الموضوع: اخد هوا للفرامل وال abs

ال ABS عند تركيبه لاول مره بيتاخد منه هوا من المواسير اللى طالعه منه .. ده كلام ميكانيكى كان شغال فى توكيل اسبرانزا

بس برضه موش دى طريقه اخذ الهوا فى ال ABS .. المفروض جهاز بيفتح و يقفل السلونويدات اللى جوه ال ABS علشان الهوا المحبوس جوه يخرج

الجهاز ده موجود فى التوكيل ( على كلام الميكانيكى ده ) .. و بيستعمل عند تغيير دوره زيت الفرامل كامله



المفروض زيت الفرامل يتغير كل سنتين لانه بيفقد خواصه بسبب امتصاص الرطوبه من الجو ( برغم ان الدوره محكمه و سليمه ) .. و ده شيئ طبيعى ملوش حل الا التغيير كل سنتين او اقل



اقرأ الموضوع ده
افضل زيت فرامل Dot4 h او Dot 5.1

شكلك كده محتاج تغير الميكانيكى بتاعك

و خلى بالك مواسير ال abs لو حصل فيها حاجه فى الفك و الرباط علشان اخذ الهوا ممكن تبقى مشكله

المشاركة الأصلية كتبت بواسطة tasaka

ال abs عند تركيبه لاول مره بيتاخد منه هوا من المواسير اللى طالعه منه .. ده كلام ميكانيكى كان شغال فى توكيل اسبرانزا

بس برضه موش دى طريقه اخذ الهوا فى ال abs .. المفروض جهاز بيفتح و يقفل السلونويدات اللى جوه ال abs علشان الهوا المحبوس جوه يخرج

الجهاز ده موجود فى التوكيل ( على كلام الميكانيكى ده ) .. و بيستعمل عند تغيير دوره زيت الفرامل كامله



المفروض زيت الفرامل يتغير كل سنتين لانه بيفقد خواصه بسبب امتصاص الرطوبه من الجو ( برغم ان الدوره محكمه و سليمه ) .. و ده شيئ طبيعى ملوش حل الا التغيير كل سنتين او اقل



اقرأ الموضوع ده
افضل زيت فرامل dot4 h او dot 5.1

شكرا علي ردك السريع
المشكلة اني في الصعيد ومحدش عنده الجهاز دة ممكن يبقي ايه العمل

المشاركة الأصلية كتبت بواسطة م/أحمد عبد الفتاح

بالإضافة للكلام السابق - إكشف على الأربع مساتر الصغيرين إللى عالعجل
بالنسبة للأستاذ tasaka موضوع اخدان الهوا كتير - لسه امبارح واحد صاحبى كان عنده نفس المشكلة دى من زمان وكان متعايش معاها وبياخد الهوا كل اسبوع تقريباً وزهق من الموضوع ده ونزلنا على الميكانيكى وخليناه كشف على كل المساتر ولقينا ماسترين العجلتين الاماميتين مصديين وتقريبا قافشين بيتحركوا بالعافية فاتغيروا وادينا بنشوف وربنا يسهل.

شكرا ياباشمهندس محمد على اهتمامك الدائم

انا العربيه عندى ماسك فيها الصدأ من قله الاستعمال و القرب من الكورنيش .. ان شاء الله اكشف عليهم ( بس الميكانيكى لو كان لاحظ فيهم حاجه كان قال لى !! ) .. عموما معظم الميكانيكيه لا يؤتمنوا على الدقه فى الشغل

تحياتى و اعزازى و تقديرى

المشاركة الأصلية كتبت بواسطة sameh6

شكرا علي ردك السريع
المشكلة اني في الصعيد ومحدش عنده الجهاز دة ممكن يبقي ايه العمل

النهارده المغرب عديت على مركز قالوا لى ان فيه الجهاز ده بتاع تغيير الدوره و اخذ هوا ال abs

المهم .. قال لى احنا عندنا الجهاز و موش بنستخدمه .. و لا يضمن ان ال abs ممكن تنور اثناء تشغيل الجهاز

