سؤال عن شيرى a15

**Mohamed Desoky** · 26-10-2016 12:28 AM

المشاركة الأصلية كتبت بواسطة عماد تامر

اخي محمد اولا متصدقش فرحتي قد ايه باهتمامك وردك على اسئلتي صدقني ده عندي اهم بكتير من تصليح العربيه اني اتعرفت على انسان خدوم زيك ممكن يضيع وقته في قراية اسئلتي ورده عليها الله يعوض تعبك معايا بالخير .
ثانيا ان شاء الله اتابع الصيانه الدورية زي ما انت محدد وها اعتبر المواعيد اللي كاتبها مرجع للصيانة .
انا جربت الحساس وهو خارج البوابه يعني ركبت الفيشة فقط وفتحت الكونتاكت اكتر من مره اكتشفت انه مش بيتحرك وجبت حساس جديد والبياع قالي مفيش مشكلة جربه الاول واكتشفت ان التاني متحركش يبقى كده الكهربا مش واصلة ممكن اعمل ايه هل يوجد فيوز ابص عليه ولا اعمل ايه ؟

كلنا اخوات ياعمده فى حاجه الايدل لازم تحط الفيشه ويكون واخد ارضى او راكب فى مكانه ولو الموضوع دخل فى فيوز ودى مشكلتى الكبيره الكهرباء انا خايب جدا فيها وخلى بالك لازم كهربائى صنيعى وبيشتغل فى الالمانى وياريت يكون عنده كومبيوتر كشف الاعطال لان مكونات كهربة الشيرى بوش المانى زى الجولف بظبط لازم كهربائى او مركز فى مهندس كهرباء لان اى لعب غلط فى كهربة العربيه مشاكله كتير يبقى مركز او مكان محترم فاهم فى الكومبيوتر وانا متابع معاك لحد مانحل المشكله ؟ اما الفيوز انا بصراحه مش عارف انهى واحد هل فى العلبه الداخليه فى الصالون تحت رجل السائق او اللى فى الموتور بعد البطاريه انا مش عارف ؟

**عماد تامر** · 26-10-2016 12:58 AM

الله يديم المحبه بين الاخوه ، مفيش عندنا في الصعيد مراكز خدمة يوجد فقط اما بالنسبة للميكانيكية والكهربائية لايوجد متخصص في الجولف وقليل جدا اللي بيشتغل في الالماني علشان كده باحاول اسأل انا واعمل اللي بعرفة بحرص علشان ماديش العربية لحد يجرب فيها ، معلش استحملني علشان حاسس انك انت اللي هاتساعدني

**Mohamed Desoky** · 26-10-2016 01:15 AM

المشاركة الأصلية كتبت بواسطة عماد تامر

الله يديم المحبه بين الاخوه ، مفيش عندنا في الصعيد مراكز خدمة يوجد فقط اما بالنسبة للميكانيكية والكهربائية لايوجد متخصص في الجولف وقليل جدا اللي بيشتغل في الالماني علشان كده باحاول اسأل انا واعمل اللي بعرفة بحرص علشان ماديش العربية لحد يجرب فيها ، معلش استحملني علشان حاسس انك انت اللي هاتساعدني

سدقنى انا عايز اساعدك على اد معلوماتى وانا فاضى على المعاش المبكر بنقى رز واقشر بطاطس ؟ انا مقتنع ان العيب فى الايدل مش فى الكهرباء واحسن حل تشوف حد عنده الشيرى a11اوa15 الموتور واحد وتحاول تاخد الايدل وتجرب لانى مش مقتنع ان العربيه هتدور بدون كهرباء وانا انشاء الله هجرب اشيل فيشة الايدل وادور واشوف ؟ بس اكيد فى كهرباء واصله فى الفيشه مفيش عندك افوميتر تجرب وتشوف فى كهرباء وصله حاول كده وربنا يسهل ونوصل للعيب ؟

**tasaka** · 26-10-2016 01:30 AM

لو الفكره واحده لكل العربيات ( يابانى امريكى .... الخ )

يبقى على قدر فهمى .. انه بيشتغل لما تكون العربيه دايره سلانسيه فقط

لان فيه مجرى بدايتها قبل البوابه و نهايتها بعد البوابه من الناحيه التانيه .. و الحساس ده بيكون وضعه الطبيعى انه يكون قافل المجرى دى

اول ما العربيه تبقى سلانسيه ( يعنى البوابه مقفوله .. يعنى مفيش مرور هوا كافى ) .. يبدأ الحساس ده يتشفط .. و بالتالى يفتح المجرى .. و بالتالى يمر الهوا من قبل البوابه الى بعد البوابه علشان العربيه تفضل دايره سلانسيه

انا ده قدر فهمى للموضوع .. ارجو التصحيح لو خطأ

**عماد تامر** · 26-10-2016 02:09 AM

هههههههه ربنا يديك الصحة ويزود الروز والبطاطس انا عندي افوميتر لكن الفيشة فيها 4 اطراف مش عارف فين الكهربا وفين الارضي على فكره انا عملت زي ماقلتلي وخليت جسم الايدل لامس الارض وبرضوا ماتحركش ، العربية دي نادرة جدا في الصعيد ومفيش غير عربية واحده وصاحبها مغير موتور وحاطط جولف ، وانا باكتب الكلام ده قولت اجرب انا لو شلت الفيشة العربية هاتشتغل ولا لا اكتشفت ان العربية اشتغلت وكمان مظبوطه اكتر لكن لمبة الموتور منوره على طول طبعا علشضان الفيشة متشاله ، ايه رايك امشي بكره بيها مشوار صغير واشوف ؟

