الموضوع: سؤال عن شيرى a15

المشاركة الأصلية كتبت بواسطة tasaka

طب ما هو 1500 لفه على السلانسيه ده موش طبيعى خالص .. و اعتقد كمان 1000 لفه برضه كتير .. المفروض فى حدود 750 او 800 بالكتير لمعظم العربيات

الاستاذ محمد الدسوقى يقدر يقول لك الطبيعى بتاعها كام

اعتقد علشان كده لما شلت الفيشه العربيه لم تتأثر على السلانسيه .. لانها عاليه اصلا ( يعنى البوابه مفتوحه ) .. يعنى الهوا بيمر من البوابه و موش محتاج المجرى بتاعه الايدل

عموما انا ما اعرفش الفورد .. و لكن شرحت الفكره بتاعه اليابانى القديم اللى اعرفها ( و قلت لك لو كل العربيات نفس الفكره .. يبقى الفكره تنطبق على عربيتك كمان )

شكرا ياتاسكا انك اشتركت فى الموضوع rbm فى الشيرى فى اول الدواره بيعلى على 1 وبعد كده بينزل اقل من شرطه بعد السخونه وفى حالت تشغيل التكييف بيعلى لحد 1 وده الطبيعى من يوم ماجبتها ؟ اما موضوع التعليه من مسمار الاكسراتير مش هيعمل اى حاجه لان التحكم كله فى الايدل ؟ انا حاولت اوطى منه او اعلى لقيت مفيش منه فايده ؟ اما عند اخويه عماد انا كنت اتمنى انه يكون قريب منى كنت فكيت العربيه كلها وادتهاله لحد مانوصل للعيب ؟

المشاركة الأصلية كتبت بواسطة r g

تحية لكل الاصدقاء و للاستاذ محمد دسوقى خاصة و شكرا لك لمحاولة مساعدة جميع اصدقاء الصفحة و انا من ضمنهم شكرا جزيلا . مرة الميكانيى كان عاوز يعلى ال rpm للعربية و معرفش غير لما يفصل الحساس بانة يشيل الفيشة بتاعتة و ساعتها اللمبة تنور اصفر فى التابلوة و العربية الموتور يرعش و اول ما يرجع فيشة الحساس ال rpm ينزل تحت الواحد بحبة و الموتور يظبط لوحدة حتى لو كان الميكانيكى معلى العربية للاخر و اتمنى اكون فيدتك

شكرا ليك rg فعلا مفيش اى تحكم غير من خلال الايدل والكومبيوتر اللى بيحدد نسبت خلط الهواء مع البنزين من خلال حساس الشكمان وطبعا لما يشيل الفيشه العربيه بتشتغل زى الكربراتير العادى

المشاركة الأصلية كتبت بواسطة عماد تامر

فعلا معدل اللفات كده زياده وهي دي المشكلة واوصفلك المشكلة من البداية بالتفصيل
انا كنت لما باشغل العربية بيكون rpm اقل من 1 وده طبيعي وبعد ما امشي 5 دقائق واقف من غير ما ابطل العربيه بيكون rpm على واحد من غير ما ادوس بنزين وده طبعا عالي لكن لو بطلت العربية وشغلتها تاني بيبقى rpm اقل من 1 وسيتمر مظبوط حتى لو وقفت وده كان بيحصل في كل مره فقلت ان حساس الأيدل محتاج تنظيف، فكيت الأيدل والبوابة والعمه وفلتر الهوا وتم التنظيف والتركيب وكانت النتيجة كالآتي
ان العربية من اول ما بتدور بيكون الـ rpm على رقم 1 ويستمر على هذا المستوى على طول حتى لو بطلت وشغلت تاني وكده العربية بقت اعلى من الاول ، ده كان في مشوار لمده 15 دقيقة
وتاني يوم كان الوضع كالتلي
ان العربية من اول ما بتدور بيكون الـ rpm على رقم 1 وبعد ماتسخن وامشي 3 دقائق وطبعا اثناء المشي بادوس بنزين لحد 3500 لفة بالاكثر لما بامور العربية وارفع رجلي من على دواسة البنزين يكون عدد اللفات 1500 حتى لو وقفت وحتى لو بطلت العربية وشغلتها تاني في نفس الوقت
لكن لما شلت فيشة الايدل كان في فرق هو ان عدد اللفات بتكون 1000 عند بداية التشغيل وده طبعا كتير لكن لما بتسخن وادوس على البنزين لحدد 3500 لفه بيرجع لـ 1000 فقط مش لـ 1500 زي لما بتكون فيشة الأيدل راكبه
اسف للاطالة لكن علشان اوصفلك المشكلة بالتفصيل

