الموضوع: انسي استهلاك البنزين العالي ...بالتفاصيل

استهلاك البنزين (اسبابة -حساسات- طرق العلاج - بالتفصيل )
.................................................. .........................
مبدايا كدة يارجالة البنزين 92 احسن مليون مرة لاوبل من 80
دة ف الاول بقة
(خلي بالك هاتوفر ف الفرق بين 80 و 92 وهاتصرف ع ماتورك وفلاترك اكتر واكتر )
متاسف ع التاخير ومتاسف ان البوست مطول اوي انت بس خد بالك من الكلام دة وإن شاء الله هاتحس بفرق رهيببببببببببببببببببببب
.................................................. .................................................. .....
اساسيات عامة للاستهلاك العالي
......................................
1- كوتش: اكشف باستمرار على ضغط الهوا في الكوتش، وتأكد إنه مظبوط. ممكنش تكشف كل شهر مرة إلا إذا لاحظت إن الكوتش نايم أو مهوي. تركيب كوتش أكبر من الموصى به في العربية يأثر على استهلاك البنزين، لأنه بيزود مقاومة دوران العجلة. من الأفضل إنك تلتزم بحجم الكوتش الموصى به.والافضل هو 30 ضغط
2- الصيانة عامل مهم قوي في توفير البنزين. التزم بمواعيد صيانة العربية، وتغيير زيت الموتور وفلتر البزيـن. كل ده بيأثر جامد على توفير البنزين.
فلتر البنزين كل 20 الف او ياريت لو 15 الف افضل كتير
فلتر الهوا عشان خاطري يا رجالة ابقي غيرة مع فلتر البنزين
( نصيحة من اخوكم سمير ...الاحتراق كلة ماهو الا بنزين وهواء يعني لو فية تقصير من فلتر الهوا هاتاخد بقة كل مشاكل ف الدنيا ونفس الكلام ف البنزين )
فلتر الهوا اخرة 60 ج و البنزين 50 لكل العربيات
راجع كمان علي تيل الفرامل والرجلاش لاني بشوف ناس كتير يقولك انا مرجلش فرامل وبتبقي بقة التيل بيحك ف الطنابير والعجل بيسخن والسحب بيروح وحاجة غربية
الرجلاش بيبقي من 5- 6 تكات فرامل اليد
(يعني وانت بترفع الهاند مسافتها 6 تكات والله شوفت عربية واحد حبيبي عاملها 2 تكة بس )
3- بلاش تدوس على دواسة البنزين والفرامل خمسين مرة في الدقيقة. استخدم دواسة البنزين بنعومة وسلاسة، العربية تاخد سرعتها براحتها؛ أما إنك تدوس بنزين جامد وفجأة تفرمل، تبقي شايف ام المطب والسكة واقفة قدامك وتدووووووووووووووس وتيجي تفرمل
:)
4- بتفتح الشبابيك وإنت بتجــري؟ بُص الهوا للي داخل من شبابيك العربية بيقلل سرعتها، وكده تستهلك وقود أكتر ودي نفس فكرة النقطة رقم خمسة بتاعت السرعـة. وارب إزاز الشبابيك عشان تقلل الهوا جوه العربية.. ده لو بتجري يعنــي ومش محتاجهـا مفتوحة عالآخــر .....
5- عربيات كتير بقــى فيها مثبت سرعة .. لو عندك استخدمه، لأنه بيضمن ثبات سرعة العربية، وده مفيد خاصة على الطرق السريعة.....بص ياحج السرعة المثالية
90- 120 اخرك دة استهلاك مثالي ع السرعة دي
6- الاوبل بقة بلاش تسخن العربية الصبح 50 دقيقة هما 4 دقايق وانطلق او اقل كمان لان دة بيستهلك بنزين كتير جدا
7- التكييف طبعا بيستهلك زيادة جدا ودي حاجة ترجعلك فية ناس مش بتستحمل الحر
8- والنبي يارجالة شنطة العربية خلي المهم بس متخليش بقة كل العفش بتاع الشقة والعدة بتاعت الحرفيين كلها ف الشنطة
9- العربيات المانوال عشان خاطري ادي الغيار ف وقتة وانسب ار بي ام تنقل عندة هو 3-3.50 ار بي ام
10- ـ لا تستخدم مضخم الصوت، أو أى اجهزة اضافية غير الكاسيت، لأنها تستهلك كهرباء اكثر، وبالتالى بنزينا اكثر
.................................................. .................................................. ..... كل اللى فات دة كلام عام ونصائح هامة بس المهم بقة والكلام الحلو بتاعنا هانخش بقة ف الحساسات بقة والصيانة والشغل الدولي اللى احنا متميزين فية
الحساسات
.............
