فى حالة سخونة العربية ايه الفرق بين تزويد المياه والعربية دايرة او مطفية

السلام عليكم ورحمة الله وبركاته

لما اى عربيه بتسخن المفروض الاجراء الطبيعى انك تزود ميه والعربيه دايره
لان لو زودت ميه والعربيه مطفيه فهتجيب وش سلندر

ايه بقى السبب اللى بيخلى العربيه وهى دايره مش تجيب وش سلندر




تم تعديل العنوان
م ع 7

اعتقد ... وده إجتهاد شخصى ... ان العربيه وهى دايره بيتم تقليب المياه ودوران المنظومه برتابه من داخل الموتور الى السربنتينه الى القربه وبالعكس يعنى بتعمل تحريك وتوزبع للماء مرورا بكل ده ولكن لو اضيف الماء البارد والعربيه متوقفه بعد ان سخنت لاتتم تلك المنظومه ويتركز الماء البارد في جزء اسفل الموتور واللى بيكون سخن فبيحصل الضرر ............... ولكن هنا ممكن نطرح السؤال العكسى لو العربيه سخنت احنا بنضيف او نزود الماء البارد وهى دايره طيب هل نضيف او نزود الماء الساخن وهى متوقفه لتلافى الضرر ؟

اقتباس:

---

المشاركة الأصلية كتبت بواسطة akmm

اعتقد ... وده إجتهاد شخصى ... ان العربيه وهى دايره بيتم تقليب المياه ودوران المنظومه برتابه من داخل الموتور الى السربنتينه الى القربه وبالعكس يعنى بتعمل تحريك وتوزبع للماء مرورا بكل ده ولكن لو اضيف الماء البارد والعربيه متوقفه بعد ان سخنت لاتتم تلك المنظومه ويتركز الماء البارد في جزء اسفل الموتور واللى بيكون سخن فبيحصل الضرر ............... ولكن هنا ممكن نطرح السؤال العكسى لو العربيه سخنت احنا بنضيف او نزود الماء البارد وهى دايره طيب هل نضيف او نزود الماء الساخن وهى متوقفه لتلافى الضرر ؟

---

شكرأ للرد طيب لو الميه اصلا قلت خالص هل برضه تزويد الميه والعربيه دايره مش يخليها تجيب وش سلندر

متابع

عموما الما اللى بيكون دوره التبريد بيكون في داخل مسارات محدده في الموتور وأيضا في القربه وأيضا الرارياتير وبعض الخراطيم الكاوتشوك ... وده معناه ان كل تلك الكميه تقريبا لاتقل عن 7 الى 9 لتر مياه تبريد وعلشان تفضى كلها فجاه فده نادر جدا الا لو الموتور تعرض للكسر وهينزل معاها الزيت او الرادياتير اتكسر من اعلى او اسفل وهنلاقى الحراره ارتفعت بطريقه مهوله متعديه درجات الأحمر اللى في المؤشر والموتور اكيد هيقف من قسوه الحراره .... عموما لو الميه تسربت بكثره وعزاره من العربيه وهى ساخنه لابد من إيقاف الموتور حالا وبعد كده معالجه التسريب وبعده اضافه الماء .... وهى بارده أساسا .

ماتزودش ميه والعربية لسه سخنة سواء وهى دايرة ولا وهى مبطله - إستنى لغاية العربية ماتبرد خالص وبعدين تفتح الرادياتير وتزود براحتك - والأصح انك بعد ماتزود ميه تسيب غطا الرادياتير مفتوح وتدور الموتور وتسيب العربية دايرة لغاية المروحة ماتشتغل وبعدين تزود ميه تانى لو كانت نقصت وتقفل الغطا.

