عرض للطباعة
السلام عليكم
نصحنى ناس كتير وانا بشترى عربية استعمال انى ابعد عن العربية اللى بيخرج من فتحة الزيت فى موتورها رذاذ والعربية دايرة
لكن ماحدش فادنى ايه السبب
حاليا العربية اللى معايا بيحصل فيها كدا مع انى مش ملاحظ مشاكل فى اداء الموتور تذكر
كمان بصيت على عربية قريبى موديل 2014 يعنى اجدد من عربيتى شويتين وبردو فيها نفس الموضوع
هل دا بيشير لاى خلل فى اداء المحرك ؟؟؟
السلام عليكم ورحمة الله وبركاته هو حضرتك تقصد لما بتفتح غطاء الزيت بيترتش زيت لو ده صح يبقى ده الطبيعى فى اى موتور لازم تحت غطاء التاكيهات يترتش زيت ده جزء اساسى لتوزيع الزيت على التاكيهات ؟اقتباس:
المشاركة الأصلية كتبت بواسطة abdo.bedir
أولا.. من طبيعي جدا جدا إنك لما تفتح غطا الزيت تلاقي رذاذ الزيت بيخرج... لإن دي هي طريقة تزييت الأجزاء المتحركة في وش السلندر.. زي الكامات العلوية والتاكيهات وخلافه..
علشان كده غلط إنك تفتح غطا فتحة الزيت أثناء تشغيل الموتور.. لإن رذاذ الزيت ده بيبقى سخن وممكن يحرق إيدك.. ده غير إنه هيوسخ المنطقة المحيطة بيه..
بردو من الطبيعي نسبيا إنك تلاقي بعض الأبخرة البسيطة اللي بتخرج من الفتحة دي.
الموتور اللي فيه مشكلة بتلاقي كمية الأبخرة دي كبيرة.. وبيسموه "موتور خفيف"
لو عايز تعرف الموتور الخفيف .. ببساطة هتلاقي خرطوم صغير خارج من أعلى الموتور ورايح على مانيفول السحب في الإنجكشن أو على فلتر الهوا في الكاربيراتير...
الخرطوم ده لو فكيته هتلاقي بخار زيت طالع منه... والمفروض تكون كميته قليلة..
لو الكمية كبيرة أو حسيت بنفخ هوا طالع منه (ضغط عالي).. ده معناه إن الموتور ده محتاج نص عمرة على الأقل.
راجع الموضوع ده لمزيد من المعلومات..
http://www.nilemotors.net/Nile/418186-a.html
...
شكرا جزيلا على الرد ... طمنتونى :)