عمده حساس الايدل ملهوش فيوز ؟ هو بياخد تعليمات من خلال الكومبيوتر وكل الحساسات كده ؟ الكومبيوتر هو الوحيد اللى متحكم فيهم افضل حاجه ياعماد تحط العربيه على كومبيوتر كاشف الاعطال ؟ والجماعه الروس عاملين كاشف اعطال للشيرى من خلال الموبايل السامسونج بيجيبه فيشه ويوصلوها للبطاريه ويشغل البلوتوث ؟ انا مش فاهم الكلام الروسى بس هما شطار ودماغهم نظيفه حاول تدخل على الموقع بتاعهم اكيد هتلاقى حل وربنا يسهل ؟ بس انتى محتاج ايدل تجرب بيه ويكون شغال من عربيه لعربيتك او تحطها على كاشف اعطال لان كده فى مشكله فى البوابه واكيد هو الايدل سبب المشكله يارب نوصل لحل ؟

يعني ممكن اجرب اشيل الفيشة وامشي بيها شويه وبعدين اركبها تاني ؟

المشاركة الأصلية كتبت بواسطة عماد تامر

يعني ممكن اجرب اشيل الفيشة وامشي بيها شويه وبعدين اركبها تاني ؟

لو عملت كده العربيه هتاكل منك بنزين كتير جدا لان الكومبيوتر مش هينظم استهلاك البنزين انتى سيبها زى ماهيا لحد ماتشوف حد معه نفس الشيرى وخد منه الايدل جرب بيه وربنا يسهل ؟

المشاركة الأصلية كتبت بواسطة mohamed desoky

عمده حساس الايدل ملهوش فيوز ؟ هو بياخد تعليمات من خلال الكومبيوتر وكل الحساسات كده ؟ الكومبيوتر هو الوحيد اللى متحكم فيهم افضل حاجه ياعماد تحط العربيه على كومبيوتر كاشف الاعطال ؟ والجماعه الروس عاملين كاشف اعطال للشيرى من خلال الموبايل السامسونج بيجيبه فيشه ويوصلوها للبطاريه ويشغل البلوتوث ؟ انا مش فاهم الكلام الروسى بس هما شطار ودماغهم نظيفه حاول تدخل على الموقع بتاعهم اكيد هتلاقى حل وربنا يسهل ؟ بس انتى محتاج ايدل تجرب بيه ويكون شغال من عربيه لعربيتك او تحطها على كاشف اعطال لان كده فى مشكله فى البوابه واكيد هو الايدل سبب المشكله يارب نوصل لحل ؟

كشف الكمبيوتر للشيرى بيشترك معها كابل الشاهين فممكن تسال عن كابل الشاهين اتنين طرف

المشاركة الأصلية كتبت بواسطة r g

كشف الكمبيوتر للشيرى بيشترك معها كابل الشاهين فممكن تسال عن كابل الشاهين اتنين طرف

تسلم ايدك على المعلومه الجميله دى لانى عبيط جدا فى شغل الكهرباء ربنا يكرمك ؟

المشاركة الأصلية كتبت بواسطة r g

كشف الكمبيوتر للشيرى بيشترك معها كابل الشاهين فممكن تسال عن كابل الشاهين اتنين طرف

فعلا المعلومة صحيحة لكن الكابل ده نادر شويه عموما ها اكشف على العربيه بالكمبيوتر لكن البعض قالي ان الكمبيوتر بيكشف عطل في حساس معين وبعد تغيره بيطلع العيب مش من الحساس نفسه هل الكلام ده صحيح ؟ كام تكلفة كشف الكمبيوتر ؟