دا قاعدة عامة فى حاجات كتير بشكل عام حتى فى البنى آدمين

التغيير الفجائى يكسر

لازم كل حاجة تتم بشكل تدريجى...لو صبيت شاى سخن مرة واحدة ممكن الزجاج يتكسر
طريقة صناعة الزجاج السيكيوريت بيعرضه لتبريد فجائى علشان ينزل حتت مفتتة يتكسر

الماء من اكبر المواد ذات السعة الحرارة العالية ...يعنى تبلع كم حرارة كبير (المواد ذات السعة الحرارية العالية تكتسب كم حرارى كبير لكن معدل اكتسابها و فقدها بطىء كمعدل زمنى و المواد ذات السعة الحراية الصغيرة ما تقدرش تحتوى غير كم حرارى صغيرو لكن بتكتسب الحرارة وتفقدها بسرعة)...كمثال الماء سعته الحرارية أكبر من الزيت ...يشيل حرارة اكتر من الزيت بس بياخد وقت

لو أضفت ماء بارد هيحصل ان الماء البارد ينزل تحت و الماء السخن يطلع فوق كخاصية فيزيائية

الموتور مقسوم نصين و الفاصل بينهم وش السلندر والجزء التحتانى فى الموتورهيتركز فيه الماء البارد و كل ما تطلع لاعلى المياه هتكون اقل برودة و المنطقة عند وش السلندر هيكون عندها الماء بارد نسبيا و فى اللحظة دى الماء هيمتص الحرارة بشدة و المعدن هينكمش و يفرك فى الجوان ....و الجوان يحصل فيه قطع نتيجة الحركة الانكماشية...بنتكلم فى اجزاء من المللى

الدوران بيعمل تقليب للمياه و بيجعل امتصاص الحرارة أول حاجة يكون تدريجى ما يعملش انكماش حاد لمعدن وش السلندر و بالتالى للجوان نفسه ....و تانى حاجة امتصاص الحرارة على كافة أجزاء الدورة و كل ما كان معدل التزويد أبطأ كل ما كان أفضل

فى المولدات العملاقة بعد تبطيلها.. بيشغلو موتور يعمل دوران لأكس المولد بمعدل بطىء خالص لفة واحدة فى الدقيقة مثلا...الغرض منها ان تقل الأكس (زى عمود الكرنك كدة) و هو سخن ما يحصلش فيه إلتواء....فمع تقديرنا لرأى مهندس أحمد عبد الفتاح ...الأفضل ما تسبش المكنة سخنة جدا علشان تقل عمود الكرنك و هو سخن - زى مثال المولدات - ممكن يعمل التواء و لو صغير اوى او يأثر على السبايك

اقتباس:

---

المشاركة الأصلية كتبت بواسطة م أحمد

دا قاعدة عامة فى حاجات كتير بشكل عام حتى فى البنى آدمين

التغيير الفجائى يكسر

لازم كل حاجة تتم بشكل تدريجى...لو صبيت شاى سخن مرة واحدة ممكن الزجاج يتكسر
طريقة صناعة الزجاج السيكيوريت بيعرضه لتبريد فجائى علشان ينزل حتت مفتتة يتكسر

الماء من اكبر المواد ذات السعة الحرارة العالية ...يعنى تبلع كم حرارة كبير (المواد ذات السعة الحرارية العالية تكتسب كم حرارى كبير لكن معدل اكتسابها و فقدها بطىء كمعدل زمنى و المواد ذات السعة الحراية الصغيرة ما تقدرش تحتوى غير كم حرارى صغيرو لكن بتكتسب الحرارة وتفقدها بسرعة)...كمثال الماء سعته الحرارية أكبر من الزيت ...يشيل حرارة اكتر من الزيت بس بياخد وقت

لو أضفت ماء بارد هيحصل ان الماء البارد ينزل تحت و الماء السخن يطلع فوق كخاصية فيزيائية

الموتور مقسوم نصين و الفاصل بينهم وش السلندر والجزء التحتانى فى الموتورهيتركز فيه الماء البارد و كل ما تطلع لاعلى المياه هتكون اقل برودة و المنطقة عند وش السلندر هيكون عندها الماء بارد نسبيا و فى اللحظة دى الماء هيمتص الحرارة بشدة و المعدن هينكمش و يفرك فى الجوان ....و الجوان يحصل فيه قطع نتيجة الحركة الانكماشية...بنتكلم فى اجزاء من المللى

الدوران بيعمل تقليب للمياه و بيجعل امتصاص الحرارة أول حاجة يكون تدريجى ما يعملش انكماش حاد لمعدن وش السلندر و بالتالى للجوان نفسه ....و تانى حاجة امتصاص الحرارة على كافة أجزاء الدورة و كل ما كان معدل التزويد أبطأ كل ما كان أفضل

