السلام عليكم يا شباب
المنتدى جميل و ممتاز جدا شكرا للمشرفيين عليه و الاعضاء
ملخص الموضوع اني نويت اشتري عربية عشان اشتغل بيها فى اوبر او كريم
لاني من غير شغل حاليا للاسف
معايا فى حدود 130000
و شوفت الاسعار المجنونة فى السوق
ف انا محتار بين فيرنا مانيوال زيرو عاملة 135000 دلوقت و لا اجيب حاجة كسر زيرو بنفس السعر لقيت رينو لوجان مانيوال
الناس مخوفاني من اللوجان عشان قطع غيارها و صيانتها غالية جدا
و ناس تانية مخوفاني من الفيرنا عشان فراملها ضعيفة و ممكن الزبون بتاع اوبر ما يقبلهاش و يعني مش بريستيج و الكلام دة (ده كلام سواقين ف اوبر )
طيب اعمل ايه يا جماعة ايه رأيكم اجيب ايه علما ان المبلغ ال معايا ده اخري لاني فعلا مستلف جزء منه
تنصحوني بايه فيرنا و لا لوجان و لا حد عنده نوع غيرهم
و ربنا يجازيكم خير
المفضلات