1- حساس الشكمان او حساس الاكسجين
النجم دة يعتبر من اكتر الحساسات قرف ولما بيبوظ بيخرف ويخلي الاستهلاك عالي جدااااااااااااا
اهميتة بقة هو بيحسب العادم اللى طالع نسبة الهوا والبنزين من العادم ويرجع للكمبيوتر يقولة يا حج كمبيوتر عندك 40 % هوا و 50% بنزين
اعراضة : لمبة الفحص تنور (اوقات بتلاقي دخان اسود بس مش ع طول )
اللمبة تنور تفحص كمبيوتر تلاقي الاكسجين تروح تغييرة ع طول بلاش بقة تنظيف وكلام مصري باظ يتيغير ع طول
2- حساس تي بي اس
حساس الدوسة بتاعت رجلك دة بقة بيحس بالدوسة بتاعت رجلك ع البنزين ويجري للكمبيوتر يقولة الواد دة داس جامد :) زود الحقن والحرق
لما يخرف يروح يقول معلومات غلط للكمبيوتر
الواد دة داييس جامد وانت يا عيني دايس بالراحة ع طول حرق ني وبنزين ني واستهلاك
اعراضة
..........
اول ما تدوس مفاجي تلاقي العربية نايمة فى سابع نومة تاخد كام ثانية عشان تشد معاك
او انت بتجري بالعربية ع سرعة 120 وتشيل رجلك تلاقي العربية بتبطي ببطي يعني السرعة بتقل ببطي اووووووووووووووووي بتاخد وقت
لمبة الفحص تنور
3- حساس الكولنت او الحرارة بتلاقية ف كل الاوبل ورا المكنة وهو فبشة كدة لما بيخرف بياكل بنزين ودة سبب خطير واساسي ف الاستهلاك
اعراضة لما تدور العربية الصبح تلاقي ريحة بنزين ني تشمة جوة العربية وبرة
العلاج تفكة تنظفة بصنفرة ناعمة اوي او ليفة سيلك بتاعت تنظيف الاطباق
لو لسة روح غيرة ب 180 ج :) الماني
4- الشكمان بقة ودة الجاسوس الموجود ف الاوبل كلها والعربيات عموما تنلاقي فية خرم صغير اوي او اكتر من خرم ودة بيخلي العزم يروح خالص والبنزين يستهلك بشكل غبي
الحل انتو عارفين بقة الحم الخرم :)
5- طب واحد يقولك انا بشم ريحة بنزين جوة العربية
دة بيبقي سببة جوان الطرمبة بتاعت البنزين
الجوان دة تحت الكنبة الخلفية هتلاقي غطا الطرمبة اللى راكب فية خراطيم البنزين والراجع الجوان دة بيبقي واقع تحت ف التنك او مقطوع وبالتالي يا معلم البنزين بيطير طول النهار سواء العربية دايرة او لا اكنك سايب باب التنك مفتوح
الرشاشات
........
انا عملتها لوحدها لانها مهمةةةةةةةةة جدا
من اسمها بترش البنزين ولازم تكون علي شكل اسبراي رش لو بتسيل يعني مش بترش دي مشكلة كبيرة ودة غالبا بيبقي سبب اساسي ف الاستهلاك او الرشاش مسدود ودة بيحتاج تنظيف
1- التراسونيك وانا معرفش اى حد بيعملها
2- منظف الرشاش stp الطريقة موجود ف الشرح المثبت
اعراضة بقة عزم رايح ريحة بنزين واضحة اوووووووووووووووووووووووو ي استهلاك فظيع صعوبة ف التدوير اصلا
الحل تنظيف او تغيير لو جاب اخرة
(ملحوظة البوجيهات ممكن تكون من اسباب الاستهلاك ودة لماتفكها تلاقي هباب اسود نتيجة سوء الاحتراق ) تتغير
كابل الارضي لازم يتقوي وانا شرحتة امبارح
المتوسط بقة بتاع الاستهلاك
.................................. هانزل لكل عربية لوحدها مع اختلاف المواتير كلها عشان تعرف انت عربيتك بتاكل او لا
........................................

طبعا الكررولا من العربيات اللى بحبها جدا بس حبي الاول هو الاوبل :)
إن شاء الله يوم الاحد القادم موضوع تفصيلي للكورولا بالصور والفديوهات