فى المولدات العملاقة بعد تبطيلها.. بيشغلو موتور يعمل دوران لأكس المولد بمعدل بطىء خالص لفة واحدة فى الدقيقة مثلا...الغرض منها ان تقل الأكس (زى عمود الكرنك كدة) و هو سخن ما يحصلش فيه إلتواء....فمع تقديرنا لرأى مهندس أحمد عبد الفتاح ...الأفضل ما تسبش المكنة سخنة جدا علشان تقل عمود الكرنك و هو سخن - زى مثال المولدات - ممكن يعمل التواء و لو صغير اوى او يأثر على السبايك

---

هو بس موضوع اكس المولد ده مش متطابق مع موضوع العربية - اكس المولد فيه تقل كبير جدا فى منتصفه اللى هو البوبينة او القلب او الروتور وماينفعش تحط كراسى تحميل فى نص الروتور لان الكراسى بتبقى على طرفين الاكس بتاع الروتور بس - وحكاية انهم بيدوروا المولد بعد تبطيله فده فى المولدات الكبيرة جداً وبيبقى علشان الايقاف المفاجئ مايعملش التواء (torsion) فى عمود الروتور نتيجه لثقل وزن البوبينة ويتكسر نتيجه اجهاد اللى . ولو المولد ده بيدور بالبخار كقوة محركة بيحصل سخونة عالية فعلا - لكن لو المولد ده بيدار بالغاز او بالديزل مابتحصلش سخونة عالية للدرجه اللى يحصل فيها انحناء للروتور بسبب الحرارة .
عمود الكرنك فى العربية صغير جدا كطول وكوزن ومتشال على كراسى كتير فصعب انه يحصل له انحناء بسبب الحرارة الزايدة.
مع خالص تحياتى

ايه المفروض يتعمل فى حاله .. عربيه بتغلى من السخونه و المؤشر وصل للاحمر و الميه بتغلى فى القربه

اقتباس:

---

المشاركة الأصلية كتبت بواسطة tasaka

ايه المفروض يتعمل فى حاله .. عربيه بتغلى من السخونه و المؤشر وصل للاحمر و الميه بتغلى فى القربه

---

تركن على جنب وتبطل وتسيبها لغاية ماتبرد لوحدها وحتلاقى المروحة شغاله حاتساعد على تبريد الموتور وتكمل الميه بالطريقة اللى انا ذكرتها فوق وبعدين تكشف على السبب

اقتباس:

---

المشاركة الأصلية كتبت بواسطة م/أحمد عبد الفتاح

ماتزودش ميه والعربية لسه سخنة سواء وهى دايرة ولا وهى مبطله - إستنى لغاية العربية ماتبرد خالص وبعدين تفتح الرادياتير وتزود براحتك - والأصح انك بعد ماتزود ميه تسيب غطا الرادياتير مفتوح وتدور الموتور وتسيب العربية دايرة لغاية المروحة ماتشتغل وبعدين تزود ميه تانى لو كانت نقصت وتقفل الغطا.

---

اقتباس:

---

المشاركة الأصلية كتبت بواسطة م أحمد

دا قاعدة عامة فى حاجات كتير بشكل عام حتى فى البنى آدمين

التغيير الفجائى يكسر

لازم كل حاجة تتم بشكل تدريجى...لو صبيت شاى سخن مرة واحدة ممكن الزجاج يتكسر
طريقة صناعة الزجاج السيكيوريت بيعرضه لتبريد فجائى علشان ينزل حتت مفتتة يتكسر

الماء من اكبر المواد ذات السعة الحرارة العالية ...يعنى تبلع كم حرارة كبير (المواد ذات السعة الحرارية العالية تكتسب كم حرارى كبير لكن معدل اكتسابها و فقدها بطىء كمعدل زمنى و المواد ذات السعة الحراية الصغيرة ما تقدرش تحتوى غير كم حرارى صغيرو لكن بتكتسب الحرارة وتفقدها بسرعة)...كمثال الماء سعته الحرارية أكبر من الزيت ...يشيل حرارة اكتر من الزيت بس بياخد وقت

لو أضفت ماء بارد هيحصل ان الماء البارد ينزل تحت و الماء السخن يطلع فوق كخاصية فيزيائية

