مشكلة جراج العربية

**uzerat** · 19-10-2016 01:13 AM

مشكلتي اني جبت عربية وزي اي واحد فينا تعبان في حاجتة خايف عليها من السرقة او الخبط وهي واقفة في الشارع وخصوصا اني في منطقة شعبية وخايف من العيال في الشارع حد بيلعب يخبطها او توكتوك كدا يعني

انا عندي محل عايز اركن العربية فيه هو تمام من حيث العرض لكن مشكلتة مرتفع عن الارض بمسافة كبيرة يعني ليه سلم او بسطة كدا لازم تطلع عليها عشان تطلع المحل

دلوقتي ايه العمل عشان اركن العربية في المحل هل في حل اقدر اطلع بيه العربية فوق خصوصا الشارع مش عريض اوي فلو عملت تدرج اسمنتي هياخد كتير من الشارع ودا مش من حقي فايه العمل دلوقتي ؟

**EgyArmy** · 19-10-2016 01:37 AM

عندك حل بس غريب جدا ممكن اقولك عليه
عارف فى معارض العربيات بيبقى فيه مستوى متدرج حديد كدة بس دة بيبقى اتنين و رفيع و بما انك لسه شارى العربيه منصحكش بده عشان لاقدر الله لو طلعت بالعجل الى ادام ممكن تسقط بالعجل الى ورا فأنت حلك تعمل منه بعرض العربيه و اكتر و تطلع و تنزل بيه و لما تخلص تنزل تشيله فى المحل بس المشكله ان وزنه تقيل جدا

**mk3** · 19-10-2016 03:47 AM

تدرج حديد فردتين زى بتاع المعارض
وبتعرف تسوق هتطلعه عادى جدا بس اعدل وشك

**amr011111** · 19-10-2016 08:47 AM

او لو المحل طويل خلى الرامب من جوه المحل

**megaarts** · 19-10-2016 12:07 PM

انا مع رأي استاذ عمرو انك تخلي المنحدر من داخل المحل نفسه لو مساحه المحل كافيه

**A_H_M_A_D** · 20-10-2016 09:28 AM

انا معرفش ظروف المكان عندك ايه . بس لو امكن ان تنزل بمستوى ارضية المحل نفسه لقرب مستوى الشارع ده هايحل المشكلة . ده في حالة انه ينفع من الناحية الانشائية للعمارة

**uzerat** · 21-10-2016 01:45 AM

الف شكر يا جماعة فعلا حيرة كبيرة بالنسبالي اجيب رامب بورتابل ولا اعمل المنزل من داخل المحل وياتري تكلفتة هتكون في حدود كام؟؟؟؟

المشاركة الأصلية كتبت بواسطة a_h_m_a_d

انا معرفش ظروف المكان عندك ايه . بس لو امكن ان تنزل بمستوى ارضية المحل نفسه لقرب مستوى الشارع ده هايحل المشكلة . ده في حالة انه ينفع من الناحية الانشائية للعمارة

هي دي المشكلة هو المحل بلاط انا ممكن اسيب بتاع متر واكسر واعمل المنحدر دا بس هل دا ينفع ولا هلاقي ايه في الارضية تحت البلاط بعد مشيل الرمل هل خرسانة صح ولا هيبقا ايه ؟