طبعا من كلامى مع " المهندس " حسيت انه بعيد عن الهندسه .. و موش فاهم حاجه .. و بيقولى صراحه انه لا يضمن ان لمبه abs ممكن تنور .. يعنى حيخرب الدنيا طبعا



و قبل اى شيئ جرب الاتى :

- طبعا الاول تنفذ اللى قال عليه المهندس احمد عبد الفتاح بخصوص المساتر بتاعه العجل

- غير الزيت بالكامل و خد هوا العجلات .. و شوف الفرامل اخبارها ايه .. لو كله تمام يبقى سيب ال ABS فى حاله

- و ممكن بعد تغيير الزيت الجديد و أخد هوا العجلات .. اديها كام فرمله خطر لغايه ما تشغل ال ABS و هو حيطلع الهوا اللى جواه ان شاء الله ( بس خلى بالك .. الهوا حيكون لسه محبوس فى دوره الفرامل )

- و بعد ال ABS ما يشتغل .. خذ هوا الدوره على طول من العجل تانى

- لو كله تمام و الفرامل بقت كويسه .. يبقى انت اتجنبت انك تلعب فى ال ABS و اخذت الهوا منه بطريقه طبيعيه




فنصيحتى ليك :

- لو لسه الفرامل موش كويسه ..

- يا اما التوكيل .. او ميكانيكى توكيل يأخذ لك الهوا بالراحه و بحذر شويه او تشوف رأيه ايه ( لو خايف يلعب فى ال abs )

- يا تسيب abs فى حاله .. و المفروض هو لما يشتغل حيطلع الهوا بتاعه بره ( بس موش متأكد من المعلومه دى )

القرار ليك .. بس رأيى خذ بالرأى الاحوط ..




بالتوفيق

ده فيديو عربى للزميل عصام غنايم ( تغيير زيت الفرامل )

https://www.youtube.com/watch?v=GpiymwGJmd8

المشاركة الأصلية كتبت بواسطة sameh6

شباب المنتدي الاعزاء عندي مشكله في اسبيرانزا a113 من فترة الفرامل وطيت شويه رحت للميكانيكي واخدت هوا للاربع فرد عليت فترة ورجعت تاني

على حد علمى و فهمى الاتى :

- موش مهم بدال الفرامل واطى او عالى .. المهم هل الفرامل قويه ام لا ؟ ( بغض النظر عن ارتفاع البدال .. لو الفرامل قويه يبقى كل شيئ تمام

- اللى اعرفه ان تيل الفرامل ورا بيعيش فتره طويله اكتر بكتير من تيل قدام .. و مع الوقت التيل الخلفى بيتأكل شويه ( بس بيكون لسه سليم ) .. و ده هو اللى بيخلى بدال الفرامل يوطى علشان التيل الخلفى تآكل شويه ..

فيه ناس بتترجلش فرمله اليد علشان التيل الخلفى المتأكل ده علشان ترفع بدال الفرامل تانى .. وفيه ناس ما بتلعبش فى رجلاش فرامل اليد و بتسيب البدال واطى

الخلاصه موش مهم البدال يوطى ام لا .. المهم هل الفرامل قويه برغم البدال الواطى ام لا

قاللي كده الماستر العمومي عاوز يتغير بعد ماغيرته مفيش تحسن

على حد علمى .. الماستر العمومى ليه طريقه تختبره بيها

بعد ما تدور العربيه بتدوس فرامل بقوه و تستمر دايس ( و العربيه واقفه بدون مشى )

لو الماستر العمومى سليم .. البدال بيفضل فى نفس المكان و ما بينزلش لتحت مع الوقت مع استمرار الدوسه القويه على الفرامل

لو الماستر العمومى بايظ .. البدال بيبدأ ينزل و يستمر فى النزول مع استمرار الدوسه القويه على الفرامل

و النزول المستمر للبدال مع الدوسه .. ده بيحصل علشان زيت الفرامل بيعدى من جلد الماستر العمومى الى الخلف ( بدلا من ان يظل مكانه و ينضغط )

يعنى كون البدال عندك واطى او عالى ملوش علاقه باختبار الماستر العمومى