الموتور مقسوم نصين و الفاصل بينهم وش السلندر والجزء التحتانى فى الموتورهيتركز فيه الماء البارد و كل ما تطلع لاعلى المياه هتكون اقل برودة و المنطقة عند وش السلندر هيكون عندها الماء بارد نسبيا و فى اللحظة دى الماء هيمتص الحرارة بشدة و المعدن هينكمش و يفرك فى الجوان ....و الجوان يحصل فيه قطع نتيجة الحركة الانكماشية...بنتكلم فى اجزاء من المللى

الدوران بيعمل تقليب للمياه و بيجعل امتصاص الحرارة أول حاجة يكون تدريجى ما يعملش انكماش حاد لمعدن وش السلندر و بالتالى للجوان نفسه ....و تانى حاجة امتصاص الحرارة على كافة أجزاء الدورة و كل ما كان معدل التزويد أبطأ كل ما كان أفضل

فى المولدات العملاقة بعد تبطيلها.. بيشغلو موتور يعمل دوران لأكس المولد بمعدل بطىء خالص لفة واحدة فى الدقيقة مثلا...الغرض منها ان تقل الأكس (زى عمود الكرنك كدة) و هو سخن ما يحصلش فيه إلتواء....فمع تقديرنا لرأى مهندس أحمد عبد الفتاح ...الأفضل ما تسبش المكنة سخنة جدا علشان تقل عمود الكرنك و هو سخن - زى مثال المولدات - ممكن يعمل التواء و لو صغير اوى او يأثر على السبايك

---

اقتباس:

---

المشاركة الأصلية كتبت بواسطة tasaka

ايه المفروض يتعمل فى حاله .. عربيه بتغلى من السخونه و المؤشر وصل للاحمر و الميه بتغلى فى القربه

---

شكرا للرد بس لى استفسار
أنا كان معايا 128 وكان مؤشر الحرارة بيوصل للاخر وكنت بفتح الريداتير ملاقيش نقطه ميه وكنت بزود ميه والعربيه لسه سخنه ودايرة والموضوع ده كذا مره. موضوع انى اسيب العربيه تبرد خالص اعتقد الموضوع ممكن يحتاج ساعتين علشان العربيه تبرد خالص واعتقد محدش بيبقى فى طريق هيستنى الفترة ديه. ياريت التوضيح

اقتباس:

---

المشاركة الأصلية كتبت بواسطة م/أحمد عبد الفتاح

هو بس موضوع اكس المولد ده مش متطابق مع موضوع العربية - اكس المولد فيه تقل كبير جدا فى منتصفه اللى هو البوبينة او القلب او الروتور وماينفعش تحط كراسى تحميل فى نص الروتور لان الكراسى بتبقى على طرفين الاكس بتاع الروتور بس - وحكاية انهم بيدوروا المولد بعد تبطيله فده فى المولدات الكبيرة جداً وبيبقى علشان الايقاف المفاجئ مايعملش التواء (torsion) فى عمود الروتور نتيجه لثقل وزن البوبينة ويتكسر نتيجه اجهاد اللى . ولو المولد ده بيدور بالبخار كقوة محركة بيحصل سخونة عالية فعلا - لكن لو المولد ده بيدار بالغاز او بالديزل مابتحصلش سخونة عالية للدرجه اللى يحصل فيها انحناء للروتور بسبب الحرارة .
عمود الكرنك فى العربية صغير جدا كطول وكوزن ومتشال على كراسى كتير فصعب انه يحصل له انحناء بسبب الحرارة الزايدة.
مع خالص تحياتى

---

طول عمود الكرنك بتاع العربية فعلا صغير كطول و توزيع الكراسى هييلاشى التأثير دا ...بس كمان العملية نسبية يعنى هو وزنه خفيفه و السبايك خفيفة جدا جدا و بالتالى لو تركت المحرك فى حالة السخونة الشديدة ..تقل عمود الكرنك و معاه البساتم على السبيكة ممكن يعمل فيها لسع

على حد علمى مفيش Prime Mover لمولد يدار بديزل مباشرة.. يا إما هتدور ببخار مياه أو غاز مباشرة...حتى المحطات النووية لازم ترجع فى الآخر تحول لبخار...و فى كلا الحالتين ال Prime Mover بعيد عن المولد

