حد يقولى افك كراسى البيتلز الى قدام ازاى؟؟

**maraaawan** · 03-12-2008 03:54 AM

مش هاروح لسروجى لما يتنططوا دول حرامية ولاد .............. المهم حد يقولى افك كراسى البيتلز الامامية ازااااااااااااااى حد يقولى

**ahit** · 03-12-2008 12:15 PM

السلام عليكم و رحمة الله و بركاته
أخى العزيز

كل صانعة فيها الكويس و الوحش و كمان الإنسان مش بيتعلم ببلاش للأسف
و يا ريت تدخل على الموضوع دا و تقولنا تجربتك عشان كلنا نستفيد و نقدر كلنا نفيدك
http://www.nilemotors.net/Nile/showthread.php?t=48636
و كمان الموضوع دا فيه سروجى إحنا جربناه و ياريت تطلع على الموضوع و المشاركات
http://www.nilemotors.net/Nile/showthread.php?t=41794
و شكراً

**El.Hossieny** · 03-12-2008 12:55 PM

مروان باشا ..... انا كمان نفسي افك الكراسي بتاعت اصيلة ؟؟؟ و اعمل انا بقي شغل السروجي اللي فيها

**أحمد سالم** · 03-12-2008 11:38 PM

بالنسبة لعربيتى هى برازيلى الكرسى بيتفك بسهوله
انا بدخل العربيه وبقعد على الكرسى واقوم بمع الكرسى للامام فبيطلع من المجرا بتاعته
وهو مافيهوش اى مسامير

**ihab** · 04-12-2008 09:28 AM

بالنسبة للالمانى عندى انا فى عربية موديل 1968 نفس النظام بس الاول فى سوستة من تحت فى النص بتفكها من مكان تثبيتها و بعدين ببتقعد على الكرسى و تطلعه قدام لغاية الاخر حتلاقيه طلع من المجر بتاعته

**ابوهاشم** · 05-12-2008 02:00 PM

انت تقعد على الكنبه اللى ورا وتدوس برجلك على الكرسى الامامى من تحت وتغط عليه بقوه هايتزق ويتخلع من المجرى

**maraaawan** · 06-12-2008 03:53 AM

انا متشكر ليكم جميعا على الاهتمام وسرعه الرد ومشاركة الخبرات وعلى فكرة افضل شئ انك تشتغل فى العربي بنفسك او مع الصنايعى بايدك وماتسبهوش يشتغل لوحدة لانهم بيفتوا ويخربوا الدنيا

**ihab** · 14-04-2009 02:25 PM

يا ترى يا مروان عملت ايه فى الكراسى

**ابوهاشم** · 14-04-2009 07:23 PM

ازيك ياايهاب باشا
حضرتك عامل ايه واحشنى والله
انا عاتب على بعض الاعضاء ملاك البيتلز اللى بيدخلو يتابعو المواضيع
وممكن يطرحو سؤال واحنا نقول راينا ومع الاسف بيستخسرو بعد كده يحكولنا همت تجاربهم مع
السياره بتاعتهم او يقولو هما عملو ايه وانا بناشدهم ياريت كل واحد دايما يكتب هنا فى المنتدى كل تجاربه مع السياره كبيره وصغيره علشان كلنا نستفاد من تجارب بعض
او حتى التعامل مع الصنايعيه واماكن تواجدهم واذا كانو كويسين او حتى مش كويسين برضه هنعرف ونستفاد

**ihab** · 15-04-2009 04:35 PM

ازيك يا استاذ هاشم اخبارك ايه و احشنا كثير و الله
انا متفق معاك تماما فى ان الناس بتسال على حاجة ام مشكلة و لما بتتحل محدش بيقول اللى حصل معاه او حل المشكلة ازاى علشان باقى الاعضاء تستفيد