جددت رخصه العربيه مدة سنتين في ساعه وعشرة دقائق!!

**رامي مصطفى** · 22-11-2016 02:54 PM

طلعت براءة الذمه من النيابه اللي انا تابع ليها
وروحت لمرور المنصوره دخلت الساعه ١١:٠٠ صباحا وخرجت بالضبط الساعه ١٢:١٢ م.كل حاجه من اول سحب الملف ودفع التأمين وتأشيرة الضابط وتسليم الملف للموظف (أ/جمعه) طبعا بتوع المنصوره كلهم عارفينه.هههههه. ومراجعة الملف ودفع الضريبه واستلام الرخصه لدرجه اني فضلت اراجع في الرخصه حرف حرف خوفت اكون استلمت رخصه واحد بايت من انبارح في المرور.هههههه حاجه جميله والمروى منظم جدا والناس محافظه على الطابور غريبه حسيت اني مش في مصر.لأ ودخلت المرور لاقيتهم مشغلين قرآن بصوت مشاري راشد في سماعات متعلقه في السقف زي بتاعت السقف المعلق..!!!!!! حاجه تشرح كده والله.
ياريت كل المصالح الحكوميه تكون كده
وللعلم ما دفعتش جنيه رشوه والله
والتكلفه للعلم عربيتي تيريوس ٢٠٠٠ ١٣٠٠cc
تأمين اجباري ١٨٧ج سنتين
ملف ٣٢ج
ضريبه سنتين ٤١٨ج
ومشيت وانا زعلان قلت في نفسي لما المرور يتظبط كده اعمل الرخصه بسنتين ومش هشوف النظام ده غير بعد سنتين! ياللا الحمد لله
اسف للإطاله بس حبيت اطمن الاعضاء اللي من المنصوره ان الدنيا بأت محترمه جدا في المرور

**bluemail** · 22-11-2016 03:41 PM

ما شاء الله، مبروك الرخصه يا دكتور
عقبال مرورنا كلنا لما يبقي كده
وكل مصالحنا الحكوميه باذن الله
بس ليه ما عملتش الرخصه 3 سنين احسن

**sherif_mahalla** · 22-11-2016 03:53 PM

بس تقصد ايه بأستاذ جمعه اللي كل الناس عارفينه؟

**hugan** · 22-11-2016 10:20 PM

هههههههه اكيد في حاجه مش طبيعيه عندكم
خير علي الله العدوي تنتقل
الي باقي وحدات المرور

**ahmed_wagih** · 23-11-2016 08:52 AM

متفق معاك ان المرور عامتا تحسن انا بردة كنت شارى عربية مستعملة وكنت بنقل من مرور لمرور الناس كلها خوفتنى بس الحمد لله الدنيا كلها خاصت فى يومين بسبب انى مكنتش جبت شهادة المخالفات لو كانت معايا كنت خلصت فى يوم واحد وماشى بدرى كمان - مرور شبرا الخيمة