السلام عليكم
انا معايا سياره بي واي دي 2013 f3 في عندي مشكلة في الفتيس بيعمل صوت يروح لما ادوس دبرياج ، عندي رجه اثناء السير في الدريكسيون بعد 100 واثناء الفرامل ، في شخلله في الشكمام قالولي محتاج تغيير فتيس والطنابير الامامية وغير علبة البيئة
السؤال
1- انا عربيتي مانوال اجيب فتيس استراد لانسر ولا فتيس byd وسعر كل واحد كام تقريبا.
2- هل ينفع اجيب فتيس اتوماتيك واركبه ولا في مشكلة ولو ينفع اجيب فتيس لانسر استيراد ولا byd
3- هل اجيب الطنابير الامامية معاها حاجه تانيه ولا لا وسعرها كام تقريبا

اقتباس:

---

المشاركة الأصلية كتبت بواسطة Ayman477

السلام عليكم
انا معايا سياره بي واي دي 2013 f3 في عندي مشكلة في الفتيس بيعمل صوت يروح لما ادوس دبرياج
الفتيس ناقص زيت
عندي رجه اثناء السير في الدريكسيون بعد 100
ترصيص عجل أمامى و خلفى و لو ما رحش يبقى صليبة كوبلن داخلية
واثناء الفرامل
تغيير طنابير
في شخلله في الشكمان
فعلا علبة البيئة عايزة تتغير أو العلبة الخلفية لو من نوعية ابو اليزيد ممكن تلاقى فيها زلط !!!
قالولي محتاج تغيير فتيس والطنابير الامامية وغير علبة البيئة
السؤال
1- انا عربيتي مانوال اجيب فتيس استراد لانسر ولا فتيس byd وسعر كل واحد كام تقريبا.
لانسر طبعا
2- هل ينفع اجيب فتيس اتوماتيك واركبه ولا في مشكلة ولو ينفع اجيب فتيس لانسر استيراد ولا byd
يفضل لأ لانك هتغير ضفيرة كهربا و شغل كتير
3- هل اجيب الطنابير الامامية معاها حاجه تانيه ولا لا وسعرها كام تقريبا

---

اقتباس:

---

المشاركة الأصلية كتبت بواسطة م أحمد

طول عمود الكرنك بتاع العربية فعلا صغير كطول و توزيع الكراسى هييلاشى التأثير دا ...بس كمان العملية نسبية يعنى هو وزنه خفيفه و السبايك خفيفة جدا جدا و بالتالى لو تركت المحرك فى حالة السخونة الشديدة ..تقل عمود الكرنك و معاه البساتم على السبيكة ممكن يعمل فيها لسع

على حد علمى مفيش prime mover لمولد يدار بديزل مباشرة.. يا إما هتدور ببخار مياه أو غاز مباشرة...حتى المحطات النووية لازم ترجع فى الآخر تحول لبخار...و فى كلا الحالتين ال prime mover بعيد عن المولد

---

بالنسبة للمولدات يوجد مولدات كتير جدا تدور بالديزل وبالغاز ومنتشرة جدا فى تطبيقات كتير زى السفن مثلا وزى المصانع والمستشفيات والموانى والمطارات وفيه محطات توليد كهربا شغالة كمان بمولدات تدار بالديزل وبالغاز بالاضافة للبخار . وال prime mover بتاع البخار بيبقى تربينة وماينفعش تكون بعيده عن المولد لان الشافت بتاع التربينة بيبقى متركب عليه المولد
تحياتى

اقتباس:

---

المشاركة الأصلية كتبت بواسطة ayman477

السلام عليكم
انا معايا سياره بي واي دي 2013 f3 في عندي مشكلة في الفتيس بيعمل صوت يروح لما ادوس دبرياج ، عندي رجه اثناء السير في الدريكسيون بعد 100 واثناء الفرامل ، في شخلله في الشكمام قالولي محتاج تغيير فتيس والطنابير الامامية وغير علبة البيئة
السؤال
1- انا عربيتي مانوال اجيب فتيس استراد لانسر ولا فتيس byd وسعر كل واحد كام تقريبا.
2- هل ينفع اجيب فتيس اتوماتيك واركبه ولا في مشكلة ولو ينفع اجيب فتيس لانسر استيراد ولا byd
3- هل اجيب الطنابير الامامية معاها حاجه تانيه ولا لا وسعرها كام تقريبا

---

نعتذر عن قطع تسلسل الموضوع ....
م احمد جاوب ربنا يكرمه ....