**tasaka** · 26-10-2016 02:28 AM

دى عربيه ياباتى قديمه و فكرتها مبينه فى الفيديو

https://www.youtube.com/watch?v=7DCTDMDo3JU

**tasaka** · 26-10-2016 02:36 AM

المشاركة الأصلية كتبت بواسطة عماد تامر

هههههههه ربنا يديك الصحة ويزود الروز والبطاطس انا عندي افوميتر لكن الفيشة فيها 4 اطراف مش عارف فين الكهربا وفين الارضي على فكره انا عملت زي ماقلتلي وخليت جسم الايدل لامس الارض وبرضوا ماتحركش ، العربية دي نادرة جدا في الصعيد ومفيش غير عربية واحده وصاحبها مغير موتور وحاطط جولف ، وانا باكتب الكلام ده قولت اجرب انا لو شلت الفيشة العربية هاتشتغل ولا لا اكتشفت ان العربية اشتغلت وكمان مظبوطه اكتر لكن لمبة الموتور منوره على طول طبعا علشضان الفيشة متشاله ، ايه رايك امشي بكره بيها مشوار صغير واشوف ؟

ال ار بى ام كام على السلانسيه ؟

هل عملت اى رجلشه علشان تعلى السلانسيه ؟

**عماد تامر** · 26-10-2016 03:57 AM

المشاركة الأصلية كتبت بواسطة tasaka

ال ار بى ام كام على السلانسيه ؟

هل عملت اى رجلشه علشان تعلى السلانسيه ؟

على ١ وبعد ماتسخن وتمشي شويه بتبقى وهي مش واخده غيار يعني على المور ١.٥
معملتش رجلشه ومعرفش اذاي تتعمل

**tasaka** · 26-10-2016 04:29 AM

المشاركة الأصلية كتبت بواسطة عماد تامر

على ١ وبعد ماتسخن وتمشي شويه بتبقى وهي مش واخده غيار يعني على المور ١.٥
معملتش رجلشه ومعرفش اذاي تتعمل

طب ما هو 1500 لفه على السلانسيه ده موش طبيعى خالص .. و اعتقد كمان 1000 لفه برضه كتير .. المفروض فى حدود 750 او 800 بالكتير لمعظم العربيات

الاستاذ محمد الدسوقى يقدر يقول لك الطبيعى بتاعها كام

اعتقد علشان كده لما شلت الفيشه العربيه لم تتأثر على السلانسيه .. لانها عاليه اصلا ( يعنى البوابه مفتوحه ) .. يعنى الهوا بيمر من البوابه و موش محتاج المجرى بتاعه الايدل

عموما انا ما اعرفش الفورد .. و لكن شرحت الفكره بتاعه اليابانى القديم اللى اعرفها ( و قلت لك لو كل العربيات نفس الفكره .. يبقى الفكره تنطبق على عربيتك كمان )

**عماد تامر** · 26-10-2016 12:05 PM

المشاركة الأصلية كتبت بواسطة tasaka

طب ما هو 1500 لفه على السلانسيه ده موش طبيعى خالص .. و اعتقد كمان 1000 لفه برضه كتير .. المفروض فى حدود 750 او 800 بالكتير لمعظم العربيات

الاستاذ محمد الدسوقى يقدر يقول لك الطبيعى بتاعها كام

اعتقد علشان كده لما شلت الفيشه العربيه لم تتأثر على السلانسيه .. لانها عاليه اصلا ( يعنى البوابه مفتوحه ) .. يعنى الهوا بيمر من البوابه و موش محتاج المجرى بتاعه الايدل

عموما انا ما اعرفش الفورد .. و لكن شرحت الفكره بتاعه اليابانى القديم اللى اعرفها ( و قلت لك لو كل العربيات نفس الفكره .. يبقى الفكره تنطبق على عربيتك كمان )

فعلا معدل اللفات كده زياده وهي دي المشكلة واوصفلك المشكلة من البداية بالتفصيل
انا كنت لما باشغل العربية بيكون rpm اقل من 1 وده طبيعي وبعد ما امشي 5 دقائق واقف من غير ما ابطل العربيه بيكون rpm على واحد من غير ما ادوس بنزين وده طبعا عالي لكن لو بطلت العربية وشغلتها تاني بيبقى rpm اقل من 1 وسيتمر مظبوط حتى لو وقفت وده كان بيحصل في كل مره فقلت ان حساس الأيدل محتاج تنظيف، فكيت الأيدل والبوابة والعمه وفلتر الهوا وتم التنظيف والتركيب وكانت النتيجة كالآتي
ان العربية من اول ما بتدور بيكون الـ rpm على رقم 1 ويستمر على هذا المستوى على طول حتى لو بطلت وشغلت تاني وكده العربية بقت اعلى من الاول ، ده كان في مشوار لمده 15 دقيقة
وتاني يوم كان الوضع كالتلي
ان العربية من اول ما بتدور بيكون الـ rpm على رقم 1 وبعد ماتسخن وامشي 3 دقائق وطبعا اثناء المشي بادوس بنزين لحد 3500 لفة بالاكثر لما بامور العربية وارفع رجلي من على دواسة البنزين يكون عدد اللفات 1500 حتى لو وقفت وحتى لو بطلت العربية وشغلتها تاني في نفس الوقت
لكن لما شلت فيشة الايدل كان في فرق هو ان عدد اللفات بتكون 1000 عند بداية التشغيل وده طبعا كتير لكن لما بتسخن وادوس على البنزين لحدد 3500 لفه بيرجع لـ 1000 فقط مش لـ 1500 زي لما بتكون فيشة الأيدل راكبه
اسف للاطالة لكن علشان اوصفلك المشكلة بالتفصيل