الموضوع: تغيير زيت الفتيس الأوتوماتيك لانسر بومه كما تنص الشركه

طيب التكلفة كام تقريبا والمفروض كل كام الف تغيير زيت الفتيس

الديكسرون 2 ( موبيل 220 ) لزوجته من 7.7 الى 7 .. و زيت الاساس تقليدى ( موش تصنيعى ؟) .. ده ما بتكلمش خالص عن Friction Modifier .. يعنى مفيش اهتمام بيها فى التصميم حتى لو موجوده .. برضه موجه لمجموعه من الفتيسات زى موبيل 320 و لكن بتنوع اكبر شويه


الديكسرون 3 ( موبيل 320 ) لزوجته هى 8.2 .. غير مذكور شيئ عن نوعيه زيت الاساس .. فيه Friction Modifier و لكن مناسبه للفتيسات المستهدفه و هى حسب الداتا شيت ZF و MAN
ZF TE-ML 14A, 04D, 17C, 03D
MAN 339 Typ Z-1 / 339 Typ V-1


الخلاصه الموبيل 220 و 320 .. لم يأخذ Approval لفتيس اسيوى زى Aisin اللى هى بتعمل فتايس اليابانى و الكورى



ال SP 3 لزوجته 7 .. و زيت الاساس تصنيعى .. و اكيد ال Friction Modifier و الاضافات متوافقه مع مواد الفتيسات الاسيويه .. و طبعا ليها موافقه ميتسوبيشى و هونداى و كيا

ال Friction Modifier و اللزوجه الخفيفه .. دول اللى بيعملوا فرق فى النقل الانعم و نقل العزم الافضل

ولما تحط زيت ديكسرون III في فتيس عايز SP-III هتلاقي سحب العربية أقل والنقلات بتنتش..

الاكيد الاكيد ان اعراض النقل الخشن و النتشه حتكون اوضح

كان معايا ميتسوبيشى جالانت سوبر صالون زمان فى اواخر الثمانينيات .. متقدرش تعرف ان الفتيس نقل الا من عداد ال ار بى ام .. مفيش احساس نهائى بالنقل ..

و كنت متوقع ان ال 620 حتكون كده .. و استغربت اوى من النتش الجامد و الخشونه فى النقل اللى لقيته فى ال 620 ( لانى مكنتش اعرف الفرق بين الديكسرون و ال SP )

وبالتالي عمر الفتيس هيقل... وغالبا هيخرب خالص بعد فترة سنتين تلاتة

اكيد عمر الفتيس حيقل طبعا .. لكن ما اعتقدش يخرب بعد سنتين او ثلاثه

السبب ان الكتالوج عندى بيقول استعمل ديكسرون 3 .. برغم انه موتور و فتيس جالانت .. و لو تفتكر لما قلت لك انى بالصدفه شوفت مكتوب على غطا مقاس الفتيس استعمال SP 3

و العربيات ال 620 ماشيه لغايه الان بالديكسرون 3 ما عطلتش .. ال 620 مع صديق لى من 2007 و عامل حوالى 180 الف كم .. و سفر اسبوعى .. السرعه من 180 الى 200 ثابته .. و الفتيس مفيش فيه اى اعطال او ضعف نهائى ..

بس الشيئ العجيب انى نزلت Service Manual بتاع الفتيس ( بتاع شركه شيرى ) .. وجدت المكتوب فيه هو استعمال ديكسرون 3 !!!!!!! .. انا عارف ان الصينيين عندهم مشكله فى الزيوت و زيوتهم سيئه .. فهل هو كتب ديكسرون 3 مثلا لان مفيش SP 3 .. او لانهم متعاقدين مع موبيل مثلا ؟؟؟؟؟؟؟ .. الله اعلم ..

و لكن كانت مفاجأه لى لانى كنت بافكر اغير ب SP 3 المره الجايه ان شاء الله