اضيف بعض الاضافات الصغيرة .....

لو ماكينة حضرتك ال 1600 .. ممكن تجيب فتيس البومة ... و تخلى الراجل الى بيبيعلك يحددلك مكان حساس الكرنك فين ... علشان انت محتاج تخرم فى حلة الفتيس و تركب جلبة علشان تظبط ارتفاع و مكان حساس الكرنك .... حساس الكرنك فى البومة راكب على وش التقسيمة ... فى byd حساس الكرنك على حلة الفتيس ( الفولام )
و لو جبت فتيس اوتوماتيك .... فدى قصة تانية ... حتحتاج عصاية غيارات و تابلوه و شوية حاجات صغيرة

لو عاوز فتيس جديد لل byd .. عليك و على التوكيل ...

لو موتورك 1500 ... فتيس الهوندا سيتى مش حيركب عندك ... فممكن تجيب فتيس هوندا سيتى .. و تاخد قلبه كله و تحطه فى فارغة ال فتيس القديم ... نصيحتى الشخصية و هى غير ملزمة لأحد .... حاول تصلح الفتيس بتاعك

اقتباس:

---

المشاركة الأصلية كتبت بواسطة ayman477

السلام عليكم
انا معايا سياره بي واي دي 2013 f3 في عندي مشكلة في الفتيس بيعمل صوت يروح لما ادوس دبرياج ، عندي رجه اثناء السير في الدريكسيون بعد 100 واثناء الفرامل ، في شخلله في الشكمام قالولي محتاج تغيير فتيس والطنابير الامامية وغير علبة البيئة

---

الحاجه الوحيده اللى انت محتاج تغيرها .. هو الميكانيكى بتاعك

مفيش حد بيغير فتيس علشان صوت بيروح لما تدوس دبرياج .. و فى عربيه 2013

هل هو كشف على زيت الفتيس ؟؟ .. هل انت غيرته فى مواعيده ؟؟ .. هل اتأكد من كل حاجه تانيه قبل ما يقول لك غير ؟؟

اقتباس:

---

المشاركة الأصلية كتبت بواسطة tasaka

الحاجه الوحيده اللى انت محتاج تغيرها .. هو الميكانيكى بتاعك

مفيش حد بيغير فتيس علشان صوت بيروح لما تدوس دبرياج .. و فى عربيه 2013

هل هو كشف على زيت الفتيس ؟؟ .. هل انت غيرته فى مواعيده ؟؟ .. هل اتأكد من كل حاجه تانيه قبل ما يقول لك غير ؟؟

---

للأسف يا فندم .... الكلام ده منتشر جدا .... بمجرد ما الفتيس يعمل صوت خشونة او ونة ... فيه صنايعية بتنصح بتغيير الفتيس بواحد استيراد .... دى الناس الى مش بتحب تضيع وقت و لا مجهود .. و مش عاوزة تتعب شوية

الناس الخبرة القديمة ... تنصح بتغيير زيت الفتيس بلزوجة اكبر .... و بعدها بشوية ... تغيير الفتيس بواحد استيراد

و القديم .. :10_1_104v[1]:
و دمتم

طيب ... ما نصلح القديم ؟؟!!! لا لا ده حيكلفك اد تمن واحد استيراد و مش حيرجع زى الاول ... ريح نفسك و هات واحد استيراد
و لا عزاء للصنايعية و الخراطين . و بتوع الفتايس

اقتباس:

---

المشاركة الأصلية كتبت بواسطة ahmed_eng2001

للأسف يا فندم .... الكلام ده منتشر جدا .... بمجرد ما الفتيس يعمل صوت خشونة او ونة ... فيه صنايعية بتنصح بتغيير الفتيس بواحد استيراد .... دى الناس الى مش بتحب تضيع وقت و لا مجهود .. و مش عاوزة تتعب شوية

الناس الخبرة القديمة ... تنصح بتغيير زيت الفتيس بلزوجة اكبر .... و بعدها بشوية ... تغيير الفتيس بواحد استيراد

