الموضوع: كاسترول إيدج أم آمسيول أفضل لمسافه آمنه أطول من 10,000 كم

المشاركة الأصلية كتبت بواسطة Mohamed Desoky

10W40 الازرق موجود فى شيل الاوربى بس لازم تجيبه من توكيل شيل

المشاركة الأصلية كتبت بواسطة Samah AbdAllah

10w40 في شل تخليقى ؟

شل هيليكس HX7 (الأزرق) بكل درجات لزوجته هي زيوت نصف تخليقية..

Shell Helix Semi Synthetic Motor Oils | Shell Global


بس ده مش معناه إن كل كل الزيوت اللي لزوجتها 10W-40 هي زيوت نصف تخليقية

شل لوحدها عندها لزوجة 10W-40 موجودة بكذا نوع وكذا زيت أساس..

- شل هيليكس HX2... ده زيت الأساس بتاعه مجموعة I
Shell Helix HX2 10W-40 | Shell Global

- شل هيليكس HX5 ... ده زيت الأساس بتاعه مجموعة II

وفيه منه 3 أنواع.. واحد بمستوى أداء SL (زي معظم الزيوت المعدنية ذات الأداء العالي)...
Shell Helix HX5 SL/CF, A2/B2 10W-40 | Shell Global

وفيه منه بردو زيتين بمستوى أداء SN.. وده أعلى من معظم الزيوت المعدنية على مستوى العالم.
Shell Helix HX5 SN 10W-40 | Shell Global
Shell Helix HX5 SN/CF, A3/B3 10W-40 | Shell Global

- شل هيليكس HX7 ... ده نصف تخليقي اللي احنا عارفينه.

وبردو فيه منه 3 أنواع تختلف حسب توافقهم مع مواصفات هيئات الزيوت والصانعين العالميين.
Shell Helix HX7 10W-40 | Shell Global ده بس اللي بينزل مصر
Shell Helix HX7 Diesel 10W-40 | Shell Global
Shell Helix HX7 SN 10W-40 | Shell Global

من الكلام ده نقدر نوصل لاستنتاج مهم..

إن درجة اللزوجة مش مرتبطة ارتباط تام بمستوى الأداء...

يعني عادي جدا إننا نلاقي زيت معدني بمستوى أداء عالي بس غالبا هتكون زيوت من المجموعة 2..

وعادي إننا نلاقي زيوت معدنية بلزوجة خفيفة زي 5W-30 أو 10W-30 مثلا (بس مش أقل من كده)..

وعادي بردو إننا نلاقي زيوت تخليقية بلزوجة عالية زي 20W-50 أو 10W-60.. ودي غالبا بتبقى زيوت من المجموعة 4 أو 5

وعادي بردو إننا نلاقي زيوت تخليقية متقدمة ومستوى أداءها عالي (ممكن تبقى أعلى من أعلى مواصفة حالية للزيوت).. وزيوت تخليقية متخلفة ومستوى أداءها منخفض نسبيا بالمقارنة مع الزيوت التخليقية الموجودة (SL).


ملخص الكلام...

مش زيت الأساس هو اللي بيحدد إذا كان الزيت كويس ولا وحش...

مستوى الأداء المكتوب على العلبة هو الأساس... وأي حاجة تانية زيادة تبقى زيادة في الخير.


...