أن مستوى الحرارة أعلى من الطبيعى فتبدأ تدور فين المشكلة

**ahmed_wbt** · 28-12-2008 02:21 AM

اللمبه بتنور وتطفى لو الحراره بدأت فى الارتفاع عن المعدل الطبيعى

وبتنور علطول لو الحراره وصلت للخطر وانك لازم تقف وتفصل الموتور

انا جربتها فى الهوندا سيتى كانت معاى حوالى اسبوع وبصراحه الموضوع من رأى احسن بكتير قوى من العداد

ساعتها العربيه كانت فصلت مروحه التبريد وكنت فى فرح ولو كان العداد مكنتش هاخد بالى ابدا من الهيصه لكن وميض اللمبه يلفت النظر جدا