و القديم ..
و دمتم

طيب ... ما نصلح القديم ؟؟!!! لا لا ده حيكلفك اد تمن واحد استيراد و مش حيرجع زى الاول ... ريح نفسك و هات واحد استيراد
و لا عزاء للصنايعية و الخراطين . و بتوع الفتايس

---

انا بصراحه موش مستوعب ان فتيس عربيه 2013 يصل لمرحله من السوء انه يتغير بالسهوله دى

و المستعمل اللى حيجيبه حيبقى موديل كام ؟؟

تحياتى و اعزازى يا باشمهندس احمد

اقتباس:

---

المشاركة الأصلية كتبت بواسطة amr011111

شكرا للرد بس لى استفسار
أنا كان معايا 128 وكان مؤشر الحرارة بيوصل للاخر وكنت بفتح الريداتير ملاقيش نقطه ميه وكنت بزود ميه والعربيه لسه سخنه ودايرة والموضوع ده كذا مره. موضوع انى اسيب العربيه تبرد خالص اعتقد الموضوع ممكن يحتاج ساعتين علشان العربيه تبرد خالص واعتقد محدش بيبقى فى طريق هيستنى الفترة ديه. ياريت التوضيح

---

مش حاتستنى ساعتين ولا حاجه كلها نص ساعة لو لقيت مثلا خرطوم مقطوع حاتسيبها وتروح تدور على خرطوم أو حاتتصل بونش ييجى يرفعها ودى ممكن تاخد نص يوم مش ساعتين بس- وغلط جدا فتح الرادياتير والعربية سخنه - والله لسه من سنة كده او اكتر لقيت واحد عالدولى جنب عربية راكنه وبيتلوى ويتنطط من الالم وقفت له ورحت لقيته كان العربية سخنت منه وفتح الرادياتير الميه نطرت على ايده واتحرقت جامد بعيد عن السامعين . بلاش فتح الرادياتير والعربية سخنه ولا حتى وهى الامبير بتاع الحرارة على التلت ومش سخنه قوى يعنى .

اقتباس:

---

المشاركة الأصلية كتبت بواسطة Ayman477

السلام عليكم
انا معايا سياره بي واي دي 2013 f3 في عندي مشكلة في الفتيس بيعمل صوت يروح لما ادوس دبرياج ، عندي رجه اثناء السير في الدريكسيون بعد 100 واثناء الفرامل ، في شخلله في الشكمام قالولي محتاج تغيير فتيس والطنابير الامامية وغير علبة البيئة
السؤال
1- انا عربيتي مانوال اجيب فتيس استراد لانسر ولا فتيس byd وسعر كل واحد كام تقريبا.
2- هل ينفع اجيب فتيس اتوماتيك واركبه ولا في مشكلة ولو ينفع اجيب فتيس لانسر استيراد ولا byd
3- هل اجيب الطنابير الامامية معاها حاجه تانيه ولا لا وسعرها كام تقريبا

---

بعد اذن صاحب الموضوع
قرار تغيير الفتيس ده صعب ومش بيتاخد علشان الدبرياج بيعمل صوت لما بتدوس عليه دى ممكن تكون بلية الديركت ولو العكس (بتعمل صوت وبيروح لما تدوس دبرياج يبقى بلية الدبرياج)
زى ماقلك الأستاذ tasaka غير الميكانيكى ده واهرب منه بسرعة :)
تروح لواحد محترم يكشف على زيت الفتيس ولو لقيته غامق وعامل ريحه غيره ويكشف على مساتر الدبرياج لو دبرياجها زيت مش واير ويكمل الزيت بتاع الدبرياج زى زيت الفرامل . وبعدين شوف موضوع البلية .
وزى ماقالك المهندس احمد رصص العجل واكشف على الشكمان كله وقفزان التثبيت بتاعته وغير الطنابير الامامية علشان اتلوحت وماتخرطهاش لان الخراطه مش بتعمل حاجه فى اللوحة بتاعة الطنابير .
وماتسيبش العربية تقع منك تانى بالمنظر ده لان العربيات دلوقتى بقت بالشئ الفلانى ولازم تحافظ عليها ايا كانت ماركتها متستخسرش فيها - انا اسف على الجملة دى بس علشان متصرفش كتير وتسيب الحاجه البايظه شوية بتبوظ حاجات تانية وتصرف اكتر وانت عارف الحال دلوقتى عامل ازاى.